30.4 C
Pontevedra
Sábado, 11 de Xullo de 2020

O Concello aposta polas actividades ao aire libre na súa programación de verán

A nova realidade mudou tamén a forma de vivir o verán no Rosal. Seguindo as recomendacións sanitarias para previr posibles riscos de contaxio, o Concello aposta este ano por ofrecer unha programación de verán ao aire libre para toda a familia na que os veciños e veciñas poderán desfrutar durante os meses de xullo e agosto de visitas guiadas, concertos, cine e espectáculos de rúa polos barrios....

O CONDADO

Ponteareas celebrará unha Xincana Medioambiental de Orientación

A concellería de Medio Ambiente, que dirixe Rosa Covelo, convida a toda a cidadanía a participar na Xincana Medioambiental de Orientación que terá lugar o vindeiro domingo 19 de xullo.

Alfonso Pexegueiro e Vanesa Sotelo presentan a versión teatralizada da ‘Illa das Mulleres Loucas’

A Concellería de Cultura, que dirixe Fernando Groba, convida a toda a cidadanía a participar na presentación da versión teatralizada do libro de Alfonso Pexegueiro A Illa das Mulleres Loucas. A presentación será o sábado día 11 ás 19 horas no auditorio municipal de Ponteareas. Todos e todas as interesadas deberán reservar praza no enderezo electrónico departamentocultura@ponteareas.gal ou chamando ao número de teléfono 618 705 635.

Ponteareas licita as obras de intervención na Praza Bugallal

O goberno do BNG-PSOE informou da apertura do prazo de licitación das obras de intervención na Praza Bugallal e contorna. Unha actuación que se enmarca na estratexia 'Ponteareas Hábitat Saudable' que ten como finalidade transformar a vila pensando nas persoas, especialmente na xente maior, nas nenas e nos nenos e nas persoas con mobilidade reducida.

Ponteareas expresa o total rexeitamento ao peche de unidades educativas

A concellería de Educación, que dirixe a tenenta de alcalde Cristina Fernández Davila, solicita á Xunta de Galicia "que deixe de pechar unidades educativas nos centros escolares de Ponteareas" sendo hoxe máis imprescindible que nunca aulas menos numerosas que garantan non só a calidade dun ensino máis persoalizado se non tamén as normas de distanciamento e seguridade sanitaria".

A Deputación remata as obras de mellora da seguridad peoníl no acceso á igrexa de Guláns, en Ponteareas

A Deputación de Pontevedra segue a apostar por unha mobilidade viaria segura coa finalización das obras do proxecto de mellora e mobilidade peonil na EP-4004. En concreto, a actuación levouse a cabo nun tramo de case 500 metros da estrada, que dá acceso á igrexa e o cemiterio de Guláns así como ao colexio Feliciano Barrera, no concello de Ponteareas.

Pontón pide en Ponteareas “concentrar no BNG todo o voto do cambio galego” para abrir un “tempo novo” en Galicia

A candidata á Presidencia, Ana Pontón, aproveitou o mitin de Ponteareas para apelar á mobilización masiva das persoas que queren construír unha nova Galiza e a concentrar todo o voto de cambio real no BNG, como a mellor alternativa para deixar atrás once anos de retroceso e decadencia legado do PP. Para conseguir ese cambio galego que unha maioría social desexa a receita é dobre: mobilización masiva nas urnas e concentración do voto no BNG.

REDONDELA

Redondela inicia esta vindeira semana os traballos de roza e limpeza en todo o municipio

O Concello de Redondela comezará, esta vindeira semana, os traballos de rozado e limpeza en todo o municipio. Así quedou decidido trala reunión mantida polo concelleiro de Vías e Obras, Vicente Lamas, cos responsables da empresa realizada de desenvolver ditas actuacións.

Cambio de Colexios Electorais en Redondela para as elección ao Parlamento de Galicia do 12 de xullo de 2020

A Xunta de Galicia aprobou un Protocolo que establece unhas medidas preventivas en materia de saúde pública fronte á Covid-19. Para poder afrontar estas normas, cambiarase a ubicación de dous colexios electorais en Redondela para así, poder ter un desenvolvemento seguro da xornada electoral.

Remata o proceso selectivo de persoal para o servizo de conservación, limpeza e mantemento dos espazos públicos

Ante un atraso sen precedentes provocado pola pandemia da COVID-19 remata a primeira fase de selección con 13 persoas seleccionadas para o servizo de praias. O persoal irase incorporando gradualmente o servizo durante os vindeiros días, e para a próxima semana se reforzará nunha segunda fase coa selección de 6 persoas máis procedentes do proceso selectivo de Servizos Sociais.

O Concello de Redondela peonalizará a rúa Alfonso XII os sábados e domingos de 20 h a 24 horas

O Goberno de Redondela peonalizará a rúa Alfonso XII, vía principal da vila, os sábados e domingos entre as 20 h e 24 horas, nunha medida que busca o dobre obxectivo de proporcionar maior espazo á cidadanía á hora de pasear e, ao mesmo tempo, que poidan manter a distancia interpersoal que recomendan as autoridades sanitarias.

O Concello de Redondela velará polo cumprimento das normas preventivas da COVID-19

O Concello de Redondela anunciou a súa intención de poñer en marcha “todas aquelas medidas que, dentro das competencias municipais”, contribúan ao cumprimento das normas de prevención da COVID-19. A concelleira de Urbanismo e Facenda, María Castro Abad, salientou que por parte do Concello “adoptaránse as medidas de control e vixilancia precisas para evitar aglomeracións en terrazas, bares, cafeterías, furanchos de demáis establecementos de hostalería”.

Redondela acollerá as probas da ABAU tanto para o alumnado do municipio coma o de Soutomaior

Os alumnos de alumnas de Redondela e do veciño concello de Soutomaior, poderán facer este ano as probas da ABAU (Avaliación de Bacharelato para o Acceso á Universidade) en Redondela de cara a evitar desprazamentos e garantir a seguridade sanitaria do estudantado durante a celebración das probas.

LOURIÑA

Posta en valor do Castro de Torroso cunha nova sinalización que favorece o súa historia e divulgación

A alcaldesa de Mos, Nidia Arévalo, e a concelleira de Cultura e Turismo mosense, Sara Cebreiro, informaron hoxe de que xa se atopa instalada a nova sinalización do Castro de Torroso que o Concello de Mos instalou nas proximidades do xacemento. Instalación que foi proxectada, supervisada e dirixida polo arqueólogo Alberte Reboreda xunto co arquitecto municipal.

Bota a andar o gabinete psicolóxico de Salceda da man de Avelaíña

Dende comezos do mes de xullo funciona xa o gabinete de atención psicolóxica de Salceda de Caselas, que xorde ante a necesidade de proporcionar apoio e asesoramento psicolóxico individual e familiar a todas as persoas que o precisen, sendo previamente derivadas dende os Servizos Sociais.

Bará: “O 12X hai que concentrar o voto das persoas que queren cambio no Bloque porque canto máis BNG, menos PP”

A catro días da cita coas urnas, o cabeza de lista do BNG por Pontevedra, Luís Bará, afirmou hoxe en O Porriño que o vindeiro domingo hai que concentrar o voto das persoas que queren cambio en Galiza porque “canto máis BNG, menos PP”. Bará subliñou que lograr un tempo novo “está ao alcance da man” tendo en conta o ambiente e a ilusión que se está a notar na campaña electoral arredor da formación nacionalista.

Salceda terá un ‘Verán Cultural’ tan atractivo coma seguro

A Casa da Cultura Castelao acolleu esta mañá a presentación do 'Verán Cultural' da man do concelleiro de Cultura Alex Rodríguez e a alcaldesa Loli Castiñeira, un programa que este ano, por mor da COVID19, redúcese a unha intensa semana na que se concentrarán unha ducia de actividades.

O ‘Festival Intercéltico O Son do Pazo’ apraza a súa sexta edición ata setembro de 2021

"Cun enorme pesar, temos que dar a noticia que non queriamos dar: o 'Festival Intercéltico O Son do Pazo 2020' cancélase". Así explicaba a comisión organizadora deste festival que, todos os anos, cita en Mos ao máis selecto do folk galego. Co cartel deste ano prácticamente pechado "un cartel de auténtico luxo", aseguraban, "optamos pola prudencia ante a crítica situación sanitaria que vivimos nos últimos meses, nunha decisión que non foi doada para nós".

A plataforma de venda online ‘De Barrio’ bota a andar en Salceda con vinte e tres negocios locais adheridos

A plataforma 'De barrio' bota a andar tamén no Concello de Salceda con 23 comercios inicialmente, que se prevé sexan máis nos vindeiros días. O Concello colabora deste xeito co sector do comercio, asumindo os custos das altas no servizo e de mantemento neste primeiro ano.

VAL MIÑOR

O Concello de Baiona vixiará o cumprimento das normas de seguridade sanitaria sobre a COVID-19

O alcalde de Baiona, Carlos Gómez, anunciou que o Concello establecerá medidas de vixilancia “rigorosas” sobre o cumprimento das normas de seguridade sanitaria sobre a COVID-19 e, no caso concreto das reunións de mozos e mozas na fin de semana para realizar 'botellón', “a policía local será estrita e procederá a sancionar a aqueles e aquelas que non cumpran normas elementais como o mantemento da distancia interpersoal”.

Gustavo Almeida actuará hoxe no espazo Dunas de Gaifar, Nigrán

O Concello de Nigrán, dentro da súa programación especial de verán, ofrece este sábado 11 de xullo ás 22:30 no espazo deportivo Dunas de Gaifar (Panxón) o concerto do artista e ex-futbolista Gustavo Almeida presentando o seu último disco ‘Vértice’. A entrada será de balde pero con aforo limitado atendendo ás medidas de seguridade sanitarias actuais.

Baiona recorrerá ante o Contencioso a resolución da Xunta que deixa a Sabarís sen a segunda fase da humanización

A pesar de ter vixencia ata o 31 de Decembro de 2020, o pasado 1 de xullo a Xunta de Galicia desestimou o recurso potestativo interposto polo Concello de Baiona ante a resolución do Convenio de colaboración para a denominada Fase 2 de humanización de Sabarís, resolución adoptada unilateralmente pola Xunta alegando incumprimento das obrigacións por parte do Concello, cando a realidade é diametralmente oposta.

María Alonso con ‘O Consello da Sabenza’, gañadora do certame de relato curto ‘O Enxeño Engaiolado’

María Alonso Velasco co seu relato 'O Consello da Sabenza' recibiu hoxe o premio que a acredita como gañadora do certame de relato curto 'O Enxeño Engaiolado' que organizaba a Biblioteca Municipal de Baiona. Pola súa banda os relatos 'Chocolate para la esperanza' de Julio E. Villarino e 'Pili e Manoliño' de Brais Costas, completaban o cadro de gañadores e gañadoras deste certame.

O NigranJazz extende a súa duración e localización con dúas primeiras xornadas en Patos e Panxón e as dúas últimas no escenario da Foz

O Concello de Nigrán aposta neste XIV Nigranjazz por duplicar a duración do festival de dous a catro días e extender a súa localización orixinal do esteiro da Foz a Patos e Panxón co obxectivo de disgregar ao público ante as restricións sanitarias vixentes. Así, aínda que condicionados polas circunstancias relativas á COVID-19, este ano non será moi diferente aos anteriores no aspecto artístico.

Nigrán recollerá ‘porta a porta’ o lixo dos negocios do porto de Panxón ante a orde “inmediata” da Xunta de retirar os contedores do...

O Concello de Nigrán recollerá porta por porta o lixo dos negocios situados no porto pesqueiro de Panxón ante a impredecible orde da Xunta de Galicia do día 2 de que se retirasen inmediatamente os contedores municipais existentes baixo pena de multa ao ser ese terreo de Portos de Galicia.

BAIXO MIÑO

O Concello aposta polas actividades ao aire libre na súa programación de verán

A nova realidade mudou tamén a forma de vivir o verán no Rosal. Seguindo as recomendacións sanitarias para previr posibles riscos de...

Tui presenta unha programación “segura” e comprometida coa cultura este verán

“Volvemos á rúa!” é o lema da programación cultural que este verán se vai desenvolver en Tui. O alcalde de Tui, Enrique Cabaleiro, e a concelleira de Cultura e Ensino, Sonsoles Vicente, foron esta mañá os responsables da presentación desta oferta cultural que se vai desenvolver dende o mércores 15 de xullo.

A Feira do Viño do Rosal estrea páxina web e tenda en liña

A Feira do Viño estrea páxina web. Dende hoxe mesmo o público poderá informarse e desfrutar de todo o que acontece e acontecerá na XXVIII edición da feira a través de feiradoviño.gal, unha páxina que artellará toda a programación virtual e a propia tenda en liña na que se poderán mercar aos mellores prezos viños con D.O. Rías Baixas subzona O Rosal das adegas Aforado, Aldea de Abaixo, Altos de Torona, Lagar de Cervera, Pedregales, Quinta Couselo, Santiago Ruiz, Terras Gauda e Val Miñor.

Verán cargado de actividades para todas as idades na Guarda

O Concello da Guarda ven de publicar o calendario de actividades recollido na Axenda de Verán 2020 e na que aparecen reflexadas todas as propostas culturais, formativas, turísticas, deportivas e de ocio que estarán a disposición de toda a cidadanía guardesa e visitantes ao longo dos meses de verán.

O alcalde da Guarda asina o convenio da nova Escola Infantil Municipal

O mércores 8 de xullo o Alcalde da Guarda, Antonio Lomba, asinou o Convenio da Escola Infantil Municipal que compromete o investimento necesario por parte da Xunta de Galicia para a súa posta en marcha e xa pode comezar dende o Consorcio Galego de Benestar o procedemento de licitación.

A Guarda promove o consumo local cunha campaña de dinamización do tecido comercial e hostaleiro

O Concello da Guarda, a través da Concellería de Desenvolvemento Local, que dirixe Fátima Rodríguez, ven de lanzar unha campaña de dinamización do tecido comercial e hostaleiro da vila de cara a fomentar entre a poboación o consumo local e incentivar as vendas nestes sectores económicos, tan importantes para a vida diaria da nosa vila.

É NOTICIA

A Deputación enche o verán de cultura e deporte con máis dun centenar de actividades na provincia

Saír, respirar e vivir plenamente a cultura, a natureza e o deporte. Despois da Covid e do confinamento, a Deputación de Pontevedra invita á cidadanía a desfrutar dunha intensísima programación de máis dun centenar de actividades culturais, sustentables e deportivas coas que enche a provincia este verán. A presidenta Carmela Silva presentou hoxe o calendario para xullo, agosto e setembro nos que a institución levará ao territorio concertos, obradoiros, rutas BTT, andainas e actividades integradas nos programas culturais Música no Ar, Re-Acción nos Castelos, Musigal e no programa Vive Deporte.

A Deputación centra o debate sobre a regulación do teletraballo: “só se poderá facer tendo en conta ás mulleres”

A reivindicación foi unánime. A regulación do teletraballo ten que realizarse con perspectiva de xénero para impedir que esta nova ferramenta tecnolóxica, que todo apunta que chegou para quedarse, poida converterse nun elemento de involución para as conquistas laborais, sociais e persoais das mulleres.

Areeiro recomenda manter o nivel de vixilancia ante o desenvolvemento do mildio pese as boas previsións meteorolóxicas

A Estación Fitopatolóxica Areeiro, centro dependente da Deputación de Pontevedra, vén de lanzar un novo aviso fitosanitario no que reporta unha situación bastante tranquila do mildio nas viñas, debido ás condicións ambientais maioritarias destes días, con ventos secos do norte ou do nordés, unha humidade relativa non elevada e sen humidade foliar.

‘Ven’ a nova campaña da Deputación para reactivar o turismo na provincia de Pontevedra

Con “tres letras que impactan”, co obxectivo de reactivar o turismo nacional e de proximidade, apoiar ao sector “que está a facer un enorme esforzo e compromiso co territorio”, e escollendo o minimalismo, a simplicidade, a forza e a apelación directa ás persoas, a Deputación de Pontevedra lanza “Ven”, a nova campaña que foi presentada hoxe pola presidenta provincial Carmela Silva, acompañada pola cantante Najla Shami, “a voz e o rostro que conduce un audiovisual que toca as emocións”.

