12.8 C
Pontevedra
Venres, 30 de Setembro de 2022
Máis
    HomeÉ NoticiaGonzalo Caballero anuncia catro anos ao servizo de Galicia, "seremos a voz...

    Gonzalo Caballero anuncia catro anos ao servizo de Galicia, “seremos a voz da cidadanía que non se resigna e quere mellorar o país”

    O secretario xeral avanza na primeira xuntanza do Grupo Parlamentario Socialista “unha oposición leal” para afrontar a crise económica e sanitaria pero “contundente en defensa dos servizos públicos e da igualdade”

    O secretario xeral do PSdeG, Gonzalo Caballero, reuniu hoxe por primeira vez aos 14 deputados socialistas electos e anunciou “catro anos de traballo ao servizo de Galicia”, en relación á lexislatura que está a piques de comezar.

    “Estaremos alí onde haxa unha inquedanza, unha preocupación, un problema ou unha proposta para ser a voz da cidadanía que non se resigna e quere mellorar o país”, subliñou o líder dos socialistas galegos, consciente de que Galicia “necesita aire fresco e impulso” para afrontar o futuro.

    “Poñeremos o mellor de nós mesmos para traballar ao servizo da Galicia de igualdade, benestar e progreso que anhelan tantos galegos”, remarcou Gonzalo Caballero, quen indicou que “queremos ser a alternativa de progreso ao PP” e estar “en condicións de dar futuro e benestar a Galicia” cando os galegos opten polo cambio.

    Sobre todo, como dixo o máximo dirixente do PSdeG, nun momento no que o país se atopa nunha crise económica de “enorme envergadura” e nunha crise sanitaria na que preocupa o risco de rebrotes da covid.

    Precisamente por iso, Gonzalo Caballero anunciou “unha oposición leal pero contundente en defensa dos servizos públicos e da igualdade”, coa vista posta en que “ninguén quede atrás” por mor da crise. “Traballaremos para amosar que entendemos a mensaxe da cidadanía e para ser a alternativa de futuro”, concluíu.

    Así as cousas, na xuntanza do grupo parlamentario abordaronse os distintos eixos de traballo e, tras unha reunión da Comisión Permanente da Executiva do PSdeG, ratificouse que Gonzalo Caballero continuará exercendo como voceiro parlamentario e que Marina Ortega ocupará a vicesecretaría da Mesa do Parlamento.

    Marcha do rei emérito

    A maiores, preguntado polos xornalistas sobre a saída de España do rei emérito, Gonzalo Caballero sinalou que “o relevante é garantir que se aplique o Estado de Dereito” e que “non existan condutas inadecuadas que queden á marxe da lei”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS