14.9 C
Pontevedra
Xoves, 4 de Xuño de 2020

Tag: nigran

Nigrán fai unha achega adicional de alimentos cárnicos e outros produtos ás familias máis vulnerables do municipio

O Concello de Nigrán emprendeu onte un reparto especial a domicilio para familias vulnerables a base fundamentalmente de alimentos cárnicos (polo e lombo de porco) pero tamén de productos menos cotiás como café, cacao ou fariña. En total, o Concello adquiríu no pequeno comercio do municipio 1.000 € nestas compras destinadas a 55 familias e que se suman ao reparto ordinario semanal de produtos non perecedoiros e ao extraordinario da semana pasada a base de froitas, ovos e verduras e produtos de hixiene corporal e limpeza.

Nigrán reúne a animadores e educadores infantís para lanzar vídeos de entretemento para as nenas e nenos

O Concello de Nigrán reuníu aos especialistas en entretemento infantil do municipio para lanzar desde este sábado a través das redes sociais do consistorio (Facebook Concello De Nigrán, youtube e na web www.nigran.es) pequenos vídeos con contidos exclusivos destinados aos cativos. A iniciativa encádrase na campaña municipal ‘Paciencia, Cariño e Calma’ que pon o punto de mira nos pequenos da casa, os que máis ríxidamente sufren o confinamento.

Nigrán tínguese de azul para concienciar á cidadanía sobre o autismo

Un ano máis o Concello de Nigrán uniuse á Fundación Menela para tinguirse de azul, esta pasada noite, coincidindo co Día Mundial de Concienciación sobre o Autismo. Nesta ocasión celébrase baixo o lema 'Podo aprender. Podo traballar', dous eixos claves para a inclusión e mellora da calidade de vida das persoas con Trastorno do Espectro do Autismo (TEA) e as súas familias: a educación e o emprego.

Nigrán facilita mamparas protectoras de metacrilato para o posto principal da Garda Civil no Val Miñor

O Concello de Nigrán facilitou hoxe ao Posto Principal da Guarcia Civil en Baiona tres mamparas de metacrilato deseñadas e confeccionadas a medida polo propio edil de Seguridade, Rubén Rial, quen se desprazou persoalmente esta mañá a instalalas na oficina especializada en violencia de xénero e na de demáis denuncias. Estas pantallas son unha efectiva medida de hixiene e protección ante o Covid-19 que beneficia tanto aos axentes como aos veciños de todo o Val Miñor que se teñen que desprazar ao cuartel a efectuar denuncias.

‘Paciencia, cariño e calma’, as nenas e nenos de Nigrán poñen cara á solidariedade é a responsabilidade

O Concello de Nigrán lanza unha campaña propia baixo o lema ‘Paciencia, Cariño e Calma’ para volver a facer visibles aos nenos e nenas nas rúas do municipio. O goberno local insta ás crianzas a debuxar un corazón baixo este lema e a pegalo nas súas xanelas ou balcóns e nas redes sociais co hashtag #NigranQuedaNaCasa. O modelo de ilustración está dispoñible na web municipal e no facebook oficial Concello De Nigrán (para todo aquel que prefira simplemente imprimilo).

Nigrán suspende os prazos de pagamento que constan no calendario fiscal mentres dure o estado de alarma

Desde Aqualia iniciarán o periodo voluntario de pago unha vez remate o estado de alarma e inciden en que non se cortará ningún subministro, teñan ou non a condición de vulnerables

Nigrán realiza unha entrega adicional de alimentos frescos e produtos de limpeza ás familias máis vulnerables

O Concello de Nigrán emprendeu esta mañá un reparto especial a domicilio de alimentos frescos e produtos de hixiene corporal e limpeza entre medio cento de familias en situación de vulnerabilidade, acción que se complementa coa entrega a semana pasada de produtos non perecedoiros e que continuará a inicios da próxima co primeiro envío de carne fresca e iogures. Todo foi mercado en pequeno comercio local ou procede de doazóns.

Nigrán adianta o concurso de carteis ‘NigranJazz-Quin Albores’ para ofrecer unha alternativa ao ocio no confinamento

O Concello de Nigrán adianta a convocatoria do xa tradicional concurso de carteis 'Quin Alborés'-Nigranjazz co obxectivo de ofrecer unha alternativa de ocio e creatividade neste período de confinamento. O certame, dotado con 500 euros á proposta gañadora, ten como propósito elixir a imaxe que represente a 14 edición do Nigranjazz, un festival onde música e deseño van da man.

Aqualia cede ao Concello de Nigrán dúas furgonetas para o reparto de alimentos

O Concello de Nigrán recibiu a semana pasada da man da xefa de Servizo de Aqualia en Nigrán, Marián Lago, a cesión de dúas furgonetas Citroën Berlingo para optimizar o reparto do servizo de axuda a persoas especialmente vulnerables ante o Covid-19 (reparto de alimentos a domicilio, menciñas, libros…). Estes vehículos, unha vez se supere esta crise sanitaria do Covid-19, se engadirán á actual frota do Servizo Municipal de Augas no Concello de Nigrán que sumará así cinco.

Nigrán ordena a “limpeza profunda e desinfección” de todos os centros educativos

O Concello de Nigrán, ante a situación de crise sanitaria e tendo en conta o parón da actividade educativa, deu orde esta semana á concesionaria da limpeza dos centros para que emprenda unha desinfección e limpeza profunda de todas as instalacións. O persoal iniciou os traballos seguindo o protocolo sanitario e realizando a limpeza sen manter contacto con outras persoas.

Nigrán instala parqué flotante en madeira no pavillon do CEIP Carlos Casares aproveitando o parón escolar

O Concello de Nigrán, tendo en conta a inactividade educativa ante a crise sanitaria do Covid-19, emprendeu esta semana a instalación de parqué flotante en madeira de fresno natura no pavillón do CEIP Carlos Casares. O investimento municipal, de 6.000 €, permitirá cubrir a totalidade de superficie (146 metros cadrados de formigón pulido) sobre a que previamente se porá unha manta de polietileno.

Nigrán propón a Residencia de Tempo Libre de Patos como espazo potencial de atención sanitaria ante o coronavirus

Residencia de Tempo Libre de Patos, vén de ser proposta polo Concello de Nigrán como un espazo potencial para a atención sanitaria ante a crise do Covid-19. Así, o Concello que preside Juan González da resposta a demanda do Ministerio de Sanidade na que solicita aos concellos lugares de posible uso no caso de que foran precisos. Cómpre lembrar que a residencia é un lugar xa dotado de medios, sen actividade ata xuño e que dispón de camas e habitacións inviduais, cociña industrial e comedor.

Nigrán inicia a entrega de alimentos entre as familias especialmente vulnerables

O Concello de Nigrán iniciou esta mañá o servizo especial de asistencia a persoas en especial risco ante o Covid-19 atendendo ás 33 familias en situación de vulnerabilidade económica ou ailladas (acorde aos datos dos Servizos Sociais) despois de contactar telefónicamente con cada unha delas para atender as necesidades especiais destes intres.

Nigrán crea un servizo de asistencia a veciñanza de risco e persoas sen medios para facilitar a compra de mediciñas e alimentos

O Concello de Nigrán pon desde hoxe en funcionamento un servizo de asistencia a persoas en especial risco ante o Covid-19, ou en soidade ou sen medios, co obxectivo de facilitarlles a compra de alimentos, menciñas e mesmo o préstamo de libros, revistas ou dvds da Biblioteca Municipal (instalación pechada, como todas as dependencias municipais).

O Concello de Nigrán adopta medidas excepcionais como prevención ante o coronavirus

O Concello de Nigrán, atendendo ao criterio das máximas autoridades da Sanidade Pública, toma medidas excepcionais como medida de prevención ante o avance do coronavirus ao tempo que fai un chamamento á calma da cidadanía. Así, como medida de profilaxis, suspéndense desde este luns 16 de marzo e, como mínimo ata o 1 de abril, todas as actividades municipais culturais, deportivas e de envellecemento activo e péchase a Biblioteca Municipal para evitar a concentración dun alto número de persoas nun espazo pechado.

Adiados os actos lúdicos do evento ‘Bosque da Luz’ de Nigrán

A Asociación Galicia Ambiental e os organizadores do evento 'Plantación Bosque Festival da Luz'; Concello de Nigrán; Comunidade de Montes de Chandebrito e a Asociación Veciñal, veñen de anunciar o adiamento das actividades que estaban programadas para esta fin de semana do 14 e 15 de marzo de 2020, como medida de prevención fronte ao coronavirus COVID-19.

Nigrán remata a renovación da rúa do Ceán cunha marquesina de madeira para preservar a contorna

O Concello de Nigrán vén de completar a renovación da rúa do Cean, realizada o ano pasado, incluíndo unha marquesina de soporte de madeira na parada do autobús á altura do cemiterio, punto onde non existía e que por tal motivo demandaba a veciñanza.

Os cursos de prevención do deterioro cognitivo e benestar físico de maiores de Nigrán arranca con 131 persoas inscritas

O Concello de Nigrán iniciou esta semana coa totalidade das prazas cubertas (131 inscritos) o programa integral para a prevención do deterioro cognitivo e benestar físico e emocional dirixido a maiores de 60 anos e pensionistas empadroados no municipio. Nesta nova edición o Concello de Nigrán ofrece cinco talleres para exercitar a memoria con 60 persoas participantes, dous talleres de 'Vivilo Corpo' con 28, e finalmente, tres de informática con 60 veciños.

Nigrán rematará este mes as obras de saneamento en Areíña, Parada

O Concello de Nigrán rematará este mes as obras para a instalación de saneamento no barrio de Areíña (Parada). O proxecto, de 46.823 € con cargo ao Plan Concellos 2018 da Deputación de Pontevedra, comprende só viais de titularidade pública e dá resposta a vellas demandas dos veciños.

As mulleres de Nigrán, protagonistas dunha mostra de fotografías anteriores a 1970

O Concello de Nigrán conmemora o 8-M, Día Internacional da Muller, coa inauguración este venres ás 19:00 horas no Auditorio Municipal da mostra fotográfica 'Mulleres de Nigrán -1970', unha exposición propia froito de recompilar entre a veciñanza durante case un ano centos de imaxes antigas. Nesta escolma de 150 fotos os asistentes poderán ver a mulleres de Nigrán labregas, costureiras, mestras, nais de familia, coidadoras, perruqueiras, mulleres festeiras, amigas cómplices... En definitiva, mulleres comúns e valerosas ás que a ONU adica cada 8 de marzo e ás que o consistorio consagra esta exposición.

O Concello de Nigrán informa sobre a inscrición para os campamentos polideportivos ‘Príncipe Felipe’

O Concello de Nigrán informa que xa está aberto o prazo de solicitude para 'Os Campamentos Polideportivos Príncipe Felipe' para o ano 2020 organizados pola Deputación de Pontevedra. Os campamentos están destinados a persoas nacidas entre os anos 2006 e 2013 ambos os dous incluídos que teñan o seu domicilio habitual en calquera dos concellos da provincia de Pontevedra.

Os nenos e nenas de Nigrán realizarán o cartel oficial da ‘X Travesía a Nado Costa Serena’

O Concello de Nigrán e o Club deportivo Tumetapesonal, en colaboración coa firma deportiva Area, organizan un concurso de debuxo infantil para escoller o cartel anunciador da 'X edición da Travesía a nado Costa Serena-Gran Premio Concello de Nigrán', que se celebrará o 5 de xullo en Praia América.

O equipo cadete do C.B. Nigrán, subcampión de Liga

O equipo cadete do C.B. Nigrán proclamouse esta mañá subcampión da liga desta tempada 2019-2020. Foi un camiño longo e cheo de dificultades no que, en máis dunha ocasión, houbo que sacar forzas de flaqueza para remontar resultados adversos.

Nigrán convoca un curso oficial de socorrismo para persoas empadroadas

O Concello de Nigrán ofrece gratuítamente, e por vez primeira, un curso de socorrismo para empadroados que outorga o certificado de profesionalidade requirido para traballar nas praias. O compromiso do goberno de Nigrán coa seguridade e calidade asistencial nos areais e máximo, e ante o insuficiente número de socorristas que se precisan en toda Galicia na tempada estival o Concello desexa atallar este problema na súa comarca.

