14.6 C
Pontevedra
Domingo, 25 de Febreiro de 2024
Máis
    HomeBaixo MiñoO RosalDescenden a 15 os casos activos de Covid-19 no Rosal

    Descenden a 15 os casos activos de Covid-19 no Rosal

    Segundo os datos facilitados pola Consellería de Sanidade na reunión de seguimento da situación epidemiolóxica

    Este xoves 17 tivo lugar a segunda reunión por videoconferencia da Consellería de Sanidade cos rexedores dos concellos do Rosal, A Guarda e Tomiño para o seguimento da situación epidemiolóxica nestes municipios. Neste encontro Sanidade facilitou os últimos datos recollidos no Rosal, que reflicten un descenso tanto no número de casos activos como no de persoas en corentena.

     Así, na actualidade no municipio hai 15 positivos e 25 persoas en estreito seguimento. Cabe destacar que se entenden como casos activos no municipio aqueles que foran positivos na proba PCR que aínda non recibiran a alta médica e que teñan o seu médico de cabeceira adscrito ao centro de saúde do Rosal.

    A alcaldesa, Ánxela Fernández Callís, salientou a importancia destes datos, que supoñen “unha boa nova. Imos no bo camiño pero non podemos confiarnos, debemos seguir sendo responsables  e extremando as medidas de precaución para evitar novos brotes”. É necesario recordar que o concello do Rosal mantén dende o pasado día 12 medidas restritivas co obxectivo de acoutar ao máximo a expansión do virus, restrinxindo e regulando determinadas actividades.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.