8.7 C
Pontevedra
Xoves, 28 de Marzo de 2024
Máis
    HomeBaixo MiñoO RosalO Rosal recupera o encontro social cunha nova edición do Festival Xente...

    O Rosal recupera o encontro social cunha nova edición do Festival Xente Xida

    Concello e Asociación Cultural Xida recuperan o encontro social no Rosal despois de máis de dous anos de crise sanitaria cunha nova edición do Festival Xente Xida, unha festa con raíces para todas as idades e públicos coa mellor música e gastronomía. “O festival volve tras a pandemia coas mesmas orixes grazas ao traballo da asociación cultural Xida, conformado por un grupo de persoas moi implicadas socialmente que traballa a prol do folclore e da música e que colaboran co Concello na organización deste evento que forma parte das Festas do Verán do Pilar”, destaca a alcaldesa, Ánxela Fernández Callís, que agradeceu o labor desempeñado pola asociación.

    A cuarta edición do festival celebrarase o vindeiro 24 de xullo a partir das 21.30 horas no colexio da Mata con acceso libre e de balde. Polo escenario pasarán O Trebón dos Xidos, que amosará un anaco da súa música e da súa tradición; o grupo galego Cantometrics e os baioneses Abóbriga, un grupo de gaiteiros que dende 2008 ofrecen unha mostra da música tradicional mesturada con composicións propias e cancións populares.

    A mellor música tradicional estará mesturada coa gastronomía, xa que o público poderá gozar da cantina e do porco ao espeto.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.