22.1 C
Pontevedra
Martes, 6 de Xuño de 2023
Máis
    HomeUltimas NoticiasA Xunta advertiu oito veces ao exalcalde Fernández Solla da ilegalidade da...

    A Xunta advertiu oito veces ao exalcalde Fernández Solla da ilegalidade da ampliación da Escola Infantil que costou 320.000 euros

    Por iniciativa do bipartito da Xunta esixíuselle unha solución sete veces en tres anos. A Xunta presidida por Feijóo recordoullo en 2012

    O Concello de Ponteareas revelou hoxe novos datos sobre a actuación do goberno do popular González Solla e da Xunta en relación coas deficiencias da Escola Infantil. Segundo o executivo local no expediente da ampliación do centro figuran até 7 inspeccións e requirimentos realizados pola Xunta ao Goberno do PP presidido por Salvador González Solla entre 2006 e 2009 advertindo de innumerabeis deficiencias e da falta de autorización para a ampliación da escola con dúas aulas novas, obra que supuxo un investimento de 320.000 euros.

    Dase a circunstancia de que todas esas inspeccións e requirimentos foron impulsados polo bipartito da Xunta e pola Vicepresidencia da Xunta que naquel entón dirixía Anxo Quintana. Entre as deficiencias detectadas atópanse problemas de accesibilidade; riscos en materia de seguridade como portas estreitas; ausencia de extintores, de sinalización e de planos para evacuacións; falta de vidros de seguridade; riscos de atrapamento en varandas de escaleiras; necesidade de detectores de fumes e proteccións en enchufes e radiadores, con risco de queimaduras; problemas de ventilación, humidades e frío, ou necesidade de cambio da carpintería exterior.

    En 2009 producíuse o cambio de goberno na Xunta coa entrada de Núñez Feijoo e a maioría das deficiencias mantivéronse, ao igual que as dúas aulas que carecían de autorización para o seu funcionamento. Até o ano 2012 o goberno do PP na Xunta non realiza ningunha nova inspección.

    Nese ano 2012 a Xunta lembra ao goberno de González Solla que as dúas aulas non están autorizadas e deben ser legalizadas con obras de adaptación. En 2013, sete anos despois da primeira inspección da Xunta, o goberno municipal do PP contrata externamente un proxecto para reformar a ampliación e adaptala á normativa. E en 2014 a propia Xunta resposta ao Concello e ao Alcalde González Solla que ese proxecto, lamentablemente, non é válido.

    Así pois, asegura o Goberno local, o goberno popular presidido por González Solla “realizou en 2006 unha ampliación da Escola Infantil cun custo de 320.000 euros infrinxindo a normativa”. O bipartito da Xunta, engade, “non autorizou esas aulas e durante tres anos advertíu a González Solla da súa ilegalidade e de graves deficiencias no centro educativo”. “O daquela alcalde continuou presidindo o Concello até o ano 2015 sen resolver a situación, co beneplácito da Xunta que non abríu ningún expediente sancionador”, conclúe o Goberno ponteareán.

    O actual goberno municipal adiantou que continua recabando “máis información para esclarecer e depurar as responsabilidades nun asunto con graves prexuizos económicos e sociais para o Concello de Ponteareas”.

    COLABORACIÓNS

    Pilar Pallarés, «Unha boa gatucada!»

    A primeira incursión de Pilar Pallarés na literatura infantil e xuvenil resultou ser unha grata sorpresa, unha colección de poemas (en realidade un longo poema narrativo fragmentado), que ten como protagonistas un grupo de gatos que conviven cunha humana.

    Aperitivos de hojaldre sin gluten

    Mayo es el mes de las personas celíacas. El día 16 se celebró el Día Internacional de la Enfermedad Celíaca y hasta este año, el 27 de mayo se celebraba en España el Día Nacional (este año nos unimos al resto de los países y lo celebramos el día 16).

    Ponteareas diante das eleccións (II): a Xeración do cambio, un recordo para que a Historia non se repita

    “De onde vimos? quen somos? onde imos?”. O título do cadro de Paul Gauguin e a letra da coñecida canción de Siniestro Total son interrogantes filosóficos que, aplicados ao mundano proceso electoral no que estamos inmersos, serven para lembrarnos que os procesos histórico-políticos son dinámicos e, polo tanto, teñen unha xénese no pasado que explica un presente que, á súa vez, condicionará o futuro decorrer dos acontecementos. A recente historia de Ponteareas non é unha excepción e, a poucos días das eleccións municipais, convén lembrala para non estar condenados a repetila.

    Ponteareas diante das eleccións (I): David contra Goliat e a utopía feita realidade

    Botando unha ollada atrás un non pode deixar de sorprenderse da rapidez coa que transcorre o tempo e a vida. Unha velocidade vertixinosa que tamén acompaña aos acontecementos e procesos sociais e políticos e que explica a facilidade coa que a sociedade pode esquecer tan axiña o seu pasado e, sobre todo, en política, ignorar de onde vimos, onde estamos e cara onde nos diriximos. Esquecemento dos que viviron eses procesos, mais tamén descoñecemento comprensíbel por razóns biolóxicas e xeracionais dos que daquela non naceran ou eran uns cativos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    84 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS