Máis de 370 participantes, esta fin de semana, no programa "En ruta coa Depo"

O programa 'En Ruta coa Depo 2019' organiza esta fin de semana 6 novas excursións nas que participarán máis de 370 persoas de tres concellos da provincia. En concreto serán 378 veciñas e veciños dos concellos de Vigo, Pontevedra e A Guarda. Máis polo miúdo, xa este mércores 22 de maio, 54 persoas da Asociación Avelaíña coñecen á illa de San Simón, ao castelo de Soutomaior, a Ponte Sampaio, e ao Museo Meirande de Redondela.

A Guarda oferta unha praza de informador turístico

O Concello da Guarda selecciona unha praza de persoal para a realización de tarefas de información na Oficina de Turismo adherida á rede de oficinas de turismo info Rías Baixas do Concello da Guarda. O posto contará cun contrato laboral de duración determinada de 7 meses a xornada completa de luns a domingo.

As neves remata a reposición da sinalización en diferentes localizacións da vila

A área panorámica do monte de San Nomedio, e as entradas nas Neves que veñen de Arbo, Salvaterra, Ponteareas e Vilasobroso contan xa con novos sinais, logo de que o Concello rematara, con cargo a fondos dunha achega da Deputación, a reposición de sinalización en diversos lugares. Do mesmo xeito, e de cara a impulsar o ámbito turístico, hai xa sinalización do Sendeiro dos Frades e o Camiño dos Pescadores e, en relación con este último, está en marcha o proxecto para a indicación da ‘Ruta Circular’ do camiño nas parroquias e dentro das Neves.

Tui presenta o Plan Director de Turismo para converterse "nun referente na zona"

O martes 30 de abril presentouse na casa do concello de Tui o Plan Director de Turismo elaborado pola empresa Valora. O alcalde, Carlos Vázquez Padín, xunto a Antonio Rodríguez García e Tamara Tilve de Valora, foron os responsables de dar a coñecer o traballo desenvolvido nos últimos meses. Previa a redacción do Plan Director e Estratéxico de Turismo realizaron unha mesa sectorial e tamén enquisas online para coñecer a percepción que do turismo da cidade ten tanto o sector coma a poboación en xeral.

ACiP presenta un 'Plan Estratéxico' para impulsar o turismo de Ponteareas

Alternativa Ciudadana de Ponteareas, ACiP, presentou dentro das súas propostas para as vindeiras eleccións municipais o seu Plan Estratéxico de Turismo, unha iniciativa que busca non so poñer en valor os moitos recursos turísticos cos que conta Ponteareas, senón tamén “potenciar o comercio e a hostalería de Ponteareas”. Para Juan Carlos González Carrera, a potenciación do sector turístico “aporta importantes beneficios para a economía local”.

A Guarda gaña enteiros como destino turístico de Semana Santa

Rematada xa a Semana Santa 2019 o Concello da Guarda fai un balance moi positivo das vacacións de Semana Santa cun incremento notable de visitantes, grazas a unha extraordinaria climatoloxía, que propiciou que moitas persoas se achegasen a gozar da variada gastronomía do municipio, o seu patrimonio, a súa oferta cultural e unhas inigualables paisaxes.

A Guarda exalta a lamprea do Miño cunha fins de semana gastronómicas

Entre o 23 de marzo e o 14 de abril, A Guarda ofrece unhas máis que atractivas fins de semana gastronómicas coa Lamprea do Miño de protagonista. O Concello da Guarda, en colaboración cos establecementos hostaleiros da vila, organiza estas xornadas gastronómicas nas que participarán 10 bares e restaurantes co obxectivo de potenciar A Guarda como destino gastronómico da lamprea.

Entrega distintivos Sicted en Baiona

O alcalde de Baiona e responsable de Turismo, Ángel Rodal, fixo entrega no Salón de Plenos do Concello de Baiona dos distintivos de calidade ás 29 empresas e servizos que superaron o comité de decembro pasado. Rodal agradeceu aos establecementos turísticos, o seu compromiso coa calidade e a súa continuidade nun proxecto que se perpetúa no tempo.

  • Publicado en Baiona
Suscribirse a este canal RSS