Silva e Mosquera presentan o novo goberno provincial

A presidenta da Deputación de Pontevedra, Carmela Silva, e o vicepresidente provincial César Mosquera, informaron o venres, en rolda de prensa, da composición e estrutura do novo goberno provincial, coa distribución de áreas, así como das deputadas e deputados que integrarán a Xunta de Goberno. Tal e como destacou Silva, a distribución responde aos catro “grandes obxectivos” do novo mandato que se vertebrará arredor da transición ecolóxica, da igualdade e do respecto á diversidade, dos dereitos da cidadanía e da cultura e desenvolvemento.

Carmela Silva clausura o obradoiro de escultura en pedra no centro penitenciario da Lama

A presidenta da Deputación de Pontevedra, Carmela Silva, puxo hoxe en valor o traballo en pedra na clausura do curso que a Escola de Cantería desenvolveu durante os últimos meses no Centro Penitenciario de A Lama. A través deste obradoiro, que levou por título Elaboración de obras en pedra natural, dúas internas e nove internos formáronse nas técnicas para realizar pezas de artesanía en pedra, baixo a tutela do mestre canteiro Manuel Varela.

Sustentabilidade, dereitos, igualdade e transición ecolóxica, eixos do novo Goberno de Carmela Silva

Unha economía sustentable baseada nunha forte aposta por políticas de transición ecolóxica e un cambio de sistema no que a igualdade sexa o motor necesario, serán dous dos eixos fundamentais que vertebrarán de xeito transversal o novo proxecto político que afronta desde hoxe o novo goberno da Deputación de Pontevedra que volve a presidir a socialista Carmela Silva.

Carmela Silva pon en valor o relevante papel das mulleres á sustentabilidade do mar

A presidenta da Deputación, Carmela Silva, xunto á deputada provincial, Isaura Abelairas; á alcaldesa de Redondela, Digna Rivas; a profesora e comisaria da exposición Mari Lires, e as mulleres e homes da Confraría de Redondela, asistiu esta mañá á inauguración da mostra itinerante “Achegas das Mulleres á sustentabilidade do mar” na lonxa de Cesantes, unha iniciativa promovida pola institución provincial en colaboración coa Universidade de Vigo para darlle visibilidade ao papel da muller no ámbito mariño.

A fachada da Deputación, escenario para clamar contra as violencias machistas

A presidenta da Deputación de Pontevedra, Carmela Silva, e a escritora Ledicia Costas, xunto a deputadas e deputados provinciais, encabezou esta mañá a concentración “1000 nomes contra o machismo” no que se escoitou os nomes das 1.000 mulleres asasinadas dende 2003 por mor da violencia machista e se reivindicou a necesidade de poñer fin a esta lacra social.

Os 'III Premios Sofía Novoa' da Deputación enchen de igualdade o Pazo de Gandarón

A música de Bach e Piazzolla, da man do dúo de piano e flauta traveseira do Conservatorio Mayeusis, inundou na tarde de onte o Pazo de Gandarón, en Salcedo, engalanado para acoller o acto de entrega dos III Premios Sofía Novoa Ortiz, impulsados pola Deputación de Pontevedra. A sede da Misión Biolóxica de Galicia foi o escenario elixido por primeira vez para galardoar este ano ás seis estudantes da Universidade de Vigo que incluíron a perspectiva de xénero nos seus traballos de fin de grao e de fin de máster.

Dúa grandes pancartas no Pazo Provincial lembrarán ás mil mulleres asasinadas polo machismo

A Presidenta da Deputación de Pontevedra, Carmela Silva, informou hoxe de que a fachada do Pazo Provincial mostrará dúas grandes pancartas cos nomes das mil mulleres asasinadas pola violencia machista desde que existen estatísticas, é dicir, desde 2003. “Instalaremos esas pancartas cos seus nomes porque non poden caer no esquecemento”, asegurou Silva, que valorou esta acción como “unha actitude activa contra a violencia machista que nos mata ás mulleres polo simple feito de ser mulleres”.

Deputación e Universidade de Vigo, un paso máis en igualdade coa cátedra 'Feminismo 4.0'

Cun brinde pola igualdade, a presidenta da Deputación de Pontevedra, Carmela Silva, e o reitor da Universidade de Vigo, Manuel Reigosa, en compañía de colectivos e asociacións de mulleres da provincia, relacionadas coa cultura e a igualdade, deron esta mañá no Pazo de Castrelos, en Vigo, o pistoletazo de saída á cátedra “Feminismos 4.0” da Universidade de Vigo.

Suscribirse a este canal RSS