Un ouro, unha prata e tres bronces para os deportistas do Badminton Tui no TTR Sub13-Sub17-V Torneo de Nadal Deputación de Pontevedra

Lía Salvado e Roque Fernández, ouro en Dobres Mixtos Sub13

As instalacións do IES San Paio acolleron esta semana o TTR SUB13 Sub17 – V Torneo de Nadal Deputación de Pontevedra, organizado polo Badminton Tui, e no que participaron clubs de toda Galicia e tamén de Asturias.

A competición dividiuse en dúas xornadas. O sábado competían as e os deportistas da categoría Sub13 mentres que o domingo o facían os da categoría Sub17

O Badminton Tui pechou a competición cun ouro de Lía.Salvado e Roque Fernández en Dobres Mixtos Sub13; unha prata de Bruno Fernández y Miguel González en Dobres Masculinos Sub17; e tres bronces, os de Lía Salvado en Individual Feminino Sub13; Sonia Navas e Andrea Pérez en Dobres Feminino Sub17 e Jessica Santos e Daniela Sanz en Dobres Feminino Sub17

Este torneo pecha o que o Badminton Tui cualifica de “estraño 2020” e a minitempada de setembro-decembro. A partir do mes de xaneiro, comezarase co novo sistema de tempadas xaneiro-decembro.