Regades e Caballero acompañan a Digna Rivas para explicar o proxecto socialista

As e os socialistas redondelás, coa candidata Digna Rivas á cabeza, mantiveron na noite de hoxe un encontro na Alameda de Chapela co secretario xeral provincial, David Regades, e o alcalde de Vigo, Abel Caballero. A candidata á alcaldía de Redondela quixo agradecer a presenza do secretario xeral do PSdeG-PSOE da provincia de Pontevedra, David Regades, no percorrido realizado polas rúas de Chapela.

Digna Rivas comprométese en Chapela coa “nosa cultura e a nosa lingua”

A candidata a Alcaldía de Redondela polo PSdeG-PSOE, Digna Rivas, participou hoxe nun acto que tivo como escenario a Alameda de Redondela no que reafirmouse na súa aposta “pola nosa cultura e pola nosa lingua, que non só son un patrimonio cultural, senón tamén unha sinal da nosa identidade como pobo”. Na mesma liña, Rivas deixou clara a súa intención de recuperar “o Día da Muiñeira, un referente cultural de primeira magnitude e que hoxe, como tantas outras cousas, por desidia e deixamento por parte do Goberno do PP, está case que desaparecido”.

Digna Rivas reúnese coa veciñanza de Cabeiro

A candidata do PSdeG-PSOE á Alcaldía de Redondela, Digna Rivas, mantivo onte unha xuntanza coa veciñanza de Cabeiro no Centro Cultural da parroquia, de cara a darlles conta das actuacións que inclúe o seu programa de Goberno de cara a mellorar a calidade de vida dos veciños e veciñas das parroquias. 

Digna Rivas participa na tradicional pegada de carteis de inicio de campaña

A candidata á alcaldía de Redondela polo PSdeG-PSOE, Digna Rivas, protagonizou esta noite a tradicional pegada de carteis coa que se abre, oficialmente, a campaña electoral das Municipais 2019. Acompañada polos homes e mulleres que conforman a súa candidatura, Rivas asegurou que, nesta noite “damos o primeiro paso para construír unha Redondela que afronte, con valentía e decisión, os retos de futuro que a convertan nun referente social, cultural e económico da provincia”.

“A mocidade non só é o futuro de Redondela senón tamén o seu presente”

“Sempre se di que os mozos e mozas sodes o futuro de Redondela pero eu estou convencida de que tamén sodes o presente e, como tal, debedes ter un papel activo na toma de decisións que afecten ao conxunto da cidadanía”. Esta foi unha das mensaxes que a candidata do PSdeG-PSOE á alcaldía de Redondela, Digna Rivas, transmitiulles a un grupo de mozos e mozas cos que se reuniu este pasado mércores de cara a darlles a coñecer as propostas que, en materia de mocidade, inclúense no seu programa de goberno.

Érguete e Nigrán fomentan a empregabilidade de persoas en risco de exclusión social

Este luns, 6 de maio, tivo lugar no local do Pénjamo SunBar, na Praia de Patos, a presentación do Curso de Auxiliar de Restaurante-Bar que xestiona a Fundación Érguete-Integración en colaboración co concello de Nigrán. A esta xornada inaugural asistiu a presidenta da Fundación Érguete-Integración, Carmen Avendaño; a deputada provincial de Cohesión Social e Xuventude, Diga Rivas e o alcalde de Nigrán, Juan González.

  • Publicado en Nigrán

Carmela Silva: "A Deputación é a entidade que máis inviste na comarca de Vigo"

A presidenta da Deputación de Pontevedra, Carmela Silva, participou este luns no acto organizado pola dirección provincial do partido en Redondela, no que destacou os case 38 millóns de euros postos a disposición dos concellos de Fornelos de Montes, Mos, Pazos de Borbén, O Porriño, Redondela, Salceda de Caselas e Soutomaior. “É o maior investimento feito nunca por esta Deputación nestes concellos”, indicou.

“Redondela, para avanzar, non pode prescindir da opinión e experiencia dos nosos maiores”

“Redondela, que quere avanzar e afrontar os retos de futuro, non pode permitirse o luxo de prescindir da vosa experiencia”, aseguroulles a candidata do PSdeG-Redondela á alcaldía, Digna Rivas, aos representantes de colectivos de maiores nun encontro mantido nunha céntrica cafetería redondelá. A reunión estaba enmarcada dentro das xuntanzas que a candidata socialista mantén con colectivos sociais, culturais, empresariais e deportivos do municipio.

Suscribirse a este canal RSS