17.9 C
Pontevedra
Martes, 16 de Xullo de 2024
Máis
    HomeO CondadoPonteareasO PP de Ponteareas reclama unha modificación orzamentaria destinada destinada a Centros...

    O PP de Ponteareas reclama unha modificación orzamentaria destinada destinada a Centros Culturais

    O Grupo Municipal do PP de Ponteareas presentou unha moción, para ser tratada no próximo pleno extraordinario que se celebrará o 18 de febreiro ás 20:00 horas, co obxectivo de que o Concello invista en centros culturais de diferentes parroquias. O escrito dos populares insta ao alcalde e ao seu Goberno municipal “a facer modificacións orzamentarias de diversas cantidades. Unha de 150.000 euros para o inicio da rehabilitación da casa adquirida cun préstamo a oito anos da Xunta na parroquia de Pías”.

    Do mesmo xeito outra das cantidades, de 150.000 euros, iría para o remate do Centro Cultural de Ribadetea, así como outra de 50.000 euros para a reparación da cuberta do Centro Cultural do Coto en Padróns e outra de 150.000 euros para a construción dun novo Centro Cultural na parroquia de Paredes.

    Na prórroga do Orzamento Xeral municipal do 2018 para o ano 2019, sinalan os populares, “non aparece ningunha partida económica para continuar coa construción e rehabilitación de centros culturais parroquias”. O PP considera que “a mellor situación económica do Concello” permite continuar financiando obras de mellora e construción de centros culturais. 

    Durante este mandato, o Goberno non inaugurou nin un só centro cultural a diferencia do que se viña facendo nos gobernos anteriores. Por todo isto, o Partido Popular agarda que o alcalde e o seu equipo de goberno “impliquense nesta necesidade e dean resposta, dunha vez, ás necesidades dos veciños das parroquias de Ponteareas”. Xa non sirve agocharse baixo a escusa da falta de cartos posto que poden facerse modificacións orzamentarias e hai cartos da Deputación que poden ser empregados para esta fin.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.