O domingo, acto de homenaxe a Marisol Álvarez Vázquez, secretaria da Agrupación Socialista de Tomiño

O vindeiro domingo, 23 de agosto ás 12 horas do mediodía terá lugar no baldío de Grixó –SantaMaria de Tebra/Barrantes– un acto de homenaxe, recoñecemento e lembranza da figura de Marisol Álvarez Vázquez, secretaria de organización da Agrupación Socialista de Tomiño.

Será, sinala o PSOE tomiñés, “un acto sinxelo” onde a treboada ‘Os Terribles de Tomiño’, do que formaba parte Marisol Álvarez, será a encargada de poñer música ás verbas, ás emocións, ás frores, ás lembranzas, ás árbores e a poesía nas voces das súas fillas Zutoia e Zuriñe.

“Lembraremos a nosa compañeira Marisol, na compaña da familia, amigos e amigas e da veciñanza que desee achegarse polo que xuntarémonos ás 11:30 na praza de Santa María”, sinala a Agrupación Socialista de Tomiño.