Este vindeiro sábado 11 de xaneiro, a partir das 20 horas, o Concello do Rosal pechará a súa programación de Nadal e o fará co espectáculo ‘Miñomáxico’ no que Samuel Moreno encherá de tecnoloxía, música, humor e maxia o Auditorio Municipal do Rosal.
Ademais deste espectáculo, que ten entrada totalmente de balde e no que colabora o Concello do Rosal, a asociación AMB quixo encher a xornada de maxia organizando obradoiros de maxia para nenos e nenas pola mañá no Centro Social Polivalente e ‘Maxia preto de ti’ pola tarde na Cafetería Juan. Para estas actividades é precisa inscrición previa.
