9.6 C
Pontevedra
Xoves, 28 de Marzo de 2024
Máis
    HomeBaixo MiñoO RosalOs ‘Círculos concéntricos’ de Iria Supertramp, este venres 29 na biblioteca municipal

    Os ‘Círculos concéntricos’ de Iria Supertramp, este venres 29 na biblioteca municipal

    Abril remata no Rosal cedendo de novo o protagonismo aos libros. Este venres día 29 a biblioteca municipal será o escenario que acollerá a presentación da obra ‘Círculos concéntricos’, de Iria Supertramp, un libro que case é unha biografía en forma de espiral e de peixe que morde a súa propia cola, debuxando feridas cíclicas que tentan pecharse para dar paso a outras novas.

    A autora da obra agóchase baixo o pseudónimo de Iria Supertramp, un alter ego creado a partir dunha película sobre o abrupto de liberar o eu interno, sobre a busca insaciable da esencia, sobre a sede da alma contada dende os días de seca. Detrás del atópase unha rapaza galega que algunha vez forzou a metáfora no camiño sinuosos de estudar interpretación e traballo social e que, pouco a pouco, vai atopando o seu sitio no mundo poético.

    O acto comezará ás 19.00 horas, será de balde e contará coa colaboración da Escola de Música da Agrupación Musical do Rosal.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.