10.1 C
Pontevedra
Luns, 26 de Febreiro de 2024
Máis
    HomeA ParadantaArboArbo recepciona as obras de acondicionamento do Sendeiro de Pescadores

    Arbo recepciona as obras de acondicionamento do Sendeiro de Pescadores

    As obras contaron cunha achega de 22.106,07 € da Consellería do Medio Ambiente

    O Concello de Arbo deu por rematadas as obras de acondicionamento do Sendeiro de Pescadores, traballos nos que se investiron 22.106,07 €, segundo o detalle que figura na memoria que serviu de base para a petición da subvención a Consellería de Medio Ambiente e vivenda para a realización do acondicionamento

    No pasado instaláronse paso con troncos ou cordas para facilitar o avance, pero actualmente e debido as crecidas do Miño en inverno, estas infraestruturas atopábanse moi deterioradas e non garantían a seguridade dos usuarios e usuarias.

    Os traballos realizados consistiron na instalación de infraestruturas de madeira nos tramos nos que se precisaba así como escaleiras ou pasarelas. Amais realizouse o acondicionamento nalgunhas zonas do sendeiro mediante a construción de infraestruturas de madeira tratada.

    Nos lugares en que o terreo é irregular e non permitan avanzar con seguridade construíronse escaleiras ou pasarelas e nos puntos onde se advirte risco de caídas a distinto nivel, instaláronse varandas de madeira que garanten a seguridade dos usuarios. Tamén se levou a cabo a roza dos tramos que o precisaban, e se mellorara a seguridade das persoas que transiten o sendeiro mediante a creación de diferentes infraestruturas que faciliten o paso.

    A situación sanitaria marcada pola Covid-19 fai que este tipo de turismo de natureza sexa o máis demandado. Por ese motivo, o Concello apostou pola realización deste investimento para continuar mellorando as súas infraestruturas e seguir atraendo visitantes. “Contamos cunha rede magnífica de sendeiros que moitos veciños aínda non coñecen e animamos a vir e gozalos porque de verdade que é unha marabilla a contorna natural que temos en Arbo” manifesta o alcalde do Concello de Arbo, Horacio Gil

    O sendeiro discorre en todo o trazado pola parte inferior da vía do ferrocarril e atopase correctamente sinalizado; porén, en varios puntos existen zonas nas que resulta difícil avanzar, xa sexa pola presenza de auga ou polas fortes pendentes.

    A información e a lenda das rutas atópase en numerosas páxinas webs especializadas e na páxina web do Concello de Arbo, nas redes sociais do Concello de Arbo o no canal de Youytube. Estas rutas son visitadas cada ano por senderistas e curiosos que queren coñecer de primeira man os cauces da ribeira do Miño, as pesqueiras e as artes de pesca da lamprea.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.