Ponteareas adxudica o asfaltado e renovación do saneamento da avenida Rosalía de Castro

O Concello de Ponteareas adxudicou as obras de asfaltado e renovación do saneamento da Avenida Rosalía de Castro. A actuación inclúe tamén a rotonda situada na parte posterior da Casa do Concello e rotonda do Axente Comercial. O importe das obras acada case os 100.000 euros e serán financiadas "con parte do resultado económico positivo do ano 2017 que permite ao Concello dispoñer de recursos económicos para obras e servizos", explica o Goberno local.

Nigrán asfalta trece rúas de Camos cun investimento superior aos 142.000 euros

O Concello de Nigrán rematará esta semana o asfaltado de trece rúas da parroquia de Camos por importe de 142.731 € a cargo do Plan Concellos 2019 da Deputación de Pontevedra. Estas atópanse nos barrios de As Pedras, A Lama, A Touza, O Carballal, A Cruz, Marín, Vilar, O Sobral, A Rotea (segunda fase) e A Carballeira e todas elas levaban máis dunha década sen pavimentar, algunhas incluso dúas.

  • Publicado en Nigrán

Ponteareas inviste máis de 150.000 € na mellora da biblioteca-museo

A concellería de Cultura, que dirixe Hortensia Bautista, vén de informar que a finais de maio estarán rematadas as obras de mellora da eficiencia enerxética no edificio da Biblioteca e Museo Municipal, obras que contaron cun investimento de 154.678,31€, e que foron financiados polos Fondos Europeos de Desenvolvemento Rexional dentro da estratexia 'Ponteareas, Hábitat saudable'.

Arnoso da verde ao proxecto de renovación do Centro Cultural

A veciñanza da parroquia de Arnoso, no Concello de Ponteareas, vén de darlle luz verde ao proxecto de reforma da Casa Cultural e apoia a proposta do Goberno local. As obras serán financiadas, nunha parte, polos fondos europeos dentro da estratexia EDUSI 'Ponteareas, hábitat saudable' e noutra parte con fondos propios. A arquitecta responsable do proxecto, que conta con fondos para a súa financiación, presentou onte á veciñanza de Arnoso a proposta e solventou dúbidas.

Salvaterra contará cunha senda peonil entre o centro urbano e As Zacoteiras

A conselleira de Infraestruturas e Mobilidade, Ethel Vázquez, e o alcalde de Salvaterra do Miño, Arturo Grandal, asinaron hoxe un convenio por importe de máis de 680.000 euros para a execución dunha senda peonil desde o centro urbano da vila e o núcleo de poboación das Zacoteiras, nas estradas PO-400 e PO-402, e a rehabilitación do firme da estrada PO-400, no tramo que coincide coa rúa Rosalía de Castro. O obxectivo é a mellora das condicións de accesibilidade e mobilidade da veciñanza e o reforzo da seguridade viaria.

Mondariz iniciará os traballos de mellora e posta en valor do Camiño de Pontevedra

O Concello de Mondariz iniciará os traballos de mellora e posta en valor do Camiño de Pontevedra, obras incluídas dentro do proxecto do Goberno local de recuperar aqueles viarios que, pese a ser moi utilizados pola veciñanza, levaban tempo sen que os sucesivos gobernos municipais tomaran medida algunha para o seu arranxo. Este é o caso do coñecido Camiño de Pontevedra, con inicio e remate na Avenida do Val (PO-252) e que tamén a cruza a metade de percorrido debido ao trazado sinuoso da antedita avenida.

Nigrán pide á Xunta a cesión da rúa Otero Pedrayo "para poder reparala unilateralmente"

O Concello de Nigrán solicitará á Xunta que lle ceda a titularidade da rúa Otero Pedrayo "para poder reparala dende o consistorio" ante a "nula resposta da Consellería de Infraestruturas e a desesperación dos veciños", que seguen a transitar por unhas beirarrúas en estado calamitoso sendo, sen dúbida, as peores de todo o municipio. A situación de desleixo é tal que a corporación ao completo aprobou unha moción do goberno en xullo de 2016 "pedíndolle á Xunta que arranxase o vial para despois cederlle a tituridade ao Concello e que este poida realizar o mantemento".

  • Publicado en Nigrán

A Deputación ultima a mellora da estrada á Igrexa en Sabaxáns, Mondariz

O departamento de Mobilidade da Deputación de Pontevedra está a finalizar as obras de mellora da estrada provincial EP-4307 de acceso á igrexa de Sabaxáns, no concello de Mondariz. Os traballos, segundo explica o deputado de Mobilidade Uxío Benítez, supoñen a rehabilitación e saneo da totalidade do firme (1.580 metros), a instalación de elementos de calmado de tráfico, e a colocación de nova sinalización vertical e horizontal co fin de aumentar a seguranza da vía.

Suscribirse a este canal RSS