18.9 C
Pontevedra
Xoves, 21 de Setembro de 2023
Máis
    HomeO CondadoPonteareasA Xunta afronta a fase final da mellora do tramo de concentración...

    A Xunta afronta a fase final da mellora do tramo de concentración de accidentes da estrada po-403 ao seu paso por Ponteareas

    O delegado territorial da Xunta en Pontevedra, Agustín Reguera, supervisou o fin dos traballos nunha visita xunto á alcaldesa, Nava Castro, e destacou a sensibilidade do goberno galego para incorporar melloras que atendían ás demandas veciñais

    O delegado territorial da Xunta en Pontevedra, Agustín Reguera, visitou esta mañá o antigo Tramo de Concentración de Accidentes (TCA) da estrada PO-403 ao seu paso polo Concello de Ponteareas, no que a Xunta de Galicia desenvolveu unha obra para mellorar a seguridade viaria do seu percorrido neste acceso de entrada á capital do Condado.

    Xunto á xefa territorial de Infraestruturas e Mobilidade, María Martínez, a alcaldesa de Ponteareas, Nava Castro, e o responsable provincial da AXI, Manuel Juanatey, o delegado territorial comprobou o bo resultado conseguido coa obra. Cabe destacar que a actuación comezou co obxectivo de mellorar a intersección construíndo carrís de espera neste tramo da estrada que une a vila de Ponteareas con Salvaterra do Miño. Sen embargo, durante unha visita ás obras plantouse a posibilidade de construír unha rotonda, unha demandada da veciñanza da zona que axudaría diminuír a peligrosidade da vía. Tras examinala atentamente, esta opción foi aprobada.

    Neste sentido, Reguera sinalou que “dende a Xunta sempre estamos dispostos a estudar novas posibilidades e a escoitar as opinións e peticións dos veciños que son quen mellor coñecen o terreo e quen se van beneficiar desta mellora”.

    Con esta actuación, que contou cun orzamento de preto de 800.000 euros e que está a punto de rematar, a Xunta, a través da Consellería de Infraestruturas, conseguiu eliminar un TCA e mellorar a seguridade viaria nun tramo de preto de 1.600 metros. Ademais, a actuación supón a mellora das interseccións, o reforzo dos pasos de peóns, a ampliación das beirarrúas, a creación de prazas de estacionamento e a renovación da sinalización. Tamén se implantaron outras medidas para incrementar a visibilidade.

    Agustín Reguera insistiu no compromiso da Xunta de Galicia por seguir mellorando as condicións das estradas de toda a Comunidade Autónoma, de forma a aumentar a seguridade nos desprazamentos de todos os galegos e galegas.

    COLABORACIÓNS

    Alberto Mancebo, «O que me quedaba por dicirche»

    Poderiamos afirmar que nos últimos meses algo se está a mover na literatura galega pola aparición de novos autores que nos sorprenden gratamente pola frescura das súas propostas.

    Antón Riveiro Coello, «Hotel Carioca»

    Antón Riveiro Coello volve a demostrar a súa rara habilidade para a construción de historias nas que xoga a mantenta coas personaxes e mais co lector.

    Branca Novoneyra, «As cunchas baleiras»

    Logo dunha longa década de escrita íntima e de reflexión, Branca Novoneyra decide facer público un novo poemario de clara vocación estética e simbólica como é «As cunchas baleiras», que ela mesma concibe como unha «antoloxía» dos versos que saíron da súa pluma ao longo de todo este tempo.

    Fabio Rivas, «A pintura debida»

    Ás veces atopamos sorpresas inesperadas que nos fan sorrir e confiar na saúde da nosa literatura.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    89 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS