19.3 C
Pontevedra
Venres, 17 de Setembro de 2021
Máis
    HomeUltimas NoticiasA Xunta destina máis de 200.000 euros ao Baixo Miño para á...

    A Xunta destina máis de 200.000 euros ao Baixo Miño para á mellora de camiños municipais ao abeiro do Plan Marco

    A Xunta de Galicia, a través da Axencia Galega de Desenvolvemento Rural, contempla este ano un orzamento de 212.000€ para a mellora de camiños municipais de acceso a parcelas agrarias na bisbarra do Baixo Miño ao abeiro do Plan Marco, segundo anunciou esta mañá o delegado territorial en Pontevedra, Luis López, na súa visita ao Concello de Oia.

    O representante autonómico anunciou que este municipio ten consignados un total de 41.652 € no Plan Marco 2021-2022 nunha visita de supervisión realizada esta mañá, na compaña da alcaldesa, Cristina Correa, á actuación realizada nos camiños das Gandareiras e das Amadas coa anterior convocatoria, na que se investiron máis de 37.000€.

    Ademais da achega ao Concello de Oia, o organismo dependente da Consellería do Medio Rural vén de orzamentar co Plan Marco 52.794€ para o Concello de Tomiño, 44.871€ para Tui, 37.771€ para o municipio da Guarda e 34.854€ para O Rosal.

    “É fundamental realizar un apoio constante ás zonas rurais dos concellos para soster as súas infraestruturas viarias, tal e como facemos todos os anos dende a Xunta, para mellorar a mobilidade das súas aldeas e parroquias e facilitar os labores do campo e da horta que, no caso dun municipio como Oia, teñen bastante peso na súa economía”, indicou o delegado territorial, que revelou que este concello vai recibir este ano máis de 81.000€ de axudas de Medio Rural para a mellora de vías, xa que, ao concedido co Plan Marco 2021-2022, hai que engadir os 39.878€ do Plan de Infraestruturas Rurais (PIR) para a modernización da pista da Ponte.

    Así mesmo, reiterou o “absoluto compromiso e máxima colaboración” do Goberno galego coas necesidades de Oia, “dándolle continuidade ás moitas actuacións que está a acometer a Xunta en todos os ámbitos en aras do interese xeral dos veciños e que, no referente ao rural, plásmanse, por exemplo, no aumento este ano dun 12% na dotación do Plan Marco para este municipio”.

    Finalmente, Luis López destacou o elevado investimento nesta materia na bisbarra do Baixo Miño, “que leva este ano máis de 200.000 € para as súas vías interiores municipais dado o peso que ten o sector primario, especialmente na puxante hortofruticultura, e a existencia de moitas e amplas zonas rurais, malia tratarse dunha contorna con moito litoral”.

    COLABORACIÓNS

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Illote Areoso, paraíso natural

    Último domingo del mes de agosto y aquí estoy de nuevo para compartir con vosotros un pedacito de mis aventuras. Hoy os dejo un planazo sin salir de la provincia de Pontevedra: una visita al Illote Areoso.

    Peregrinos xacobeos na cidade de Tui (XIII). O nobre polaco, Xacobe Sobieski de Janina en 1611

    Nos capítulos que vimos recollendo nesta sección sobre peregrinos xacobeos que deixan referencía á cidade de Tui nos seus relatos ou diarios nos que recollen a súa experiencia, abordamos hoxe a figura doutro peregrino chegado dende terras ben afastadas. Trátase dun nobre polaco, Xacobe (Jakub) Sobieski de Janina, foi...

    Colaboradores

    Alberto Aliaga Sola
    11 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS