18.4 C
Pontevedra
Luns, 3 de Outubro de 2022
Máis
    HomeUltimas NoticiasO Pleno de Mondariz aproba os convenios de cooperación coas entidades locais...

    O Pleno de Mondariz aproba os convenios de cooperación coas entidades locais de Vilasobroso e Queimadelos

    O Concellocumpre as obrigas legais coas entidades locais menores

    O Pleno municipal aprobou os convenios polos que se establecen as relacións de cooperación e coordinación entre o Concello de Mondariz e as entidades locais menores de Vilasobroso e Queimadelos, froito da vontade e do traballo de negociación do Goberno municipal para dar unha solución a unha demanda histórica relacionada co cumprimento da Lei de Administración Local de Galicia.

    Vilasobroso e Queimadelos levaban décadas demandando o cumprimento da Lei de Administración de Galicia no que respecta á recadación da porcentaxe mínima dos impostos devindicados polo Concello no ámbito territorial de cada entidade local menor, cos votos favorables dos concelleiros e das concelleiras do BNG, PSOE, Alternativa por Mondariz e Ciudadanos, e as abstencións do PP.

    Durante a sesión plenaria do venres, 28 de xaneiro, a Alcaldía autorizou a intervención dos presidentes das entidades locais menores de Vilasobroso e de Queimadelos para que dirixiran un alegato á Corporación Municipal antes da votación, como partes institucionais interesadas neste asunto. Alexandre Estévez, presidente da Xunta Veciñal de Vilasobroso, expuso diante do Pleno que o dereito das entidades locais menores a percibir alomenos o 25% dos impostos municipais recadados no territorio está recoñecido por leis de 1985 e 1997, e que non é un dereito que se deba discutir no seo da Corporación.

    Por outra banda, destacou que non se trata de ningún privilexio respecto a outras parroquias que non están constituídas como entidades locais menores, xa que implica asumir unha serie de competencias de administración local de recursos e mesmo servizos públicos. Sandra Queimadelos, presidenta da Xunta Veciñal de Queimadelos, afondou precisamente na problemática de ter que xestionar como entidade local menor unha traída de auga sen recursos financieiros suficientes e sen posibilidade de solicitar axudas públicas.

    “Formalizar a relación entre o Concello de Mondariz e as entidades locais menores a través destes convenios é un paso histórico. Non só se trata de cumprir a lexislación vixente, senón de dar solución a problemas estruturais que se foron aparcando durante as anteriores lexislaturas e que, como é o caso, pasaron mesmo polos xulgados”, comentou Xosé Emilio Barros, alcalde de Mondariz, en referencia á demanda xudicial que iniciou a entidade local menor de Vilasobroso en 2019, antes de rematar a pasada lexislatura, contra o Concello de Mondariz por este asunto.

    Os convenios de colaboración e coordinación aprobados, con todo, están concebidos como convenios de mínimos. O obxectivo principal é que funcionen como marco legal básico para nun futuro, en función da experiencia e da vontade político-administrativa das partes interesadas, ampliar as competencias.

    Unha vez aprobados polo Pleno da Corporación Municipal do Concello de Mondariz, estes convenios de colaboración e coordinación pasarán polo Pleno da Xunta Veciñal de Vilasobroso e de Queimadelos, onde está prevista a súa respectiva aprobación.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS