O Goberno de Nigrán apremia ao equipo redactor a axilizar a tramitación do PXOM

O goberno de Nigrán reuniuse esta mañá con Alfonso Botana, arquitecto responsable da redacción PXOM no municipio, para axilizar a tramitación do documento despois da paréntese electoral da corporación, xa que se trata dunha dunha cuestión prioritaria e urxente para o Concello. Neste encontro, o equipo técnico confirmou que confía en ter resoltas antes de finais de ano tódolos requerimentos, incluído o de Patrimonio que está sendo xa informado, tal e como hoxe foi confirmado dende a Xafatura Territorial da Consellería de Cultura e Turismo.

  • Publicado en Nigrán

Reclaman ao Concello 180.000 euros polo retraso do PXOM

O retraso na aprobación do PXOM continua provocando novas ameazas de prexuizos económicos para o Concello. Recentemente facíase público que a ausencia de PXOM suporá o pago mensual de 2.000 euros aos propietarios dos terreos do parque Ferro Ucha. Os terreos foran cedidos en 2012 de forma anticipada ao goberno presidido por González Solla, coa condición de que o PXOM se aprobase antes de catro anos e coa penalización de 2.000 euros mensuais en caso contrario.

Esquerda Unida de Ponteareas lamenta a utilización enganosa do PXOM por parte do Goberno

Esquerda Unida de Ponteareas asegura que o PXOM non podería de ningún xeito ser aprobado neste mandato por non estar aínda entregado o documento con todas as modificacións, nin contar co necesario estudo económico, nin cos informes da oficina técnica, intervención nin secretaría, algo que saben perfectamente os partidos da Xunta de Goberno. Así mesmo dende a organización de esquerda, denuncian que se están a levar a cabo presións aos técnicos municipais para que realicen informes sen tempo suficiente para estudar as modificacións.

A falta de maioría impide ao Goberno de Ponteareas levar o PXOM ao Pleno

As forzas políticas do Concello de Ponteareas pronunciáronse onte, na comisión de urbanismo, sobre a posible aprobación do PXOM no pleno ordinario da vindeira semana. O Partido Popular, ACIP e Esquerda Unida, que suman 11 edís, opuxéronse á aprobación do Plan mentres BNG, PSOE e A Riada do Tea, que contan con 10 edís, amosáronse a favor de aprobalo de inmediato. Xosé Represas asegura que, coa súa postura, "o PP rompe o consenso acadado no 2016 cando PP, BNG e PSOE aprobaron o Plan en sesión plenaria".

Chus Garrote advirte que o PP "quere dilatar a aprobación do PXOM"

A candidata socialista e Concelleira de Urbanismo, Chus Garrote, advirte que "o Partido Popular so quere dilatar a aprobación do PXOM e confundir á cidadanía actuando de maneira irresponsable a súa voceira Belén Villar nas súas funcións como concelleira da oposición". A concelleira socialista lémbralle á popular Belén Villar que "en novembro de 2018 abriuse un período de detección de erros para todo o mundo, canto máis para os concelleiros da oposición aos que se lles trasladou o documento nese mesmo mes contando tamén con liña directa co equipo redactor".

Belen Villar asegura que no PXOM "se fixeron grandes cambios prexudicando a moitos veciños"

A voceira e candidata do PP, Belén Villar, asegurou hoxe que o Goberno local "non foi quen de sacar adiante o PXOM nestes últimos catro anos" ao mesmo tempo que denuncia "que agora busque aprobalo en plena campaña sen presentar nas comisións os novos planos, as supostas novas modificacións, cunha total inseguridade que desde logo o grupo que lidero non vai apoiar”.

O goberno de Ponteareas pretende aprobar o PXOM neste mes de maio

O Goberno local de Ponteareas busca aprobar o PXOM neste mes de maio. Así o adiantaron o alcalde, Xosé Represas e a tenente de alcalde, Chus Garrote na comisión informativa celebrada no Concello, á que asistiron os grupos políticos, a arquitecta municipal e a empresa redactora do PXOM. Na reunión, a arquitecta municipal confirmou que todos os cambios que se introduciron no PXOM son necesarios e imperativos para dar cumprimento ás esixencias da Xunta.

Ponteareas afronta a fase final do PXOM "adaptado ás esixencias da Xunta"

O alcalde de Ponteareas, Xosé Represas, convocará nos vindeiros días aos grupos políticos a unha comisión informativa na que se abordará o PXOM "adaptado ás esixencias da Xunta de Galicia" como paso previo a súa aprobación. Con esta convocatoria o goberno municipal enfila a fase final do PXOM para lograr a aceptación e aprobación definitiva por para da Xunta. Cómpre lembrar que en febreiro de 2016 o Pleno resolveu as alegacións presentadas polos cidadáns e aprobou provisionalmente o PXOM que se remitíu á Xunta para a súa aprobación.

Suscribirse a este canal RSS