Sábado, 3 Maio de 2025

A Unidade Móbil de inspección técnica de vehículos estará no Rosal en xaneiro

Estará o día 20 no Pavillón Municipal para a revisión de ciclomotores

A Unidade Móbil de inspección técnica de vehículos desprazarase ao concello do Rosal o vindeiro mes de xaneiro para a revisión tanto de ciclomotores como de turismos. Esta unidade estará o mércores 20 de xaneiro no Pavillón Municipal e o horario de atención ao público será de 09.00 a 13.30 e de 15.15 a 18.00 horas.

As persoas interesadas poden solicitar cita previa:

  • Por teléfono: 902 30 90 00.
  • A través da páxina web www.sycitv.com – Cita previa

Dende a inspección técnica sinalan que a admisión de vehículos con características particulares estará condicionada á posibilidade de realizar as operacións de inspección regulamentaria.