19.1 C
Pontevedra
Martes, 16 de Agosto de 2022
Máis
    HomeBaixo MiñoO RosalO Rosal súmase ao sendeirismo inclusivo

    O Rosal súmase ao sendeirismo inclusivo

    O Concello adquire unha cadeira todo terreo para que as persoas con mobilidade reducida poidan desfrutar ao máximo da natureza

    O Rosal continúa dando pasos para convertese nun municipio accesible e inclusivo para todos e todas. O Concello acaba de adquirir unha cadeira todo terreo para que as persoas con mobilidade reducida poidan realizar e desfrutar as sendas naturais da súa contorna. Manuel Sobrino e persoas da asociación San Xerome Emiliani foron os primeiros en probala nunha pequena ruta pola Explanada do Horizonte, na que estiveron acompañados da alcaldesa, Ánxela Fernández, e varios concelleiros e concelleiras. Esta primeira xornada estivo destinada a coñecer e a probar a cadeira e foi, en palabras da rexedora, “unha experiencia moi positiva” grazas “ao bo facer de Manuel e dos rapaces e monitores da asociación”.

    Con esta cadeira o Concello pretende crear un servizo permanente para que as persoas con mobilidade reducida poidan facer sendeirismo de xeito programado acompañado dun equipo de voluntarios e voluntarias que xa se están a procurar.  Para a alcaldesa esta adquisición “é un paso máis cara a inclusión integral que o Concello comezou co proxecto Cocreando Sociedade” e explica que, agora, soamente falta coñecer máis e mellor o seu funcionamento en distintos escenarios. Na seguinte xornada de proba Manuel percorrerá a ruta dos muíños do Folón e do Picón.

    A cadeira todo terreo conta soamente cunha roda e con dous elementos de agarre, un traseiro e outro dianteiro. A persoa que a utilice debe ir acompañada de polo menos dúas persoas, xa que unha debe asegurar o seu equilibrio e outra encargarse da tracción e da dirección. Durante a xornada da Explanada do Horizonte tanto Manuel, como as persoas usuarias da asociación, e o equipo de goberno puideron comprobar de primeira man o mecanismo de funcionamento da cadeira e xa están listos para rutas con maior grao de dificultade.

    Esta aposta polo sendeirismo inclusivo enmárcase dentro do proxecto Cocreando Sociedade, co que o Rosal trata de estreitar lazos entre tecido asociativo, administración local e entidades que traballan a prol da diversidade para deseñar de forma conxunta estratexias e iniciativas inclusivas.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS