O Porriño reivindica catro séculos de tradición para converterse na capital galega do pan

A vila do Porriño acollerá esta fin de semana a cuarta edición da Feira do Pan do Porriño, na que se quere resaltar a singularidade e a excelencia deste produto, avalada por máis de catro séculos de elaboración artesanal, sumados ao emprego de fariñas tradicionais e de masa nai. A Feira, que se desenvolverá o sábado 1 de xuño e domingo 2 de xuño, foi presentado hoxe no Palacete das Mendoza, sede de Turismo Rías Baixas da Deputación de Pontevedra, polo deputado de Turismo, Santos Héctor e a alcaldesa en funcións do Porriño, Eva García de la Torre.

O Centro Cultural do Porriño acolle a exposición fotográfica de Ruth Matilda Anderson

A Alcaldesa de Porriño, Eva García presidiu hoxe a inauguración da exposición 'Unha mirada de antano: Fotografías de Ruth Matilda Anderson en Galicia' que se exhibirá no Centro Cultural Municipal ata o 2 de xuño. Walter Alvarez , director territorial de ABanca e Paloma Vela, coordinadora adxunta de Cultura de AFundación, asistiron tamén en representación das institucións que trouxeron esta exposición ao Porriño.

Preto dun milleiro de participantes nas probas 'Xarotos' e 'Challenge Rías Baixas' do Porriño

A vila do Porriño converterase na capital do ciclismo pontevedrés durante as vindeiras semanas ao reunir a preto dun milleiro de participantes nas probas que organiza o club ciclista Master da Louriña. Unha de elas, a Xarotos Gran Fondo co patrocinio do Concello de Porriño e Deputación Provincial, defínese como “proba ciclodeportiva” que se disputará o domingo 12 de maio.

Eva García nega a "desatención" que denuncian os afectados polas canteiras de Atios

A alcaldesa do Porriño, Eva García de la Torre, lembrou que o Concello do Porriño "ten intermediado entre os afectados das canteiras de Atios e a firma Pocasa mediante senllas reunión que recentemente mantivo a propia alcaldesa ámbalas dúas partes na Casa do Concello". De la Torre nega, polo tanto, “a suposta desatención que denuncian os veciños de Atios”, un dos motivos que os afectados alegan coma un dos motivos para próximas movilizacions.

O Centro Cultural do Porriño acollerá a exposición de fotografías de Ruth Matilda Anderson

A alcaldesa do Porriño, Eva García de la Torre e Paloma Vela, coordinadora adxunta da Área de Cultura de 'Afundación', Obra Social de Abanca, suscribiron este venres o convenio de colaboración que posibilita que o Centro Cultural do Porriño acolla, entre o 9 de maio e 2 de xuño, a exposición «Unha mirada de antano: Fotografías de Ruth Matilda Anderson en Galicia». Á sinatura asistiron tamén Lourdes Moure, concelleira de Educación de Porriño e mailo director de oficina de ABanca en Porriño, Jorge Luís García. 

Eva García reúnese cos traballadores de 'Levantina' e levará o problema ante a Xunta

O comité de personal e traballadores de 'Levantina' acudiron onte ao Concello de Porriño para expoñer a súa preocupación polo inminente ERE que a empresa granitera quere aplicar e solicitar a intercesión da alcaldesa. Eva García de la torre, que abriu as portas do salón de sesions para celebrar a reunión e acoller a todolos asistentes, comprometeuse con eles a facer chegar á dirección da empresa “a preocupación do Concello polo impacto negativo que tería ese ERE para 33 familias de Porriño”.

O Porriño abre expediente informativo a Xesnatura pola "reiteración de incidentes"

"Ante a reiteración de lumes nas instalacions da empresa Xesnatura nas súas naves en chan industrial de Porriño", a alcaldesa Eva García ordenou o pasado día 2 de abril “a apertura dun expediente informativo”. “Queremos saber as circunstancias deste último incidente de anoite –o día 1– e dentro do ámbito das nosas competencias, o Concello actuará”, dixo a alcaldesa.

Suscribirse a este canal RSS