'Oito olladas sobre a folga feminista do 8 de Marzo' enche Vilavella

O Pazo de Vilavella encheuse, no serán de hoxe, no acto de presentación do libro 'Oito olladas sobre a folga feminista do 8 de Marzo', unha asistencia masiva que era, ao mesmo tempo, unha clara resposta ao que se cualificou como "veto do alcalde Javier Bas" á que a Deputación puidera presentar este traballo literario nunha das salas baleiras do Multiúsos da Xunqueira. "Non hai posibilidade de poñer portas aos dereitos das persoas a ocupar o espazo público que non é patrimonio de ninguén. Iso fronte a quen cree cando goberna que é seu", aseguou a presidenta Carmela Silva.

Anna R. Figueiredo «Os bicos feridos»

«Os bicos feridos» é a primeira novela de Anna Figueirido e vén avalada polo recén creado 'Premio Viaductos', o que di moito e bo en favor da autora e tamén do premio. Trátase dunha historia moi apegada ao noso tempo e lixeiramente emparentada co realismo máxico por algúns dos elementos que aparecen nela, aínda que eu diría que se achega máis ao simbolismo puro e duro, dende unha perspectiva na que se nos amosa o desencanto que provoca na mocidade enfrontarse a un mundo que pouco ou nada se asemella ao que lle pintaron dende a infancia.

Gala Infantil das Bibliotecas de Redondela con 'Uxia Lambona e a Banda Molona'

As Bibliotecas Municipais de Redondela cumpriron, o pasado setembro, 50 anos de existencia, desde que a Biblioteca P. M. Valle-Inclán de Redondela abriu as súas portas ao público no ano 1968. Ademais das diversas actividades que se realizaron ata o momento, este venres, 25 de xaneiro, ás 18:00 h, no Multiúsos da Xunqueira de Redondela, vaise celebrar esta efeméride cunha Gala Infantil “50 Aniversario”.

O alumnado de Ponteareas achegarase á figura de Rosalía de Castro

A concellería de Cultura do Concello de Ponteareas, que dirixe Hortensia Bautista, vén de anunciar a organización do primeiro concurso de poemas ilustrados e videos 'Día Rosalía de Castro'. Hortensia Bautista sinalou que este concurso está dirixido ao alumnado de ensino de todos os centros educativos de Ponteareas "coa finalidade de potenciar a creatividade e o coñecemento da obra da xenial poetisa".

Dúas propostas para nenos

Xa case é unha tradición que arredor destas datas adiquemos este peculiar andel aos máis pequenos da casa ou, se preferides velo así, aos Reis Magos, por se lles serve de inspiración para deixar agasallos relacionados coas nosas letras. Nesta ocasión traemos dous traballos: unha obra de teatro de Raquel Castro e unha novela de Miguel Ángel Alonso Diz, reiterando outra vez que a cualificación destes traballos como “literatura infantil e xuvenil” nunca debe ser excluínte. Estou seguro que moitos nenos adultos tamén disfrutarán con tales obras.

Eli Ríos, «DX»

Logo dunha novela tan realista e tan dura coma “Luns”, Eli Ríos regresa ao eido da narrativa cunha nova aposta radicalmente diferente coa que nos traslada a un futurible próximo e nos relata unha historia que camiña entre o terror e a ciencia ficción (moi na onda do catálogo habitual de Urco), cun enfoque e unha estrutura que nos fai pensar que está dirixida ao público xuvenil.

Máis de 300 persoas súmanse á lectura radiofónica de Verne

Colexios, institutos, políticos, xentes da cultura e veciños en xeral participan desta iniciativa promovida polas Bibliotecas municipais e a Radio Local coa que se busca conmemorar os 150 anos da 'chegada' do Nautilus a enseada de San Simón. En total máis de 15 horas de radio que se emitirán os luns 24 e 31 de decembro en horario de 10:00 h a 14:00 h e de 15:30 h a 20:00h horas e que permitirán aos oíntes achegarse dun xeito diferente a un texto de referencia nas novelas de aventuras, a novela 'Vinte mil leguas baixo dos mares' de Jules Verne.

María Olga Alonso presenta en chenlo a súa primeira novela 'Los sueños rotos'

A autora novel María Olga Alonso Alonso presentou onte na Casa Cultural de Chenlo, no Concello do Porriño, a súa opera prima 'Los sueños rotos', nun acto que contou coa asistencia de máis dun centenar de persoas entre familiares, amigos e todos aqueles interesados en non perderse o inicio da carreira literaria desta veciña de Chenlo.

Suscribirse a este canal RSS