O Templo Votivo do Mar, en Panxón acollerá en xuño o ‘I Certame Internacional de Corais de Galicia e o segundo de España

O Concello de Nigrán celebrará o 27 de xuño no Templo Votivo do Mar (Panxón) o 'I Certame Internacional de Música Coral Ars Canendi: As voces do Camiño', constituíndose así como o primeiro concurso internacional de Galicia e o segundo de España (Tolosa).

Concello de Nigrán e IES Escolas Proval organizan o venres unha homenaxe a Rosalía de Castro

O Auditorio Municipal de Nigrán acollerá, este venres 28 de febreiro ás 20:30 horas un acto de homenaxe á figura de Rosalía de Castro aberto á participación de toda a veciñanza. A iniciativa busca conmemorar o día de Rosalía (celebrado o pasado 24 de febreiro) que coincide co nacemento da escritora fai ahora 183 anos en Padrón.

Baiona e Nigrán decretan dous días de loito oficial polo naufraxio, en augas das Cíes, do Marsua J

O Concello de Baiona decretou onte dous días de loito oficial logo do naufraxio do Marsua J. acontecido nas Illas Cíes, suceso no que perdía a vida un dos dous mariñeiros da embarcación mentres que o segundo, o patrón, segue desaparecido. Pola súa banda, o Concello de Nigrán, ante a traxedia vivida onte no mar, anunciou a suspensión de todas as súas actividades festivas e culturais previstas namentres continúen os labores de busca de Jorge Emilio Martín Costas, mariñeiro de Panxón desaparecido no naufraxio do Marsua J.

Cadetes do C.B. Nigrán, cando crer é poder

Crían que podían, e puideron. Así podería resumirse o que fixo o equipo cadete do C.B. Nigrán que vén de meterse na final da liga desta tempada 2019-2020. O camiño estivo pragado de dificultades, como habitualmente acontece no deporte, e ao longo da tempada houbo moitas veces nas que tiveron que remar contracorrente nunha categoría na que os rivais tiñan un gran nivel competitivo.

Ultimas prazas para a excursión á estación de Alto Campoo que organiza o Concello de Nigrán

O Concello de Nigrán organiza por segundo ano consecutivo unha excursión á estación de esquí de Alto Campoo (Cantabria) do 6 ao 8 de marzo e cuxo prazo de inscrición se amplía ata o luns 24 de febreiro (oficina de Información Cidadá do Concello de Nigrán de 9:00 h a 14:00 horas).

O CPI Arquitecto Palacios de Nigrán celebra o aniversario de Rosalía cun concerto de Arpa de Rodrigo Romaní

O CPI Arquitecto Palacios de Panxón festexou esta mañá o aniversario de Rosalía de Castro (24.02.1837) co concerto de arpa de Rodrigo Romaní Blanco, fundador de Milladoiro e da orquestra Sondeseu. Esta iniciativa, na que colaborou o Concello de Nigrán, contou cun público de máis de 500 alumnos do propio CPI, o CEE de Panxón, CEIP Mallón e IES Val Miñor (estudantes da ESO).

Nigrán reformará as casas dos mestres ao carón do Concello como local para a terceira idade

O Concello de Nigrán ven de aprobar o proxecto de reforma das antigas casas dos mestres situadas ao carón da Casa Consistorial para reconvertelas nun local social a disposición da terceira idade. O investimento de 110.064 € será incluído no Plan Concellos 2020 da Deputación de Pontevedra.

Nigrán abre a inscrición para os cursos de prevención do deterioro congnitivo e benestar físico para maiores

Concello de Nigrán retoma o programa integral para a prevención do deterioro cognitivo e benestar físico e emocional dirixido a maiores de 60 anos e pensionistas empadroados no municipio. Nesta nova edición impartiranse cinco talleres para exercitar a memoria os martes ou xoves en horario de tarde, dous talleres de 'Vivilo Corpo' que serán durante as mañás dos martes e xoves e, finalmente, tres de informática os mesmos días pola mañá.

E Nigrán namorouse da ciencia

O Auditorio de Nigrán encheuse na xornada participativa que, baixo o nome máis que acertado de 'Namórate da Ciencia', pechaba toda unha semana de actividades celebradas nos centros escolares con motivo do 'Día Internacional da Muller e a Nena na Ciencia'. Cando as cousas planifícanse ben, con sentidiño e sobre todo con paixón, adoitan sair ben así que, dende ese punto de vista, que 'Namórate da Ciencia' saíra extraordinariamente ben, tampouco era unha sorpresa.

O Plan de Transporte da Xunta mellora a conexión con Chandebrito pero ignora a Camos

O Concello de Nigrán veu parcialmente estimadas as alegacións que presentou en agosto ao anteproxecto de explotación do Plan de Transporte Público de Galicia 2020 coa conseguinte mellora da conexión que suporá para a toda a comarca. O Goberno local celebra especialmente a mellora da comunicación de Chandebrito coa creación dunha liña por Fragoselo pero, non obstante, "lamenta a oportunidade que este plan supuña para comunicar mellor parroquias do interior como Camos, onde se reducen as frecuencias pese a petición expresa de aumentalas).

Marina Vidal, “é importante que nenos e nenas coñezan o traballo dos científicos en xeral e das científicas en particular”

O Concello de Nigrán achega, durante toda esta semana, a ciencia aos centros escolares e o fai da man de recoñecidas investigadoras que teñen unha vinculación directa co municipio. Marina Vidal é, amais de concelleira de Ensino, mestra en activo e iso nótase á hora de falar...

Nigrán achega a Ciencia aos colexios no «Día Internacional da Muller e a Nena na Ciencia»

O Concello de Nigrán iniciou este luns a programación con motivo do 'Día Internacional da Muller e a Nena na Ciencia' (11 de febreiro) coa charla de Luísa Martínez (responsable da Unidade de Cultura Científica do CSIC) na Escola Infantil 'As Dunas'. Ao longo da semana, Luísa e outras cinco científicas de referencia vinculadas a Nigrán acudirán a todos os centros educativos públicos do municipio.

Nigrán amosa á Xunta os beneficios do proxecto de mellora da seguridade viaria na contorna de Ureca

O alcalde de Nigrán, Juan González, acompañado pola delegada territorial da Xunta en Vigo, Corina Porro, visitou o remate das obras de mellora da seguridade peonil na contorna de Ureca (PO-552). Este acondicionamente non se contemplaba no proxecto inicial da Consellería de Infraestruturas, pero grazas ás alegacións realizadas polo Concello de Nigrán posteriormente incorporouse a realización dun itinerario peonil na zona.

Cinco recoñecidas investigadoras vinculadas a Nigrán poñerán en valor o papel da muller nas ciencias

A aposta de Nigrán tanto pola igualdade como pola ciencia é indubidable. Así que, dende esa perspectiva, non ía tardar moito o Concello en unir as dúas cousas e organizar unha actividade que servira para poñer en valor o papel da muller na investigación científica. Aproveitando o marco da celebración do 'Día Internacional da Muller e a Nena na Ciencia' (11 de febreiro), o Concello de Nigrán desenvolverá unha programación especial que, amais dun recoñecemento ao traballo das científicas, é tamén un xeito de promover no alumnado feminino a dedicación profesional a este coñecemento.

Nigrán acolle o sábado a «Gala do Surf 2019»

O Concello de Nigrán acolle, este sábado 8 de febreiro, a Gala do Surf 2019 que se celebrará no Auditorio Municipal a partir das 19:00 horas e reunirá aos mellores surfistas do pasado ano que competiron no Circuito Galego de Surf, así coma a aquelas persoas e entidades cunha especial vinculación coa Federación Galega de Surf, autoridades representantes do Concello de Nigrán, da Federación Española de Surfing e do Clube Surf de Viana (Portugal).

O Auditorio de Nigrán acolle o xoves unha xornada informativa sobre comunidades de augas

O Auditorio Municipal do Concello de Nigrán acolle mañá xoves ás 20:00 horas unha charla informativa a cargo de Coxapo, 'Comunidade Xeral de Augas de Galicia', nacida no ano 2006 en Tomiño e a cal representa a 88.000 asociados do Baixo Miño e Val Miñor.

Colaboradores