7.6 C
Pontevedra
Venres, 29 de Marzo de 2024
Máis
    HomeBaixo MiñoO RosalO alumnado do CPI Manuel Suárez Marquier coñece os segredos do funcionamento...

    O alumnado do CPI Manuel Suárez Marquier coñece os segredos do funcionamento dun Concello

    Achegar o funcionamento da administración local aos máis cativos. Ese era o obxectivo da visita realizada estes días por alumnado de 1º e 2º de primaria do CPI Manuel Suárez Marquier á Casa Consistorial rosaleira, unha xornada na que ademais de coñecer as instalacións municipais, os diferentes departamentos e o seu funcionamento tamén puideron falar coa alcaldesa, Ánxela Fernández Callís, e con concelleiras e concelleiros e plantexarlles as súas dúbidas e suxestións.

    Durante o encontro, nenos e nenas celebraron un pleno infantil presidido pola rexedora no que todas e todos os participantes aprobaron por unanimidade realizar unha festa dos nenos e nenas, unha iniciativa que o equipo de Goberno comprometeuse a organizar. “Visitas como estas son unha forma de darlle voz á nosa infancia, de achegalos ao funcionamento do Concello e de facelos partícipes do devir do Rosal”, salienta a alcaldesa.

    Na visita o alumnado do CPI Manuel Suárez Marquier tamén puido coñecer de primeira man o traballo que realizan diferentes empregados e empregadas municipais, como o de Secretario ou Secretaria municipal.

    Dende o Concello quere agradecerse aos nenos e nenas do CPI Manuel Suárez Marquier a súa participación e o grande interese demostrado na súa visita á Casa Consistorial.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.