A Confederación de ANPAS galegas asegura que as familias “están fartas da Consellería de Educación”

Pasadas dúas semanas do remate do curso escolar, este foi definido pola Confederación de ANPAS Galegas como "o curso escolar máis sorprendente da nosa historia recente", sorprendente afirman, por ter vivido máis dun terzo da súa duración baixo o estado de alarma "pero sorprendente sobre todo porque vivimos a desaparición real dunha administración educativa que debera ter asistido permanentemente a familias e alumnado".

A Deputación celebra este luns a webinar destinada a pemes e persoas autónomas sobre “axudas públicas á reactivación”

'Axudas públicas á reactivación' é o título da charla en formato webinar que, organizada pola Deputación de Pontevedra, terá lugar este luns 6 de xullo ás 10.00 horas. O evento, que se desenvolverá a través da ferramenta Zoom, terá como poñente a Fernando Picón experto en xestión empresarial, innovación, dixitalización e internacionalización.

Eleccións 12X

A PARADANTA

Arbo promociona a potencialidade turística do municipio a traves de manteis individuais

Con esta entrega tamén se axuda ao sector turístico entregando manteis que, según os protocolos marcados polas autoridades sanitarias, son obrigatorios nos establecementos por non poderse utilizar a manteleria habitúal. Durante os vindeiros días o Concello distribuirá entre restaurantes, bares, cafeterías e casas de turismo rural, gardamanteis individuais de papel nos que se promocionan os recursos turísticos, o patrimonio e as adegas do municipio.

‘Dous povos. Um só território’, Arbo e Melgaço reabren a súa fronteira

A Ponte Internacional que une de Arbo e Melgaço, pechada dende o pasado 17 de marzo, volveu a ser o punto de unión entre "Dous povos e um só território" como sinalaba a pancarta que, no acto simbólico de reapertura da fronteira, portaban o alcalde de Arbo, Horacio Gil e o presidente da Câmara Municipal de Melgaço, Manoel Batista.

A Deputación remata as obras de emerxencia na EP 5005 ao seu paso por Crecente

A Deputación de Pontevedra vén de rematar as obras de emerxencia na EP 5005, ao seu paso polo núcleo de Crecente. Esta actuación, que implicou a construción dun novo muro de contención, levouse a cabo para mellorar a seguridade da estrada, tras un desprendemento que obrigou a restrinxir a circulación por caída de pedras.

Arbo abre a preinscrición de novas solicitudes para o Punto de Atención á Infancia no curso 2020/2021

O Concello de Arbo, para dar cumprimento ao Regulamento de Réxime Interno do PAI (Punto de Atención á Infancia), sito en Barcela, vén de poñer en coñecemento de todos os interesados e interesadas a apertura do prazo de prescrición para novas solicitudes cara ao comezo do curso 2020/2021 (de setembro a xullo).

Luís Bará critica a “desfeita” da Xunta en Atención Primaria e reclama asistencia sanitaria “ben dotada de recursos e profesionais” para o rural

O cabeza de lista do BNG na provincia de Pontevedra de cara ás eleccións do 12X, Luís Bará, criticou hoxe a “desfeita” da Xunta na Atención Primaria e reclamou unha asistencia sanitaria ben dotada de medios e profesionais especialmente para o rural galego. O nacionalista realizou estas declaracións logo dun encontro con veciñas e veciños de A Cañiza puxeron de manifesto a situación “calamitosa” que viven no concello, xa que carecen dende hai meses de médico de familia propio para o centro de saúde de Valeixe e máis recentemente de pediatra en A Cañiza.

Arbo licita a obra de mellora do camiño de Esmoriz ao abeiro do Plan Concellos da Deputación

O Concello de Arbo, ten concedida unha subvención do Plan Concellos da Deputación para a realización da obra 'Mellora e ampliación Camiño de Esmoriz, Arbo (Pontevedra), co financiamento do 100% do investimento que se orzamenta no importe de 123.544,75 €.

Colaboradores