13.7 C
Pontevedra
Sábado, 18 de Maio de 2024
Máis
    HomeBaixo MiñoO RosalO Rosal prepárase para dúas grandes citas co balonmán

    O Rosal prepárase para dúas grandes citas co balonmán

    O 'Handball Cup O Rosal' e unha nova fase da Copa do Rei, converten ao municipio rosaleiro nun punto de atención preferente para os amantes deste deporte

    Os vindeiros días 27 e 28 de decembro, o Rosal acollerá unha nova edición da xa tradicional Handball Cup O Rosal, que nesta edición do 2019 pasa a ser “un trofeo transfronteirizo” ao contarse coa participación do Andebol Caminha.

    Serán dous días de balonmán de canteira no que participarán os nenos e nenas das categorías alevín, benxamín e infantil que poderán gozar, ademáis do deporte, de xornadas de convivencia entre todos eles e elas. Para iso, a organización ten preparadas unha serie de actividades paralelas ao propio trofeo.

    Doutra banda, o Acanor Atlético Novás segue a facer historia e o día 17 de decembro ás 20:45 h, disputará o partido de ida dunha nova fase da ‘Copa do Rei’ no Rosal.

    A formación rosaleira terá como rival nesta eliminatoria ao Ángel Ximenez Puente Genil, equipo no que, na pasada tempada, militaba o actual pivote do Acanor Atlético Novas, o internacional uruguayo Gaby Chaparro.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.