10.8 C
Pontevedra
Martes, 19 de Marzo de 2024
Máis
    HomeVal MiñorNigránNigrán, a través do Centro de Información á Muller, pon en marcha...

    Nigrán, a través do Centro de Información á Muller, pon en marcha un programa de teleformación destinado a mulleres co obxectivo da incorporación laboral

    O Concello de Nigrán, a través do Centro de Información ás Mulleres e cofinanciado pola Deputación de Pontevedra, organiza un programa de teleformación destinado a mulleres empadroadas en Nigrán, darase preferencia ás mulleres en situación de desemprego.

    No caso de que non se cubran a totalidade das prazas poderan participar mulleres empadroadas noutros concellos.

    O programa desenvolverase entre os meses de setembro e novembro na modalidade “online” e inclúe os seguintes cursos: Prevención e Riscos Laborais, Monitora de Transporte Escolar, Monitora de Comedor Escolar e Hixiene e Manipulación de Alimentos (3 edicións). Poderán participar un máximo de 20 alumnas en cada un dos cursos. 

    O período de inscrición comezará o víndeiro 1 de setembro e rematará para cada un dos cursos 10 días antes do inicio do mesmo.  Para formalizar a inscricion deberá presentarse no Rexistro Xeral do Concello o formulario de inscrición acompañado da tarxeta de desemprego de ser o caso. As bases poden consultarse na sede electrónica (sede.nigran.org). Os formularios de inscrición poderán recollerse no Centro de Información ás Mulleres, na oficina de información cidadá ou descargarse  na sede electrónica.  

    “Dende o Concello de Nigrán e o CIM seguimos apostando pola formación como vehículo imprescindible para o emprego e en esta ocasión  optamos por un programa de teleformación para evitar calquera tipo de risco derivado da formación presencial nunha aula”, declara Juan González.

    Toda información que se precise no Centro de Información á Muller (CIM) na antigua estación do tranvía en  Estrada pola Vía nº 65, Panxón Nigrán ou no teléfono: 986 383081 ou correo electrónico: cim@nigran.org.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.