12 C
Pontevedra
Venres, 29 de Marzo de 2024
Máis
    HomeBaixo MiñoA GuardaA Guarda acollerá a 90 edición do Encontro Internacional da FICC 2021

    A Guarda acollerá a 90 edición do Encontro Internacional da FICC 2021

    Imaxe de arquivo da presentación da candidatura da Guarda para acoller este encontro internacional da FICC

    O vindeiro mércores día 19 de agosto ás 10:30h realizarase na Casa dos Alonso –na Praza do Reló– a presentación da nonaxésima edición ‘Encontro Internacional da FICC 2021’, un encontro internacional que tan só se celebrou en tres ocasións en territorio español na súa longa traxectoria, e que se celebrará na Guarda o vindeiro ano.

    No acto intervirán o alcalde da Guarda, Antonio Lomba; o presidente da FICC, João Alves; o vicepresidente da Federación Española de Clubes Campistas (FECC), Miguel Merino Ayllón; Andrés Sánchez, vogal da antedita Federación; Juan Antonio Cidanes, presidente do Camping Caravaning Club de Galicia-Vigo e José Iglesias, vogal e responsable das relacións coa FICC

    Aproveitando tamén o acto asinarase o Convenio de colaboración entre o Concello da Guarda e a Federación Internacional de Camping e caravaring para a realización deste encontro.

    Cómpre lembrar que hai uns meses a Federación Española de Clubes campistas (FECC) presentou a candidatura da Guarda para acoller o Encontro Internacional da Federación Internacional de Camping, caravaning e autocaravaning (FICC) en 2021 sendo seleccionada entre os finalistas Corea do Sur e Polonia.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.