7.9 C
Pontevedra
Venres, 29 de Marzo de 2024
Máis
    HomeLouriñaO PorriñoEU Son O Porriño presenta unha moción para incrementar as prazas de...

    EU Son O Porriño presenta unha moción para incrementar as prazas de estacionamento para a veciñanza da Fase I de Torneiros

    A escaseza de sitio obriga a deixar os vehículos en zonas non habilitadas

    EU SON do Porriño vén de rexistar unha moción para ser tratada na vindeira sesión plenaria e na que se someterá á consideración do Pleno a posibilidade de abrir negociacións cos titulares das fincas situadas arredor da Fase I de Torneiros “para unha posible compra, cesión ou arrendamento de terreo” coa finalidade de destinalo a aumentar as prazas de aparcamento para os veciños e veciñas.

    EU Son chama a atención sobre a “evidente a escaseza de prazas de aparcamento nas distintas fases de vivendas pero, especialmente na Fase I”, feito que obriga á veciñanza a estacionar os seus vehículos “do mellor xeito posible” pero, as veces, “vense na obriga de facelo en zonas non habilitadas e son multados”.

    En moitas ocasións, afirma EU, teñen que deixar os coches “bastante lonxe dos seus portais e desprazarse de noite e moitas veces con choiva”. A formación asemblearia subliña que “hai espazos en fincas contiguas, tanto propiedade da Comunidade de Montes como de particulares. Debe abrirse esta vía para tratar de solucionar un problema que afecta a moitas familias”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.