Novo prazo de inscricións para o Campamento Urbano 2019 na Guarda

Por un erro no procedemento administrativo o Campamento Urbano 2019 ten que abrir un novo prazo para solicitar a inscrición. O prazo será dende o día 10 ata o día 17 de xuño en horario de 9:00 h a 14:00 h (horario de rexistro) ou na sede electrónica do Concello da Guarda. Este campamento terá lugar os meses de xullo, agosto e o período non lectivo de setembro, en horario de 9 a 14 horas, para nenos e nenas de 4 a 12 anos.

A comarca do Condado-A Paradanta recibe financiación en catro iniciativas locáis para a xuventude

O delegado territorial da Xunta en Pontevedra, José Manuel Cores Tourís, destacou que a Consellería de Política Social, a través da Dirección Xeral de Xuventude, Participación e Voluntariado, destinará case 23.600 euros a catro concellos da comarca do Condado-A Paradanta coa finalidade de poñer en marcha programas dedicados á mocidade durante o ano 2019. Nesta comarca víronse beneficiados os concellos da Cañiza e Ponteareas con 6.000 euros cada un, así como Mondariz, con 5.977 e Arbo con 5.600 euros.

Edición 2019-2020 de "DepoEmprende na Escola", "DepoEmprende na ESO" e "DepoEmprende na FP"

A Xunta de Goberno da Deputación de Pontevedra aprobará este luns as bases da edición 2019-2020 dos programas “DepoEmprende na Escola”, “DepoEmprende na ESO” e “DepoEmprende na FP”. Así, a institución provincial realiza unha convocatoria aos centros educativos públicos da provincia de Pontevedra (educación especial, educación primaria, educación secundaria e formación profesional) para participar nas modalidades dos diferentes proxectos de fomento da cultura emprendedora no ámbito escolar.

Día Mundial da Xuventude na Lanzada, a Deputación implica á rapazada no coidado medioambiental

Os rapaces e rapazas que participan no programa DepoAventura A Lanzada convertéronse hoxe en «hábiles guerreiros e guerreiras» que loitan contra a contaminación e a favor do medio ambiente. Divididos en catro forzas supremas (lume, terra, aire e auga) tiveron que pasar diferentes probas e retos para derrotar ás catro faccións que dominan a terra e así manter o seu equilibrio mediombiental.

«Redondela 0,0», campaña de concienciación xuvenil aproveitando o Entroido de Verán

O Concello de Redondela vén de poñer en marcha a súa nova campaña de concienciación xuvenil, aproveitando á celebración do Entroido de Verán, pero que se alongará durante todo o ano. Baixo o lema Redondela 0,0 ─cero machismo, cero vandalismo, cero botellon, cero drogas─ traslada unha mensaxe moi directa que procura chamar a atención de xeito eficaz a toda a mocidade redondelá.

Douscentos nenos e nenas participan, dende este domingo, en «Depo Aventura A Lanzada»

A cuarta quenda dos campamentos de verán «Depo Aventura A Lanzada» será inaugurada este domingo pola deputada de Xuventude e Cohesión Social, Digna Rivas. No que vai de edición, 600 nenos e nenas participaron neste programa impulsado pola Deputación de Pontevedra e destinado a rapaces e rapaces de distintos puntos da provincia que teñan entre 8 e 13 anos. Estes campamentos, que rematarán o 8 de setembro, desenvólvense no Centro Vacacional A Lanzada.

Carmela Silva destaca o “enorme talento” da mocidade nos «I Premios á Xuventude»

A presidenta da Deputación de Pontevedra, Carmela Silva, xunto á deputada de Cohesión Social e Xuventude, Digna Rivas, e aos deputados provinciais Xosé Leal e Javier Dios, presidiu esta tarde a primeira gala dos Premios Provinciais á Xuventude, presentada polo escritor Manel Loureiro. Estes premios, impulsados polo servizo de Cohesión Social e Xuventude, teñen unha contía total de 21.000 euros para promover o talento e o potencial da mocidade da provincia de Pontevedra.

A Deputación sortea as prazas para o programa 'Depo Aventura' A Lanzada

A deputada de Cohesión Social e Xuventude, Digna Rivas, presidiu o sorteo das prazas para o programa “Depo Aventura” A Lanzada, que se desenvolverá entre xuño e setembro, nas instalacións que a Deputación de Pontevedra ten na Praia da Lanzada (O Grove). A gran novidade da edición deste ano, amais das 300 prazas gratuítas que se puxeron a disposición de menores en situación ou risco de exclusión social xa o ano pasado, é que moitas das actividades dos campamentos realizaranse integramente en inglés, impulsando a inmersión lingüística das nenas e nenos nesta lingua estranxeira.

Suscribirse a este canal RSS