Pablo Marquina leva a liga Social Baitra por segundo ano consecutivo

O regatista vigués Pablo Marquina, de 12 anos, resultou gañador, este domingo en Baiona, da liga Social Baitra do Monte Real Club de Iates, unha competición que o club baionés organiza de setembro a xuño para nenos de entre 7 e 17 anos. Tras as probas finais celebradas esta fin de semana, Marquina impúxose sobre o resto dos regatistas que competían na clase Optimist. Logrou revalidar así o triunfo logrado en 2018, cando se alzou por primeira vez coa vitoria do campionato que o Monte Real organiza cada ano en Baiona da man de Baitra Accesorios Navais.

  • Publicado en Baiona

A Mancomunidade do Val Miñor convoca a contratación de 18 postos de socorrismo

A Mancomunidade de Concellos do Val Miñor, a través do seu presidente Juan González, publicou onte no BOP o inicio do proceso de selección para contratar a 18 socorristas máis de cara a tempada de verán nas praias da comarca. Ademais, hai 12 en proceso de selección a través do Servizo Público de Emprego de Baiona (un máximo de 8 deles serán financiados a través dunha subvención da Xunta de Galicia). O obxectivo é contar cun total de 30 socorristas que den servizo nos areais de Nigrán e Baiona entre o 1 de xullo e 31 de agosto.

  • Publicado en Nigrán

Exposición 'Vento nas velas' de Xurxo Lobato en Baiona

Dende este sábado 8 de xuño ata o vindeiro 7 de xullo ámbolos dous inclusive, veciñanza e visitantes poderán gozar, no marco incomparable do paseo Ribeira de Baiona, da exposición fotográfica 'Vento nas Velas' do fotógrafo Xurxo Lobato. A mostra, organizada pola Deputación de Pontevedra en colaboración co Concello de Baiona, está composta por cinco grandes cubos expositivos de carácter didáctico, pensada para achegar ao público a cultura marítima da nosa provincia.

  • Publicado en Baiona

Trinta millas decidirán os novos campións galegos de 'Solitarios' e 'A dous'

Un percorrido dunhas 30 millas náuticas de ida e volta entre Baiona e a illa de Ons decidirá, o vindeiro sábado 1 de xuño, quen son os gañadores do Campionato Galego de 'Solitarios' e 'A Dous' de 2019, que se celebra no marco do Trofeo Prima Vinia do Monte Real Club de Iates. Este é o oitavo ano consecutivo que a Real Federación Galega de Vela delega no club baionés a organización dunha das probas máis emocionantes e complicadas da tempada náutica, que se poderá seguir en directo en tempo real no computador ou móbil a través da páxina web do Monte Real.

  • Publicado en Baiona

Baiona, o PSOE desbanca ao PP pero os pactos teñen a última palabra

As lecturas dos resultados de Baiona son tan variados como a propia composición da Corporación municipal que, coa entrada de Ciudadanos, pasa de 4 a 5 partidos. O Partido Popular déixase polo camiño 3 concelleiros perdendo a maioría absoluta que tiña o alcalde Ángel Rodal, mentres que o PSOE colócase como a lista máis votada cun 21,72% dos votos. A entrada de Ciudadanos cun concelleiro fai que o goberno quede a expensas do que decidan os dous concelleiros de Nós Baiona.

  • Publicado en Baiona

Baiona amosa a beleza da Foz do Miñor cunha visita guiada

O departamento de medioambiente do Concello de Baiona xunto co Obradoiro de Emprego Valmiemprega III, levaron a cabo unha visita guiada arredor do espazo protexido da Foz do Miñor, co gallo da celebración do Día Europeo da Rede Natura 2000, xa que este lugar está dentro de dita rede coa denominación de LIC (Lugar de Importancia Comunitaria) e ZEC (Zona de Especial Conservación) coa denominación da Ramallosa.

  • Publicado en Baiona

XVIII Semana Verde

Os próximos días 26, 27 e 28 de xuño, o Concello de Baiona, a través da Concellería de Deportes, en colaboración con ANPAS centros públicos escolares de Baiona, Protección Civil Val Miñor e a Concellería de Medio Ambiente organizan un novo programa da “Semana Verde”, acampada escolar que este ano 2019 establécese nas instalacións do Cámping Bayona Praia. A acampada, nace coa intención de desenvolver e fomentar as actividades na natureza, tanto desde a práctica deportiva como desde a formación integral e educativa dos escolares.

  • Publicado en Baiona

Baiona inicia as obras de mellora da mobilidade e seguridade na Avenida de Sabarís

A empresa Marconsa e o concello de Baiona veñen de formalizar o contrato para poder inciar ás obras de mellora da mobilidade e seguridade viaria na avenida Urbana de Sabarís, traballos que contarán cun investimento de 340.000 euros e un prazo de execución previsto de 3 meses, polo que deberían quedar concluídas antes de finalizar este verán.

  • Publicado en Baiona
Suscribirse a este canal RSS