Xosé Represas: “A candidatura do BNG representa o mellor de Ponteareas”

Ante varios centos de persoas que encheron o salón de actos do Centro Artístico Sportivo, o BNG de Ponteareas presentou o pasado sábado a súa candidatura completa ás eleccións municipais. Ademais do alcalde e candidato á reelección, Xosé Represas, no acto interviñeron diferentes candidatos, entre eles os actuais edís Miguel Bouzó, Verónica Carrera e Cristina Fernández, así como o anterior portavoz nacionalista Roberto Mera.

As incidencias na vía pública poderán xestionarse a través dunha APP

O Concello de Ponteareas anunciou a posta en funcionamento da aplicación para a xestión de incidencias municipais encadrada dentro da estratexia 'Ponteareas, Hábitat Saudable' financiada cos fondos europeos de desenvolvemento rexional. A nova aplicación de incidencias permitirá á cidadanía transmitir e demandar reparacións e problemas sen ter que achegarse físicamente á ventanilla do rexistro para solicitalo. "Tan sinxelo como comunicarse por teléfono móbil directamente coa administración", sinalan dende o Concello ponteareán.

Ponteareas afronta a fase final do PXOM "adaptado ás esixencias da Xunta"

O alcalde de Ponteareas, Xosé Represas, convocará nos vindeiros días aos grupos políticos a unha comisión informativa na que se abordará o PXOM "adaptado ás esixencias da Xunta de Galicia" como paso previo a súa aprobación. Con esta convocatoria o goberno municipal enfila a fase final do PXOM para lograr a aceptación e aprobación definitiva por para da Xunta. Cómpre lembrar que en febreiro de 2016 o Pleno resolveu as alegacións presentadas polos cidadáns e aprobou provisionalmente o PXOM que se remitíu á Xunta para a súa aprobación.

O Goberno de Ponteareas desminte os datos de Belén Villar sobre a economía municipal

O Concello de Ponteareas negou as acusacións realizadas por Belén Villar, candidata do PP á alcaldía, nas que afirmaba que 500 facturas por importe de 1,6 millóns de euros non foran contabilizadas e supoñían unha débeda que hipotecaría á futura corporación. O Concello desminte á edil do PP e afirma que “todas esas facturas están contabilizadas co visto bo da intervención municipal" e lembra que "quen as contabiliza é o interventor, non o alcalde”.

Ponteareas licita as obras de humanización do Alto da Gloria

O Concello de Ponteareas inicia a licitación das obras de mellora e humanización do barrio da Gloria e entorno do cemiterio municipal. As actuacións están contempladas na pista municipal que une a estrada de As Neves coa estrada de Guillade, cunha lonxitude de un quilómetro. As melloras consistirán na instalación de rede de saneamento, recollida de augas pluviais e o asfaltado de toda a pista, a creación dunha senda peonil, con zonas verdes no espazo frontal do cemiterio.

Xosé Represas recupera a Roberto Mera para a política municipal

O alcalde e candidato do BNG á Alcaldía de Ponteareas, Xosé Represas, anunciou a inclusión de Roberto Mera no terceiro posto da candidatura do Bloque para as vindeiras eleccións municipais. O segundo posto será ocupado pola actual concelleira Cristina Fernández Davila, edil de educación, persoal e participación cidadá, quen xa acompañou a Represas nese lugar nas eleccións de 2015.

Ponteareas aposta por dar espazo á creación de empresas e fomento de negocio

O Alcalde de Ponteareas asinou este venres a compra do segundo e do terceiro andar do edificio da Seguridade Social na praza Maior para dedicar este novo espazo á promoción de emprego e de negocios que potencien a economía local, a apoio aos e ás emprendedoras con iniciativas empresariais e as pequenas e medianas empresas. Segundo o alcalde Xosé Represas, “simboliza a nova situación económica do Concello pois había décadas que, como consecuencia da ruina e bancarrota da administración municipal, non se adquirían propiedades”.

Suscribirse a este canal RSS