Arnoso da verde ao proxecto de renovación do Centro Cultural

A veciñanza da parroquia de Arnoso, no Concello de Ponteareas, vén de darlle luz verde ao proxecto de reforma da Casa Cultural e apoia a proposta do Goberno local. As obras serán financiadas, nunha parte, polos fondos europeos dentro da estratexia EDUSI 'Ponteareas, hábitat saudable' e noutra parte con fondos propios. A arquitecta responsable do proxecto, que conta con fondos para a súa financiación, presentou onte á veciñanza de Arnoso a proposta e solventou dúbidas.

O PSOE ponteareán denuncia "a fuxida de concelleiros do PP e ACiP" do Pleno

O Partido Socialista de Ponteareas, a través da súa portavoz municipal e candidata á alcaldía, Chus Garrote, denunciou hoxe o que cualifica de "fuxida de concelleiros do Partido Popular e ACIP na metade da sesión plenaria", algo que Garrote sinala como "vergoñoso e inadmisible". “O que fixeron PP e ACIP foi insultar aos veciños e veciñas de Ponteareas”, afirma a concelleira socialista.

Primeiros obradoiros para definir os usos do futuro equipamento na Praza Maior de Ponteareas

O goberno de Ponteareas informa que o vindeiro mércores 17 de abril, celebraránse dous obradoiros de traballo no Salón de Plenos do Concello, como continuación do proceso participativo iniciado para a recollida de propostas e ideas, coas que dotar de usos e servizos un futuro equipamento na contorna da Praza Maior. A iniciativa contempla tamén a rehabilitación e posta en valor dalgúns dos edificios, actualmente abandonados, que alí se ubican.

Máis dun cento de ciclistas, nas 'I Xornada de seguridade viaria no ciclismo'

Respectamos as normas?, sabemos o risco que corremos?, temos empatía co resto dos usuarios da estrada?, mellor máis guapo ou máis seguro?... son algunhas das reflexións que todos os participantes consideraron onte na 'I Xornada de Seguridade Viaria no Ciclismo' celebrada no Auditorio Municipal de Ponteareas e organizada pola Concellería de Tráfico e Seguridade Cidadá que dirixe Vanesa Fernández.

O PSOE acusa ao PP ponteareán de apropiarse do proxecto EDUSI logrado polo goberno

O Partido Socialista de Ponteareas vén de cualificar de "irresponsable" a portavoz e candidata do PP por non ter en conta "que pode por e risco a futura licitación e adxudicación de compra dun futuro posible inmoble para uso público". Asimesmo, os socialistas de Ponteareas denuncian que o Partido Popular está prometendo en campaña "cometer ilegalidades urbanísticas que foron desastrosas no pasado".

A veciñanza de Areas, Arnoso e Xinzo esixe solucións á seguridad da N-120

Onte 12 de abril as veciñas e veciños de Areas, Arnoso e Xinzo, parroquias atravesadas pola N-120, dixeron "basta xa". Aseguran estar cansos "de tanta tomadura de pelo por parte de Fomento", así que botáronse á rúa cargados de cruces que, tristemente, lembraban aos mortos que se producen todos os anos nunha vía que cruza tres das parroquias máis densamente poboadas do municipio.

ACiP denuncia a presenza de auxiliares de Policía Local "poñendo multas de tráfico"

O portavoz de Alternativa Ciudadana de Ponteareas e candidato á alcaldía, Juan Carlos González Carrera, vén de denunciar o que considera “alarmante incremento de sancións e recadación abusiva” por parte do Concello de Ponteareas en materia de tráfico. Segundo González Carrera a súa formación tivo que recorrer “ao amparo do secretario municipal para que lle fora recoñecido o dereito a acceder a esta información”. Segundo os datos, di o portavoz de ACiP, no 2017, as sancións impostas foron 1.878 fronte as 1.329 do ano 2017”.

Suscribirse a este canal RSS