Redondela comezará os traballos de 'trampeo' contra a Velutina

O Concello de Redondela iniciará esta semana os traballos de colocación de trampas e implementará a segunda fase na loita contra a invasión da vespa Velutina, tamén coñecida como asiática. As medidas de seguridade centraránse en zonas públicas, onde hai maior confluencia de persoas como prazas públicas, colexios, parques infantís e praias. A primeira fase dos traballos desenvolveuse entre os meses de maio e decembro, nos que se levou a cabo a retirada de nidos de velutina en todas as parroquias.

Xoán Carlos González, contradí a Javier Bas no financiamento da escola infantil de Chapela

O portavoz do BNG de Redondela, Xoán Carlos González puntualizou hoxe as declaracións do alcalde de Redondela sobre o financiamento da Escola Ifantil de Chapela. González sinala que “dos 820.000 €, que afirma veñen recollidos nos orzamentos do Consorcio de Servizos Sociais, somente aparece o 50%”. Pola contra, sinala o concelleiro nacionalista, noutros concellos "vanse construír equipamentos similares, que chegan ao total do financiamento.

Carlos López Font e Digna Rivas supervisan a reposición de Servizos na rúa Cubillón

O deputado provincial, Carlos López Font, e a deputada Digna Rivas visitaron esta mañá en Redondela as obras de reposición de servizos na contorna da Rúa Cubillón, en Chapela, actuacións que se executaron coas achegas do Plan Concellos 2017 da Deputación de Pontevedra. Na visita participou tamén o alcalde de Redondela, Javier Bas, así como varias concelleiras e concelleiros municipais.

O Goberno redondelán nega o Multiusos á exposición sobre a folga femnista do 8-M

O goberno da Deputación de Pontevedra lamentou hoxe “o sectarismo do Partido Popular de Redondela e do seu alcalde Javier Bas“ que hoxe comunicou por sorpresa a súa negativa a que, tal e como estaba anunciado e confirmado polo concello, o Multiusos da vila acolla o próximo xoves a presentación do libro 'Oito Olladas da Folga Feminista do 8-M', dentro da xira que as súas oito autoras están a realizar pola provincia con gran afluencia e interese do público nos concellos nos que se está a realizar o evento.

Concello e Asociación de Empresarios de Redondela, asinan un convenio de colaboración

O Alcalde de Redondela, Javier Bas, vén de asinar esta semana un convenio coa Asociación de Empresarios de Redondela dotado con 6.000 euros e que axudará ao desenvolvemento de actividades de dinamización comercial e empresarial en Redondela. Entre as actividades promovidas están a Ruta do Pincho ou a Feira de Oportunidades. A asociación terá que xustificar os gastos mediante facturas para poder cobrar o importe concedido no antedito convenio.

Mellora da seguridade viaria en Redondela coa nova pasarela da Ponte de San Xulián

A conselleira de Infraestruturas e Mobilidade, Ethel Vázquez, salientou onte en Redondela que a nova pasarela da ponte de San Xulián "permite pechar un itinerario peonil continuo" no treito urbano desta vila que, ademais de favorecer o desprazamento máis cómodo e seguro dos veciños, pon en valor o espazo no que se atopa un elemento patrimonial de grande interese, como é o Peto das Ánimas.

Javier Bas cualifica de "decepcionante" a visita do ministro de Fomento

O alcalde de Redondela, o popular Javier Bas, cualificou hoxe como "decepcionante" a visita realizada polo ministro de fomento xa que, asegura o rexedor local redondelán "seguimos coa mesma falta de información e concreción que nos atopábamos antes da súa chegada". Para Bas "é inexplicable que transcorridos 4 meses dende o seu nomeamento" non dea resposta a cal será a data de inicio das obras complementarias comprometidas por Fomento en Chapela e Trasmañó tras a ampliación da AP9, "nin concretara a data de retirada do peaxe inxusto de Rande".

Suscribirse a este canal RSS