A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 7.392, deles 1.696 son da área da Coruña, 699 da de Lugo, 856 da de Ourense, 724 da de Pontevedra, 1.330 da área de Vigo, 1.650 da de Santiago, e 437 da de Ferrol.
Do total de pacientes positivos, 63 están en UCI, 342 en unidades de hospitalización e 6.987 no domicilio. Polo de agora, en Galicia hai un total de 59.172 persoas curadas, rexistrándose 1.441 falecementos. O número de PCR realizadas é de 1.168.006.
O numero de doses de vacina contra a covid-19 administradas é de 24.750.
Os datos de centros residenciais de servizos sociais corresponden aos que achegan con carácter diario os propios centros.
Os datos de escolas infantís e centros de ensino non universitario corresponden aos rexistrados diariamente a través da Central de Seguimento de Contactos, os propios centros e as xefaturas territoriais.
Os casos vinculados á comunidade educativa correspóndense con positivos detectados durante as vacacións de Nadal que continúan activos no inicio do segundo trimestre. Producíronse, polo tanto, durante o período non lectivo. A listaxe completa dos centros educativos, pode descargarse e consultarse nesta ligazón.