A langosta, Moncho Borrajo e Luis Zahera, pratos fortes da Festa da Langosta

A Festa da Langosta e da Cociña Mariñeira chega súa XXIX edición cunha destacada programación onde os humoristas e a música de fusión serán os protagonistas xunto coa raíña da festa, a langosta. Os días 5, 6 e 7 de xullo o porto da Guarda será o escenario da festa gastronómica de referencia. Os restaurantes ofrecerán a langosta acompañada duns 20 pratos mariñeiros sen esquecer dos doces típicos e do viño Denominación de Orixe do Rosal.

A Deputación licita a mellora do acceso á praia do Muíño na Guarda

A Deputación de Pontevedra vén de sacar a licitación as obras de mellora e recuperación do acceso á praia do Muíño da Guarda, por un orzamento total que ascende ás 192.190,64 €. A actuación forma parte do proxecto de cooperación europea ‘Visit Río Miño’, de Preservación e valorización do Río Miño Transfronteirizo, do que a institución provincial é socia. O prazo para a presentación de ofertas remata o vindeiro 2 de xullo, ás 10:00 horas.

A Guarda reafírmase na súa aposta pola mellora do patrimonio arquitectónico local

A Guarda ven de finalizar as obras do proxecto para a mellora do camiño e do lavadoiro do Aloque no barrio de Saa en Camposancos, un ben patrimonial enmarcado no Camiño Portugués da Costa. Con esta actuación, o Goberno guardés reafirmase nas actuacións encamiñadas a manter e fomentar parte do patrimonio arquitectónico local como son os lavadoiros, antigos puntos de traballo e sociabilización da veciñanza e que, na actualidade constitúe un lugar de paso obrigatorio para os peregrinos que percorren o Camiño Portugués da Costa ao seu paso pola Guarda.

A Guarda abre a contratación laboral temporal dun patrón para o servizo de salvamento

O Concello da Guarda selecciona un patrón de embarcación para cubrir o servizo de salvamento e vixilancia das praias do Concello, durante 2,5 meses a xornada completa. Titulación mínima esixida: patrón de navegación básica (PNB) ou patrón de embarcación de recreo (PER) ou licenza federativa para o goberno de embarcacións de recreo. As bases da convocatoria están a disposición dos interesados no Rexistro e na sede electrónica do concello (http://aguarda.sedelectronica.gal)

A Guarda recupera o Cruceiro Pinto de Salcidos

O Concello da Guarda ven de rematar recentemente as obras do Proxecto de Urbanización do entorno do Cruceiro Pinto de Salcidos. Neste proxecto de renovación do pavimentado do camiño da Cruz, no entorno do cruceiro Pinto, situado no núcleo de San Lourenzo da parroquia de Salcidos, realizouse unha obra para a acondicionar este ben patrimonial, permitindo mellorar este camiño para o servizo do común dos cidadáns.

A Guarda inaugura unha exposición fotográfica sobre as alfombras florais

O pasado venres, 7 de xuño, a Casa dos Alonsos da Guarda acolleu a inauguración da Exposición fotográfica 'Alfombras Florais na Guarda', unha mostra que recolle a través de varias fotografías a historia desta arraigada tradición na Guarda, xunto con explicacións sobre como é este traballo. No acto de inauguración interviron o alcalde en funcións, Antonio Lomba e a presidenta da Asociación Cultural Alfombras da Guarda, Mª Emilia Baz, contando coa presenza de numerosas persoas que participan cada ano na elaboración das Alfombras Florais na Guarda.

Rematan os traballos de Escavación do Cuncheiro do Monte Trega na Guarda

O Concello da Guarda promoveu, baixo a dirección de Brais X. Currás da Universidade de Coimbra (CEAACP), un Proxecto de Escavación, Análise e Sinalización do Cuncheiro do Monte Trega. O proxecto de escavación foi executado polos arqueólogos da empresa Terra Arqueos, mentres que para o estudo do material do cuncheiro contarase co grupo de investigación en zooarqueoloxía da Universidade de León con Carlos Fernández Rodríguez á fronte, e máis co Grupo de Investigación en Arqueobiología do CSIC, con Marta Moreno.

Novo prazo de inscricións para o Campamento Urbano 2019 na Guarda

Por un erro no procedemento administrativo o Campamento Urbano 2019 ten que abrir un novo prazo para solicitar a inscrición. O prazo será dende o día 10 ata o día 17 de xuño en horario de 9:00 h a 14:00 h (horario de rexistro) ou na sede electrónica do Concello da Guarda. Este campamento terá lugar os meses de xullo, agosto e o período non lectivo de setembro, en horario de 9 a 14 horas, para nenos e nenas de 4 a 12 anos.

Suscribirse a este canal RSS