Nigrán abre maio cunha andaina polo futuro parque forestal 'Os Matos-Río Táboas'

O Concello de Nigrán abre a programación cultural do mes de Maio cunha andaina este mércores 1 polo futuro parque forestal Os Matos-Río Táboas (entre Camos e Chandebrito). Guiada polo educador ambiental Antón Lois, o roteiro comezará ás 18:00 horas saíndo dende o Cemiterio de Camos (rúa do Sobral) e constará dunha tradicional muiñada. Trátase dunha andaina de pouca dificultade cuxa duración non sobrepasará as dúas horas, sendo recomendable levar calzado axeitado e auga.

  • Publicado en Nigrán

Mos acolle unha nova edición das Mesas Sectoriais de Medio Ambiente

A reciclaxe, a posta en valor dos activos paisaxísticos e naturais dos concellos ou as medidas que teñen na súa man os concellos para mellorar nos ámbitos da mobilidade e a sustentabilidade a través dos programas da Deputación de Pontevedra ou da captación de fondos europeos foron algúns dos aspectos que se abordaron na mesa sectorial dedicada ao Medio Ambiente que acolleu Mos no serán de onte.

  • Publicado en Mos

Adegas Marqués de Vizhoja, Premios de Enoturismo “Rutas do Viño de España 2018”

Adegas Marqués de Vizhoja recibiu o «Premio ao Compromiso coa Sociedade e o Medio Ambiente» nos Premios Enoturismo Rutas do Viño de España 2018. Entre os motivos atópase “a iniciativa de desenvolver xornadas de sensibilización para reflexionar e buscar sinerxias entre os profesionais agrícolas e forestais para a prevención dos incendios”, especialmente nunha subzona como a de Condado do Tea que foi “a máis afectada polos incendios forestais que arrasaron Galicia o ano pasado”.

  • Publicado en Arbo

«Defendendo o Tea» continúa a súa loita por un Tea limpo

O vindeiro domingo, 30 de setembro, «Defendendo o Tea» colaborará, como xa o fixo en anos anteriores, co «Proxecto Ríos» de Adega. Con esta participación, «Defendendo o Tea» mantén o seu compromiso de loitar por un Tea, incluído no espazo Rede Natura 2000, limpo e sen lixo.

O Parlamento Europeo interesase sobre a contaminación de lindano no Porriño

A Comisión de Peticións do Parlamento Europeo vén de iniciar o examen da petición presentada por EU-Son sobre a contaminación de lindano no Porriño. A petición presentada por EU-Son ao considerar dita comisión "que cumpre cos requisitos ao tratarse dun asunto que incide no ámbito de actividades da Unión Europea". Amais, a presidenta da Comisión, Cecilia Wikström, informou que se solicitou á Comisión Europea "que leve a cabo unha investigación preliminar sobre os diferentes aspectos do problema".

Ponteareas abre a inscrición para participar nas actividades de «Voltea»

A Concellería de Mocidade do Concello de Ponteareas, que dirixe a nacionalista Verónica Carrera, vén de anunciar a apertura da inscrición para poder formar parte do «Voltea» (Voluntariado Municipal) e participar nas múltiples actividades que organiza. A inscrición está aberta a todos os mozos e mozas con idades comprendidas entre os 16 e 30 anos de idade.

A Deputación subvencionará aos concellos para contratar mestres e mestras composteiros propios

A Deputación de Pontevedra vai subvencionar aos concellos adheridos ao Plan Revitaliza para que, no período 2018-2020, contraten un total de 40 mestras e mestres composteiros no seus planteis municipais para a xestión dos residuos orgánicos baseada na compostaxe. O vicepresidente César Mosquera indicou que “este é un paso decisivo e irreversible polo que o plan de compostaxe non vai ter volta atrás na provincia”.

Suscribirse a este canal RSS