14.5 C
Pontevedra
Martes, 21 de Setembro de 2021
Máis
    HomeUltimas NoticiasMondariz estrea un parque infantil cuberto e recupera o local social de...

    Mondariz estrea un parque infantil cuberto e recupera o local social de Tourón cunha achega de 70.000 euros da Deputación

    Santos Héctor e Xosé Emilio Barros celebran que os investimentos provinciais permitan un “espectacular salto de calidade” na oferta lúdica para os/as máis cativos/as

    Mondariz vén de transformar dous espazos moi relevantes a súa veciñanza ao abeiro do Plan Concellos. Cun investimento total de 70.774 euros, a institución provincial deu un impulso aos servizos que ofrece o concello do Condado coa construción dun parque infantil cuberto e a instalación do tellado no local social de Toutón. As obras foron visitadas polo deputado de Cooperación, Santos Héctor, e o alcalde, Xosé Emilio Barros, acompañados da deputada Victoria Alonso e varios membros do Goberno local.

    Click para ampliar

    Santos Héctor felicitou ao alcalde e ao seu goberno por ámbalas dúas actuacións e destacou a actuación no parque infantil, que cofinancia a Deputación. “É un dos primeiros de Galicia cubertos e, ademais, un espectacular salto de calidade na oferta lúdica para os/as máis cativos/as”. “Unha magnífica idea”, remarcou. O deputado amosou tamén o a satisfacción da Deputación tras comprobar que o investimento do Plan Concellos “fixo posible que a veciñanza de Mondariz teña dous elementos que precisaba”. “A colaboración da Deputación cos concellos é fundamental para que os concellos poidamos sacar adiante pequenos proxectos e iniciativas que redundan na calidade de vida da veciñanza” subliñou Xosé Emilio Barros.

    O alcalde de Mondariz fixo fincapé en que neste caso, sen a axuda da institución provincial non sería posible financiar actuacións como “a obra histórica da cuberta do Local Social de Toutón, que levaba preto de 30 anos sen facerse” e que agora constitúe “un local perfectamente disposto para a veciñanza”. Agradeceu tamén a visita, e amosou o seu interese por “seguir traballando en novos proxectos e obras”.

    Á vangarda dos parques infantís

    O Concello de Mondariz súmase á corrente dos parques infantís cubertos, unha solución que garante o seu emprego cando as condicións meteorolóxicas son adversas. Os traballos executados no Parque da Ovella, nos que se investiron 48.399 euros, aumentaron o lugar dispoñible para o ocio infantil. O parque compartía espazo ata de agora con aparatos “biosaudables” que apenas tiñan uso, polo que se procedeu á súa substitución.

    Agora o parque é un moderno parque infantil que ofrece os mellores servizos para as familias de Mondariz. A maiores retiráronse os antigos arrandeadoiros para colocar elementos máis modernos e instalouse un tobogán nun montículo de caucho ao que se accede a través dunha zona de escalada. Tamén hai unha randeeira con cesta, entre outros. Amais, levouse a cabo a pavimentación de caucho en toda a área infantil, colocouse un sebe vexetal para ocultar a zona de compostaxe comunitaria e instalouse un cartel informativo cos usos do parque. En total, actuouse nunha superficie de 104 metros que agora contan cunha cuberta a base de panel de policarbonato e de panel tipo sandwich. Mondariz gaña así un espazo de referencia par ao lecer das crianzas.

    Doutra banda, os veciños e veciñas de Toutón xa gozan dun espazo con condicións de habitabilidade para a súa reunión e emprego comunitario. O seu local social non dispoñía de cuberta e estaba pechado polo forxado, o que traía consigo a filtración de auga e humidade no seu interior. Co obxectivo de darlle un aspecto de edificación totalmente rematada e acabar con estes problemas, construíuse un tellado inclinado, colocáronse tellas de ventilación, instaláronse canalóns e baixantes en chapa de aluminio de cor cobre, colocouse unha cámara de aire impermeabilizada entre os seus frontes curtos (que tamén se revestiron e pintaron) e, finalmente, procedeuse á limpeza e saneado das humidades e ao pintado. O orzamento foi de 22.375 euros.

    A Deputación leva investidos máis de 7,1 millóns de euros no concello de Mondariz desde 2015. A abeiro do Plan Concellos, o municipio puido levar a cabo en torno a 20 obras e contratar a máis de 90 persoas desempregadas para a prestación de servizos municipais a cargo da Liña 3 de emprego. Amais, a institución provincial fixo posible a transformación do campo de fútbol de A Lagoa (Plan Reequilibrio) e a mellora da mobilidade e seguridade viaria no seu centro urbano (Plan DepoRemse). Este ano, dentro do seu compromiso cos municipios, a Deputación destina 531.801 euros con cargo ao Plan Concellos para o municipio do Condado.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS