7.4 C
Pontevedra
Domingo, 26 de Xaneiro de 2020

Tag: nigran

O Concello de Nigrán inicia en Chandebrito o curso «Cultiva a mente»

O Concello de Nigrán, coa colaboración da Asociación de Veciños 'O Castro', iniciou esta semana en Chandebrito o programa de prevención do deterioro cognitivo 'Cultiva a mente' coa totalidade das 15 prazas cubertas (hai 4 en lista de agarda). O obxectivo do Concello é descentralizar este programa de envellecemento saudable achegándoo ás parroquias

Nigrán creará unha praza pública na Ramallosa no remate da ponte románica

O Concello de Nigrán creará unha praza pública de 371 m2 para a convivencia e a relaxación no espazo actual entre o remate da Ponte Románica da Ramallosa e a Avenida de Portugal (PO- 340), aos pés do Río Miñor. O obxectivo é rehabilitar esta contorna de gran valor patrimonial, natural e etnolóxica como unha zona señeira de pausa e descanso no Camiño.

Nigrán tentará asumir a titularidade de Otero Pedrayo para realizar as obras que a Xunta nega sistemáticamente

O Concello de Nigrán leva solicitando dende o 2016, e de xeito insistente, a mellora da rúa Otero Pedrayo, un treito da estrada PO-333, dependente da Xunta de Galicia, é que constitúe un eixo fundamental nas comunicacións do muncipio ao enlazar Nigrán e Panxón e ser, polo tanto, unha vía cunha alta densidade de tráfico e de desprazamento de peóns.

Seis entidades de Nigrán de «especial interese ou utilidade municipal» terán unha bonificación do 95% no IBI

O goberno de Nigrán levará ao vindeiro pleno ordinario do 27 de xaneiro a declaración de interese ou utilidade municipal de seis entidades socio culturáis que así o solicitaron por rexistro para conseguir unha bonificación do do 95 % do Imposto de Bens Inmobles (máxima rebaixa permitida por lei e aprobada polo Goberno de Nigrán no 2016).

Nigrán arrendará unha parcela para destinala a aparcadoiro público e gratuíto

O alcalde de Nigrán aprobou esta mañá o prego do concurso público para adxudicar un contrato privado de arrendamento dunha parcela céntrica destinada ao estacionamento público e gratuíto de vehículos, cuestión considerada prioritaria para este goberno. O obxectivo do consistorio é alugar de xeito transparente unha nova finca que sirva de alternativa ao aparcamento público da rúa Vilameán (este fora cedido de xeito gratuíto no 2013 e está inoperativo dende decembro por iniciar a propiedade obras de urbanización).

Nigrán aproba o proxecto de acondicionamento da zona de rodadura do paseo de Panxón

O Concello de Nigrán aprobou onte na Xunta de Goberno o proxecto para acondicionar a zona de rodadura do paseo marítimo de Panxón, orzamentado en 122.300 € e que será incluído no Plan Concellos 2020. A actuación comprende o levantamento das lousas dispostas (moitas delas rotas e descolocadas provocando non só as caídas de peóns, se non tamén ruído no tránsito de vehículos e dificultade na conducción) repoñéndoas por adoquinado de pedra de 15 cm de espesor (13x13x10 cm).

Juan Ángel Vaquerizo desvela en Nigrán canto hai de verdade nas películas de ciencia ficción

Juan Ángel Vaquerizo, investigador do Centro de Astrobiología, impartirá mañá mércores ás 19:30 horas no Salón de Plenos a charla ‘Ciencia “Fricción”: algo chirría en la pantalla’ co fin de desvelar canto hai de verdade e de ficción no que contan as películas.

Concello e escolares de Nigrán plantan 30 abetos no recen creado «Bosque de Nadal»

O Concello de Nigrán realizou este mediodía no parque público de Poutón (Vilariño) a plantación de 30 abetos reunidos na primeira campaña municipal de recollida de árbores de Nadal co obxectivo de promover a sostibilidade e a concienciación ambiental entre a veciñanza. Cen escolares de tódolos colexios...

Nigrán inicia a humanización da Praza da Carrasca en Parada

O Concello de Nigrán iniciou esta mañá as obras de humanización da Praza da Carrasca –na parroquia de Parada– co obxectivo de mellorala estéticamente reordenando o tráfico neste núcleo e dotándoa dun pavimento de pedra máis acorde coa contorna, xa que actualmente é de asfalto a pesar de considerarse zona verde.

Nigrán inicia 2020 coa pavimentación e humanización da rúa Vista ao Mar

A mesa de contratación do Concello de Nigrán, celebrada o pasado 2 de xaneiro, aduxicou as obras de Pavimentación e Humanización da Rúa Vista ao Mar (Lourido) por un importe de 42.896,61 € cunha partida provinte dos proxectos incluídos polo goberno de Nigrán no Plan Concellos 2019. A rúa é un dos accesos ao areal de Praia América e no que se concentran gran número de establecementos de hostalería.

Uns pulmóns de madeira queimada lembran dende hoxe, en Chandebrito, o horror da vaga de incendios do 2017

Concello de Nigrán, Comunidade de Montes de Chandebrito e Asociación de Veciños 'O Castro' inauguran mañá sábado 4 de xaneiro dende as 11,30 horas ao carón do 'Bosque da Memoria' a peza realizada polo colectivo 'Arte no Queimado' con motivo do segundo aniversario dos incendios na parroquia e que leva por título 'Rexurdimento'.

«Camerata Arven» interpretará no Auditorio de Nigrán «Pedro e o Lobo» de Sergey Prokofiev

O Concello de Nigrán, dentro da súa programación especial de Nadal, ofrece este xoves 2 ás 19:00 horas no Auditorio Municipal o conto musical “Pedro e o Lobo” a cargo da Camerata Arven e seguindo a tradición de dar comenzo ao ano novo cun concerto de música clásica para todos os públicos.

Concerto de «Cé Orquestra Pantasma» o domingo no Auditorio de Nigrán

O Concello de Nigrán, dentro da súa programación especial de Nadal, ofrece este domingo 29 ás 17:30 horas no Auditorio Municipal o concerto de 'Cé Orquestra Pantasma' A voar, un espectáculo que busca axudas a nenos e nenas "a reivindicar a confianza necesaria para satisfacer as súas necesidades de liberdade, movemento e xogo libre, así pois, nenos e nenas…a voar!!"

Nigrán despide o ano coa San Silvestre, Mercadiño de Nadal e Certame de Rondallas

Nigrán prepara, para esta fin de semana, unha despedida de ano que contará con todos os ingredientes precisos para satisfacer a todos e todas. Á San Silvestre Solidaria, que cada ano acada un maior número de participantes e é xa un 'clásico' do programa de Nadal de Nigrán, engádese un atractivo Mercadiño de Nadal na Alameda da Ramallosa, o I Certame de Rondallas e o concerto de Argonat Band.

O Belén de Rosa e Fernando, 24 anos de tradición do Nadal de Nigrán

O Nadal faise notar nunha casa de Nigrán cun gran belén. De entre os moitos beléns que se poden visitar estes días na comarca do Val Miñor, chama a atención o da parroquia de San Pedro da Ramallosa, na rúa do Gobernador. Dende hai 24 anos, Rosa e Fernando abren as súas portas para que veciñanza e visitantes poidan gozar dun fermosísnimo Belén

“Por min e por tod@s os meus compañeir@s!

O Auditorio Municipal de Nigrán acollía, este pasado xoves, a representación da obra de teatro 'Por min e por tod@s os meus compañeir@s'. Os nenos e nenas de 4º de primaria do CEIP Humberto Juanes querían, con esta iniciativa, recaudar fondos para UNICEF cunha obra de teatro onde os dereitos dos nenos foran os protagonistas.

Nigrán lanza unha campaña de recollida e reprantación de árbores de Nadal

O Concello de Nigrán presentou hoxe no CEIP A Cruz (Camos) a súa primeira campaña municipal de recollida de árbores de Nadal para a súa posterior replantación co obxectivo, ao mesmo tempo, de promover a sostibilidade e a concienciación ambiental entre a veciñanza. Esta iniciativa, pioneira na comarca, terá como resultado un novo bosque de abetos e pinos no espazo público do parque de Poutón (Vilariño).

Nigran abriu este luns a inscrición para a excursión a «Perlim» o 26 de decembro

O Concello de Nigrán abre dende o luns 16 de decembro ao venres 20 o prazo de inscrición para acudir ao parque temático de Nadal 'Perlim', en Santa María da Feira, Portugal, o 26 de decembro. Os interesados deben anotarse de 9:30 a 13:30 na Oficina de Información Cidadá do Concello e o custe é de 6 € (os menores de 3 anos non pagan) que inclúe transporte en autobús e entrada ao recinto (o pago realizarase no mesmo día da saída).

Nigrán acolle, o martes, unha xornada técnica sobre o cultivo de froitos do bosque

Técnicos agrícolas da Asociación Forestal Galega (ASEFOGA) ofrecerán este martes de 19:00 h a 21:00 horas no local social de Chandebrito (rúa do Turreiro, 4) unha xornada técnica sobre o cultivo de froitos do bosque en Galicia a tenor, precisamente, da plantación piloto realizada en terreos da Comunidade de Montes Chandebrito grazas a un convenio coa Deputación de Pontevedra no que colabora o Concello de Nigrán.

Froitos do bosque encherán unha parcela de Chandebrito recuperada tras os incendios

Técnicos agrícolas completaron esta mañá a plantación de froitos vermellos nunha parcela en desuso do monte comunal de Chandebrito, nun proxecto experimental que nace co obxectivo de recuperar terras en desuso ou abandonadas servindo de guía e incentivo para a producción de arándanos, framboesas, grosellas e amoras entre veciños e demais comunidades de montes.

Equipo «Baby» do C.B. Nigrán, os grandes peques

O equipo 'Baby' do C.B. Nigrán, o dos 'grandes peques' segue medrando o que fala ben ás claras da axeitada política de promoción que se desenvolve dende a directiva do Club Baloncesto Nigrán. Precisamente o 'Baby', que para esta tempada con nada menos que 13 juagadores e xogadoras, acudiu a pasada fin de semana a Navia para participar na 'I Concentración Baby' desta tempada.

«I Bimbi Apassionati» e «I Colori dell’Armonía», este domingo no Templo Votivo de Panxón

O Concello de Nigrán, dentro da súa programación especial de Nadal, ofrece este domingo ás 20:00 horas no Templo Votivo de Panxón a primeira edición de 'Música do templo', que estará composto pola actuación do coro infantil-xuvenil 'I Bimbi Appassionati' e do grupo de música antiga 'I Colori Dell'Armonía'. Unha oportunidade única para gozar da mellor música en directo nun espazo realmente espectacular.

Nigrán pon fin ás constantes avarías nas tubaxes de augas residuais da Avenida de Portugal

O Concello de Nigrán está a rematar a renovación de 215 metros de tubaxe de impulsión de augas residuais na Avenida de Portugal (A Ramallosa) poñendo fin aos problemas de constantes avarías na zona –dez neste último ano– debido ao mal estado das mesmas.

O Auditorio Municipal de Nigrán acolle o sábado do primeiro «Bingo Solidario de Nadal»

O Concello de Nigrán ofrece este sábado no Auditorio Municipal, dentro da súa programación especial de Nadal, o seu 'I Bingo Solidario' dende as 17:00 horas e posterior concerto de Argonat Band ás 20:00 horas.

«Broken Peach» e «Peter Punk» protagonistas do acendido do alumeado de Nadal en Nigrán

O Concello de Nigrán celebra este venres 6 de decembro a festa de acendido das luces de Nadal coas actuacións de Peter Punk ás 17:30 h e o concerto de Broken Peach ás 19:00 h na Praza do Concello. Entre un espectáculo e o outro, o alcalde de Nigrán, Juan González, acompañado do presidente do Círculo Social Val Miñor en Buenos Aires, Alberto Lloret, será o encargado de premer o botón que dé comezo ao Nadal en Nigrán.

Nigrán retoma o programa de maiores «Coñecendo a pé a nosa contorna»

O Concello de Nigrán retoma este xoves 5 de decembro o seu programa destinado aos maiores do municipio 'Coñecendo a pé a nosa contorna' cunha andaina polo camiño portugués pola costa dende A Ramallosa a Panxón na que, nesta ocasión, participarán alumnos do CEE de Panxón co obxectivo de que sexa unha actividade interxeracional.

Preto de medio cento de actividades no programa de Nadal de Nigrán

O Concello de Nigrán arrancou, co inicio do mes de decembro, unha programación especial de Nadal que concentra preto de medio cento de actividades desde este pasado domingo día 1, no que se celebrou o mercado dos comerciantes da Ramallosa en Panxón, ata a cabalgata de Reis, o 5 de xaneiro, como punto final. As cinco mochilas vibratorias do Concello estarán a disposición de todas aquelas persoas que as soliciten para garantir así a accesibilidade nos diferentes concertos.

Nigrán celebra o seu primeiro encontro interxeracional na escola infantil Dunas

O Concello de Nigrán celebrou esta mañá na Escola Infantil Dunas (Panxón) o seu primeiro encontro interxeracional entre nenos e maiores, unha experiencia que será ofrecida aos demais centros do municipio ao resultar sempre moi enriquecedor para as diferentes xeracións implicadas.

«Un Nigrán de talentos» premia as aptitudes das persoas con discapacidade

O Concello de Nigrán, a través do grupo de traballo 'Un Nigrán para todos', ofrece este martes 3 a partir das 17:30 horas no Auditorio Municipal a 'I Gala Un Nigrán de Talentos' coa que conmemora o Día Internacional da Discapacidade. O obxectivo desta xornada é visibilizar, a través dunha ducia de persoas como protagonistas, as diferentes aptitudes nas que cada un destaca.

«Bancos da Amizade» para loitar contra o acoso escolar e a soidade

O Concello de Nigrán instalou esta mañá, na Alameda de San Campio da Ramallosa os dous primeiros 'bancos da amizade' de Galicia, unha iniciativa que xurdíu no 2012 en Florida tras pedirlle a nena Acacia Woodley a súa profesora que se colocase un no patio escolar para combatir a soidade nos recreos. En definitiva, trátase dun recurso que Nigrán extenderá aos seus patios e onde a persoa que se senta transmite aos demais a necesidade de apoio, folgos, alegrías e novas amizades.

Nigrán xa ten a súa primeira Ordenanza de Normalización Lingüística

A Corporación de Nigrán aprobou por unanimidade no pleno ordinario de onte a primeira ordenanza de normalización lingüística do Concello, unha moción do goberno local na que se acorda potenciar o uso do galego na actividade municipal e adoitar medidas para que non se produza ningunha discriminación por razón da lingua que un empregue nas súas comunicacións (tanto orais como escritas co Concello de Nigrán ou coas empresas adxudicatarias de contratos).

Nigrán celebra que a Xunta rectifique e recoñeza San Roque de Camos como festivo local

O Concello de Nigrán celebra que a Xunta de Galicia finalmente rectificase a súa posición publicando oficialmente no BOP de hoxe San Pedro e San Roque de Camos como festivos locais no vindeiro ano, 29 de xuño e 24 de agosto respectivamente. Deste xeito, no 2020 será a primeira vez na historia do municipio que San Roque de Camos se celebre como festivo local.

Nigrán iluminarase de azul no «Día Mundial da Diabetes»

A Casa do Concello de Nigrán iluminarase esta noite e a vindeira de azul con motivo da celebración do Día Mundial da Diabetes o 14 de novembro. Ademais, unha lona conmemorativa luce nun dos balcóns do Concello.

EU e Podemos presentan unha moción conxunta para que Nigrán adhírase ao sistema VioGen

Esquerda Unida e Podemos presentaron o luns unha moción conxunta no Concello de Nigrán para a adhesión E PODEMOS presentaron este luns unha moción conxunta para a adhesión de Nigrán ao Sistema de Seguimento Integral nos casos de Violencia de Xénero (VioGén), un proxecto destinado a previr as situacións de risco e protexer ás vítimas mediante a colaboración e coordinación das policía local de Nigrán co resto de policías.

Nigrán acolle, o xoves, unha selección das mellores curtas do «FICBUEU»

O Concello de Nigrán colabora co Cineclub Alice Guy Val Miñor para ofrecer este xoves 14 de novembro ás 20:30 no Auditorio Municipal unha escolma das mellores curtas internacionais do 12º Festival Internacional de Curtametraxes de Bueu (FICBUEU), celebrado nesta localidade do 6 ao 14 de setembro de 2019

Nigrán contrata catro persoas en prácticas no programa «O teu primeiro emprego» da Deputación

O Concello de Nigrán vén de contratar a través da Deputación de Pontevedra a catro persoas en prácticas ao abeiro das bases do programa 'O teu primeiro emprego' de fomento da empregabilidade na provincia.

Nigran inicia o luns un amplo programa para conmemorar o «Día Internacional contra a violencia de Xénero

O Concello de Nigrán súmase un ano máis á conmemoración do 'Día Internacional Contra A Violencia de Xénero' o 25 de novembro coa celebración durante todo o mes de diversos actos alusivos que arrancan este mesmo luns 11 e que terán entre o 18 e 25 de novembro visibilidade nos establecementos comerciais a través da campaña 'En Negro contra as violencias'.

«Distintas compañías» de Teatro do Ar, este sábado en Nigrán

O auditorio do Concello de Nigrán recibe este sábado 'Teatro do Ar' nun novo día do seu ciclo de teatro. A compañía de Nigrán representará a obra orixinal de Pedro Rodríguez Villar, director do grupo, 'Distintas Compañías'. Unha comedia baseada nas lendas que Antonio Fraguas, homenaxeado no Día das Letras Galegas deste ano, recolleu durante a súa vida de aldea en aldea.

Nigrán inicia un curso de manualidades ao abeiro do programa «Tecendo Lazos»

O Concello de Nigrán deu iniciou onte ao curso gratuíto 'Manualidades de moldeado e pintado con obxectos reciclados' organizado no marco do Programa da Deputación de Pontevedra 'Tecendo Lazos', que non se celebraba en Nigrán dende hai 3 anos e que conta nesta edición con 15 persoas inscritas.

Nigrán abre o xoves a inscrición para unha excursión e baile de maiores

O Concello de Nigrán continúa co seu programa de turismo social destinado á veciñanza da terceira idade cunha excursión o 14 de novembro a Moaña, museo Meirande de Redondela e xantar-baile no restaurante Casas tamén en Redondela. O prazo de inscrición abre este xoves 7 de novembro ás 9:00 horas e pecha o venres 8, sendo na Oficina de Información Cidadá do Concello de Nigrán (só se permite anotar a un máximo de 2 persoas por solicitante).

Colaboradores