A falta de maioría impide ao Goberno de Ponteareas levar o PXOM ao Pleno

As forzas políticas do Concello de Ponteareas pronunciáronse onte, na comisión de urbanismo, sobre a posible aprobación do PXOM no pleno ordinario da vindeira semana. O Partido Popular, ACIP e Esquerda Unida, que suman 11 edís, opuxéronse á aprobación do Plan mentres BNG, PSOE e A Riada do Tea, que contan con 10 edís, amosáronse a favor de aprobalo de inmediato. Xosé Represas asegura que, coa súa postura, "o PP rompe o consenso acadado no 2016 cando PP, BNG e PSOE aprobaron o Plan en sesión plenaria".

A Xunta 'riza o rizo' no problema da Escola de San Mateo

"Pouco serio e incomprensíbel" foron os cualificativos utilizados pola concelleira de Ensino do Concello de Ponteareas, Cristina Fernández, para definir a postura da Xunta de Galicia que, unha vez máis "cambia os seus criterios para xustificar o peche da Unitaria de San Mateo de Oliveira" un peche ao que o concello ponteareán "opónse frontalmente". O pasado ano, a Xunta pechou o centro porque non se chegaba ao mínimo de 6 matrículas. Para o curso que ven, con 8 matrículas xa confirmadas, a administración cambia o seu criterio e mantén a decisión de peche.

O Festival de Jazz de Ponteareas incorporará unha master class de Víctor Prieto

A concellería de Cultura do Concello de Ponteareas, que dirixe Hortensia Bautista, presentou xunto coa asociación de hostaleiros e de Banastra, unha nova edición do festival de jazz que terá lugar do 31 de maio ao 2 de xuño nas rúas e prazas de Ponteareas. Unha nova edición na que a Concellería reafirma a súa aposta "por ofrecer variedade, por levar as actividades ao espazo público exterior e por arroupar e ofrecer un escenario non só aos músicos profesionais se non tamén aos aprendices".

Chus Garrote advirte que o PP "quere dilatar a aprobación do PXOM"

A candidata socialista e Concelleira de Urbanismo, Chus Garrote, advirte que "o Partido Popular so quere dilatar a aprobación do PXOM e confundir á cidadanía actuando de maneira irresponsable a súa voceira Belén Villar nas súas funcións como concelleira da oposición". A concelleira socialista lémbralle á popular Belén Villar que "en novembro de 2018 abriuse un período de detección de erros para todo o mundo, canto máis para os concelleiros da oposición aos que se lles trasladou o documento nese mesmo mes contando tamén con liña directa co equipo redactor".

As alfombras florais de Ponteareas, protagonistas en Portugal e Italia

O mes de maio é, sen dúbida, un mes de traballo intenso para a Asociación de Alfombristas do Corpus Christi de Ponteareas que realizarán, o día 11, dúas alfombras separadas entre elas por 1.750 quilómetros. Unha delas participará na Exposición Internacional de Alfombristas de Pietra Ligure (Italia) e a outra, máis preto da casa, será en Monção con motivo da Festa da Nossa Senhora da Rosa.

Apego volve a Ponteareas con 'Un lugar chamado mundo'

A Auditorio Municipal de Ponteareas acolle, este sábado día 11 de maio, ás 12:00 horas, o espectáculo musical 'Un lugar chamado mundo', de Verdeveras Expresións Artísticas e que se enmarca dentro do proxecto apego, unha actividade que busca, de xeito mensual, formentar a vinculación das familias co idioma galego.

Suscribirse a este canal RSS