Salvaterra contará cunha senda peonil entre o centro urbano e As Zacoteiras

A conselleira de Infraestruturas e Mobilidade, Ethel Vázquez, e o alcalde de Salvaterra do Miño, Arturo Grandal, asinaron hoxe un convenio por importe de máis de 680.000 euros para a execución dunha senda peonil desde o centro urbano da vila e o núcleo de poboación das Zacoteiras, nas estradas PO-400 e PO-402, e a rehabilitación do firme da estrada PO-400, no tramo que coincide coa rúa Rosalía de Castro. O obxectivo é a mellora das condicións de accesibilidade e mobilidade da veciñanza e o reforzo da seguridade viaria.

Medio Ambiente tramita un proxecto que prevé crear 42 empregos en Mos

A Consellería de Medio Ambiente, Territorio e Vivenda está a tramitar un proxecto singular promovido pola Asociación de Empresarios de Mos (AEMOS) no parque da Veigadaña (Mos) e que suporía un investimento directo duns oito millóns de euros por parte das empresas implicadas, que gardan relación, fundamentalmente, co sector do automóbil. Así o avanzou durante unha visita á sede de AEMOS para coñecer os detalles da iniciativa a conselleira Ángeles Vázquez, quen subliñou a importancia e o impacto positivo que terá un proxecto destas dimensións para o Concello de Mos.

  • Publicado en Mos

Eva García reúnese cos traballadores de 'Levantina' e levará o problema ante a Xunta

O comité de personal e traballadores de 'Levantina' acudiron onte ao Concello de Porriño para expoñer a súa preocupación polo inminente ERE que a empresa granitera quere aplicar e solicitar a intercesión da alcaldesa. Eva García de la torre, que abriu as portas do salón de sesions para celebrar a reunión e acoller a todolos asistentes, comprometeuse con eles a facer chegar á dirección da empresa “a preocupación do Concello polo impacto negativo que tería ese ERE para 33 familias de Porriño”.

As Neves consegue que a Xunta poña solución ao xiro no cruce de Setados

O Concello das Neves vén de conseguir que a Xunta de Galicia poña solución ao xiro no cruce da PO-400 na parroquia de Setados, cambiando a sinalización horizontal, mellorando a visibilidade e reforzando a seguridade. As xestións feitas polo Goberno local das Neves diante da Consellería de Infraestruturas e Mobilidade, deron resultado.

As Neves amosa o seu malestar polo uso de glifosato por parte da Xunta

O Goberno local das Neves vén de amosar o seu malestar polo uso, por parte da Xunta de Galicia, de herbicidas para tratar as beiravías das estradas autonómicas que pasan polo concello. Este malestar tamén foi trasladado polos veciños das parroquias nas que unha empresa contratada pola Administración galega está a empregar glifosato en lugar de rozar para acabar coa maleza.

Tui incluído no Plan Rexurbe da Xunta de Galicia

O candidato do Partido Popular de Tui, José Ángel Fernández Rodríguez, manifestou "a súa enorme satisfación" co anuncio feito, esta tarde pola Conselleira de Medio Ambiente Territorio e Vivenda, Ángeles Vázquez de incorporar o municipio de Tui no Plan Rexurbe. Trátase, explica o candidato popular, dunha magnifica nova "de especial trascendencia para o noso Concello que permitirá achegar recursos públicos para adquirir inmobles en estado de abandono ou semiabandono no Casco Histórico de Tui para proceder a súa rehabilitación".

  • Publicado en Tui

Nigrán disconforme coa resposta da Xunta ás alegacións do proxecto da PO-552

O Concello de Nigrán pediu oficialmente esta mañá "unha reunión urxente" coa Consellería de Infraestruturas e Vivenda tras coñecer a súa resposta ás alegacións realizadas ao proxecto de mellora da seguridade viaria na PO-552 (puntos quilométricos 10+600 a 13+800). Estas alegacións fixéronse precisamente co consenso unánime de toda a Corporación en febreiro de 2018 sen recibir resposta algunha ata hoxe.

  • Publicado en Nigrán

Preto de 400.000 euros da Xunta a Ponteareas para a formación de persoas desempregadas

A Xunta, a través da Consellería de Economía, Emprego e Industria, vén de conceder ao Concello de Ponteareas unha achega de 398.371 euros dentro da súa programación de accións formativas dirixidas, prioritariamente, ás persoas traballadoras desempregadas, correspondente aos exercicios 2017 e 2018. Deste xeito, 125.691 euros corresponden á anualidade de 2017 e 272.680 euros a 2018.

Suscribirse a este canal RSS