9.7 C
Pontevedra
Domingo, 11 de Abril de 2021
More
    HomeBaixo MiñoO RosalA xestión de biomasa e a creación de faixas de protección, claves...

    A xestión de biomasa e a creación de faixas de protección, claves do Plan Municipal de Prevención de Incendios do Rosal

    O Concello traballa man a man coas Comunidades de Montes Veciñais en Man Común do municipio para a posta en marcha do plan, subvencionado ao abeiro do Plan Concellos 2019 da Deputación

    Os técnicos do equipo redactor do plan municipal de prevención e defensa contra os incendios forestais do Rosal debullaron os pormenores deste documento nunha reunión mantida a semana pasada na que participaron a alcaldesa, varios concelleiros, a técnica forestal municipal e representantes das Comunidades de Montes Veciñais en Man Común de O Rosal, As Eiras, San Xoán de Tabagón e San Miguel de Tabagón. “Concello e comunidades de montes mantemos unha relación de reciprocidade nun tema tan importante como é o dos lumes. Por iso colaboramos man a man para recompilar toda a información necesaria e contar coa opinión das entidades máis acostumadas a traballar na xestión dos montes”, salienta a alcaldesa, Ánxela Fernández Callís.

    O plan, que tivo un custe de 6.500 euros subvencionados ao abeiro do Plan Concellos 2019 da Deputación de Pontevedra, ten por obxectivo planificar o territorio segundo o grao de perigo que supón a súa situación actual, marcando as actuacións necesarias a desenvolver e pivotará sobre a xestión da biomasa e a creación de faixas exteriores para planificar o territorio segundo o grao de perigo que supón a súa situación actual, marcando as actuacións necesarias a desenvolver.

    Aínda que o municipio rosaleiro ten un índice baixo de incendios, cunha media de 4,7 ao ano e 5,2 hectáreas afectadas segundo os datos da Consellería de Medio Rural, os lumes forestais constitúen unha das maiores ameazas ao sector forestal galego, un dos piares básicos da creación e mantemento de emprego no rural. Neste sentido, o plan é o documento que contén as accións necesarias para a prevención e defensa dos incendios tras unha análise da situación actual e establecendo unha zonificación do territorio como marco das directrices de actuación.

    A través deste plan defínese a rede de faixas secundarias de xestión de biomasa formadas por un conxunto de parcelas lineais do territorio estratexicamente localizadas, especialmente aquelas declaradas de alto risco, e a creación e mantemento de faixas exteriores de protección de zonas poboadas.

    Xunto a estas accións, contémplase tamén a eliminación total ou parcial da biomasa forestal mediante técnicas silvícolas axeitadas para garantir o control, reducir o risco de incendio e protexer a seguridade da veciñanza.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS