17.7 C
Pontevedra
Xoves, 23 de Maio de 2024
Máis
    HomeO CondadoPonteareasO Goberno de Ponteareas lembra que ACiP ten os partes de servizo...

    O Goberno de Ponteareas lembra que ACiP ten os partes de servizo da Policía Local “ao seu dispor dende o mes de novembro”

    O executivo local lembra que González Carrera "está autorizado desde novembro a examinar os partes". A entrega de copias retrasouse ao ter que eliminar os datos persoais de ditos partes

    O concelleiro de Bo Goberno, Transparencia e Participación Cidadá, Roberto Mera, aclarou que o Grupo Municipal ACIP ten os partes da Policía Local ao seu dispor nas oficinas do departamento, onde poden examinalos libremente dende o mes de novembro. “Se non as examinou até hoxe sería porque non quixo”, explicou Mera.

    Respecto ás fotocopias deses partes, tamén solicitadas por ACIP, Mera explica que “nas follas de servizos da Policía figuran moitísimos datos persoais de denunciantes, denunciados, persoas asistidas pola Policía, etc… que por protección de datos non se poden entregar. Por ese motivo, é necesario eliminar os datos nas copias solicitadas por ACIP”. Mera sinalou que “ese traballo de eliminación de datos persoais retrasou a entrega das copias dos partes dos 60 días solicitados”.

    Mera aclarou que “nin se oculta información nin se incumpren sentenzas. González Carrera deberá explicar á veciñanza porque non examina os partes que ten a súa disposición dende hai dous meses e só lle valen as copias físicas con datos que afectan á intimidade de multitude de persoas”.

    “O goberno está autorizando a González Carrera a acceder aos centos de partes diarios que está solicitando de seguido. Non sabemos se coñecer todas as actuacións da Policía é un xeito de fiscalizar ao goberno ou só pura curiosidade por enteirarse do que lle pasa á xente, pero se se piden centos de partes hai que entender que é necesario eliminar os datos persoais que afectan á intimidade e vida privada de moitas persoas, iso leva tempo e non podemos ter un administrativo en exclusiva para atender con rapidez peticións indiscriminadas de González Carrera” rematou o edil de Transparencia.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.