12 C
Pontevedra
Venres, 29 de Marzo de 2024
Máis
    HomeUltimas NoticiasO trap galego de Boyanka Kostova aterriza en Ponteareas

    O trap galego de Boyanka Kostova aterriza en Ponteareas

    As Festas de Setembro de Ponteareas continúan inundando de música a vila. O trap galego de Boyanka Kostova aterrizará o venres ás 21.00 horas no parque da Feira Vella, nun novo episodio da programación cultural que organiza o Concello. O grupo está formado por dous mozos de Santiago, Manuel González (Rizo) e Cibrán García, que saltaron á fama pola orixinalidade dos seus temas, que mesturan os ritmos do hip hop e o trap urbano coa música tradicional galega, como as muiñeiras.

    O ano pasado o grupo confirmou o seu gran crecemento. A súa canción “Muinheira de Interior” foi a primeira no top 10 dos temas máis reproducidos no 2020 e máis votados dentro do proxecto ‘Hip hop em galego’, nunha edición na que participaron máis de 200 cancións.

    Este venres será un gran momento para que os veciños e veciñas de Ponteareas bailen e desfruten da música en galego. A entrada será de balde ata completar aforo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.