A pasada semana, deron inicio as obras destinadas á ampliación, mellora e pavimentación da estrada municipal na localidade de Abelenda. Esta iniciativa xorde en resposta ás solicitudes dos residentes da zona, que reclamaban mellores condicións de acceso e seguridade as súas vivendas.
O importe da actuación ascende a 100.148,63 € (IVE 21% incluido) e está financiada pola Deputación provincial.
A intervención na vía responde a múltiples necesidades da comunidade. Entre elas, a mellora das condicións de acceso ás vivendas, o cal facilitará a mobilidade e seguridade de quen vive na zona, ademais de contribuír á modernización da infraestrutura rural do municipio.
A obra contempla non só o asfaltado e a ampliación da vía, senón tamén adecuacións destinadas a mellorar a accesibilidade, incluíndo medidas específicas para facilitar a circulación de vehículos e peóns, con especial atención a residentes con dificultades de mobilidade.
Espérase que, unha vez concluídos os traballos, a vía facilite unha circulación máis fluída e segura, fomentando ademais o tránsito peonil e a integración da comunidade. O proceso de execución da obra contempla un cronograma que busca minimizar as molestias aos residentes, garantindo ademais a calidade na execución e o cumprimento dos estándares de seguridade e medio ambiente estipulados.