32.5 C
Pontevedra
Luns, 22 de Xullo de 2024
Máis
    HomeLouriñaMosPreto de 200 ciclistas pedalearán na "VII Challenge Rías Baixas"

    Preto de 200 ciclistas pedalearán na “VII Challenge Rías Baixas”

    A sétima edición da “Challenge Rías Baixas” reunirá esta fin de semana a preto de 200 ciclistas. A proba, organizada polo club ciclista “Master da Louriña”, presentouse hoxe no Concello do Porriño, nun acto no que participaron o alcalde do Porriño, Alejandro Lorenzo, a alcaldesa de Mos, Nidia Arévalo, o concelleiro de deportes de Ponteareas, Miguel Bouzó e o diputado provincial de deportes, Gorka Gómez. Á presentación acudiron tamén o presidente do club organizador, Juan José Álvarez, o presidente da Federación Galega de Ciclismo, Juan Carlos Muñiz, e o representante da empresa patrocinadora LASAL, Rafael Pérez.

    Juan José Ávarez, presidente do Master da Louriña adiantou algunhas novidades desta edición, entre as que destaca que “a etapa de Mos será proba puntuable para a Copa de Galicia e ademais contemplará un tramo de 1 km de sterrato”. Juanillo salientou o alto grado de participación “con 182 inscritos, 30 deles xuvenís que terán a oportunidade de sumar a experiencia dunha proba como esta”. O presidente do Master Louriña quixo agradecer o respaldo das administracións e patrocinadores privados que fai posible que cheguemos á séptima edición dunha proba xa consolidada”.

    Pola súa banda, a alcaldesa de Mos agradeceu a Juan e á súa familia o traballo diario que fan polo deporte. “Os concellos somos afortunados de ter case o 100 % da actividade deportiva en mans dos clubes”, destacou Arévalo, “O traballo que fan polo deporte no día a día é de agradecer e chegados momentos como este, no que presentamos probas desta magnitude, ese agradecemento magnifícase”.

    No mesmo sentido se manifestou o edil de Ponteareas, que salientou que “Ponteareas tiña que acoller unha das etapas desta proba, xa que é un referente no ámbito ciclista con 3 campións da Volta Ciclista a España”.

    O deputado provincial de deportes trasladou o respaldo da Deputación de Pontevedra “a eventos deportivos como a Challenge Rías Baixas, aos que as administracións debemos apoiar” e convidou a todo o mundo a disfrutar da proba. Rematou o acto o alcalde anfitrión, Alejandro Lorenzo,  agradecendo “ao Master da Louriña, e a Juanillo en concreto, o enorme labor que fan a favor do ciclismo e do deporte porriñés. Xente como eles manteñen viva a tradición ciclista que temos no Porriño e animan moitas nenas e nenos a mergullarse neste deporte. Por iso contarán sempre co respaldo do Concello”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.