Xela Arias, inmortalizada na Biblioteca de Chapela

A biblioteca pública municipal de Chapela pasará a chamarse, dende o vindeiro luns, 22 de abril, 'Biblioteca Pública Municipal Xela Arias'. Deste xeito, Redondela inmortaliza a esta escritora, poetisa y traductora finada no ano 2003. A cerimonia terá lugar ás 17:00 h no Multiúsos do Piñeiral do Crego onde se atopa situada a biblioteca de Chapela, distintas autoridades darán a coñecer a placa conmemorativa que asignará o nome de Xela Arias ao centro bibliotecario.

Corenta e un anos para o home asasinou a un mozo en Chapela

A sección quinta da Audiencia Provincial de Pontevedra, con sede en Vigo, de acordo co veredicto do Tribunal do Xurado, condenou a 41 anos de cárcere ao home que asasinou a un mozo dun disparo no peito na praia de Arealonga, en Chapela, durante a noite de San Xoán de 2017. O sospeitoso foi sentenciado a 24 anos de prisión como autor dun delito de asasinato, a 10 anos por tentar asasinar a outro mozo e a cinco anos por intento de homicidio aos dous axentes da Policía Nacional que o detiveron. A Audiencia tamén lle impuxo dous anos de cárcere por cometer un delito de tenencia ilícita de armas.

Rivas asegura que o goberno redondelá fai “oídos xordos” á precariedade dos Servizos Sociais

“Dende o 2016 levamos reclamando, dende o grupo municipal do PSdeG-Redondela, a necesidade de que os Servizos Sociais municipais conten cunhas instalacións axeitadas, accesibles e nas que a privacidade dos usuarios e usuarias estea garantida”, afirmou hoxe Digna Rivas ao chamar a atención sobre a “precaria situación deste departamento municipal” situado nunhas instalacións que “non cumpren ningunha desas condicións”.

Digna Rivas: “Hoxe comezamos a construír unha Redondela igualitaria, equitativa e xusta”

“Hoxe comezamos a construír unha Redondela igualitaria, equitativa e xusta”, asegurou Digna Rivas na súa presentación como candidata á alcaldía de Redondela no acto celebrado este venres no Pazo de Vilavella. Rivas, nun salón de actos ateigado de público, daba as grazas a todos e todas pola súa presenza cunha mención especial para a presidenta da Deputación de Pontevedra, Camela Silva “que é o meu referente en política e quen me apoiou neste importante paso de liderar un proxecto de futuro para Redondela”.

Redondela doa os produtos da horta ecolóxica a Cáritas

O alcalde de Redondela, Javier Bas, e a Concelleira de Servizos Sociais, Carmen Amoedo, visitaron esta mañá ao alumnado do Obradoiro de Agricultura Ecolóxica, visita que respondía a unha causa solidaria xa que, os integrantes do Obradoiro, colleitaron 140 escarolas rizadas, 73 escarolas lisas e 8 leitugas vermellas que lle serán entregadas a Cáritas Redondela.

Nacho González súmase á candidatura de Digna Rivas

Nacho González, profesional do sector do automóbil de 45 anos e veciño de Chapela, vén de sumarse, como número 4, á candidatura do PSdeG-PSOE de Redondela para as vindeiras municipais do mes de maio que encabeza Digna Rivas. Ben coñecido e querido polos seus conveciños e conveciñas, Nacho González xestiona, dende hai máis de 30 anos, un taller familiar do automóbil na súa parroquia natal.

A Biblioteca de Redondela celebra o Día do Libro cun contacontos sobre Jane Goodall

O próximo 11 de abril, xoves, a biblioteca municipal de Redondela acolle o contacontos 'Descubrindo a Jane Goodall' para festexar o Día Internacional do Libro Infantil, o Día Mundial do Libro e descubrir a figura e o traballo dunha muller excepcional, a primatóloga e antropóloga Jane Goodall. Este contacontos, organizado pola Fundación Filomena Rivero Alonso e conducido por Olga Cuervo, desenvolverase a partir das 18:30 h na Sala Infantil da devandita biblioteca.

Redondela solicita á Policía Nacional un informe sobre o Plan de Seguridade

O alcalde de Redondela, Javier Bas, mantivo esta mañá un encontro co Comisario Xefe da Brigada Local de Seguridade Cidadá e o Inspector Xefe da comisaría Vigo-Redondela para coñecer con máis detalle a situación á que se enfrontarían os policías que están destinados en Redondela. Bas, pediu explicacións aos responsables da Policía Nacional sobre os cambios que propoñerían no caso de que se fixese este traslado.

Suscribirse a este canal RSS