O Concello do Rosal aposta pola inclusividade coa contratación de dúas persoas en risco de exclusión social para reforzar o servizo de limpeza viaria e a roza forestal.
A alcaldesa, Ánxela Fernández, afirma que “dar oportunidades ás persoas que precisan unha man é un deber das administración públicas que non se debe esquecer”, e espera que estes 9 meses nos que traballarán para o Concello “supoñan un pulo para mellorar a súa situación”.
Estas contratación son posibles grazas a subvención concedida pola Consellería de Emprego e Igualdade dirixidas a entidades locais para a contratación temporal de persoas en situación ou risco de exclusión social perceptoras da renda de integración social de Galicia (Risga).