16 C
Pontevedra
Martes, 21 de Maio de 2024
Máis
    HomeBaixo MiñoO RosalO Rosal recupera a súa Memoria Histórica con dous actos esta fin...

    O Rosal recupera a súa Memoria Histórica con dous actos esta fin de semana

    A Comisión pola Memoria Histórica Baixo Miño – Condado – Louriña, en colaboración co Concello do Rosal organiza duas actividades esta fin de semana. O sábado 27 de agosto, terá lugar en Portecelo, un acto de conmemoración no que se homenaxeará a seis persoas asasinadas nese lugar no ano 1936 por defender a liberdade e a democracia. A cita é ás 20.00 horas no Penedo, no Horizonte (Portecelo).

    O día seguinte, o domingo 28, a Sala de Exposicións do Concello acollerá a inauguración dunha exposición sobre os traballos de exhumación que o Instituto de Estudos Miñoranos levou a cabo en San Xián en 2009, e na que se atoparon cinco corpos. Será ás 12 do mediodía.

    Catro dos cinco cadáveres achados foron identificados, corresponden ao nigranés Joaquín de la Iglesia Portela, Manuel Prudencio do Rosario, Abilio Araújo Barboza e Jesús ‘O Palero’, todos de Gondomar. Os cinco, xunto a Manuel Noia Gil, ex-alcalde da Guarda que foi torturado e executado no mesmo lugar, serán os homenaxeados na xornada do sábado na presenza das súas familias. Tamén está previsto que asistan ao acto as e os alcaldes de Concellos do Baixo Miño, Val Miñor e Paradanta.

    A alcaldesa do Rosal, Ánxela Fernández Callís, sinala a importancia destes traballos de recuperación que permiten que moitas familias atopen aos seus devanceiros desaparecidos e poidan pechar o ciclo. “É imprescindible coñecer a nosa historia e saber quenes somos para vivir o presente e ter perspectiva de futuro”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.