7.5 C
Pontevedra
Mércores, 8 de Febreiro de 2023
Máis
    HomeUltimas NoticiasPelotas de tenis e padel para reducir os ruídos da Biblioteca Municipal...

    Pelotas de tenis e padel para reducir os ruídos da Biblioteca Municipal de Tui

    Os clubs Tenis Tui e Padel8 colaboran co centro bibliotecario nun exemplo de economía circular co reciclado de pelotas usadas

    Os responsables de dous clubs deportivos tudenses, Pablo García, do Club de Tenis Tui e Juan Carlos Feijoo e Miguel de la Calle, do Club de Padel8, entregaron esta mañá á Biblioteca Municipal de Tui un amplo lotes de pelotas usadas que serán reutilizadas polo centro bibliotecario para contribuír substancialmente ao mantemento do ambiente de silencio, tan característico na biblioteca, ao evitar o ruído xerado polo arrastres das cadeiras que, de modo involuntario, realizan os usuarios cando acceden ou abandonan o seu posto de lectura.

    Participaron neste acto, xunto aos responsables de ambos clubs, os concelleiros de Deportes e Cultura, Rafael Estévez e Sonsoles Vicente, respectivamente. Todos expresaron a súa satisfacción por esta colaboración que é un sinxelo exemplo de reutilización de material, nesta caso deportivo, para outros usos, neste caso culturais.

    Un bo exemplo de economía circular promovido pola Biblioteca Pública Municipal tudense que nos vindeiros días procederá á colocación destas pelotas usadas como elemento protector nas patas das cadeiras da sala de lectura deste centro bibliotecario.

    Para a concelleira de Cultura, Sonsoles Vicente, con esta medida “respóndese a unha demanda dos usuarios da biblioteca” e se abre á colaboración con outras entidades e colectivos tudense pois a Biblioteca Municipal tudense, sinalou, “é un espazo aberto e de acollida a múltiples perspectivas e intereses. Este material tamén será ofrecido ás bibliotecas escolares que puideran estar interesadas”.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS