20.2 C
Pontevedra
Luns, 21 de Setembro de 2020

Tag: nigran

Nigrán e Cáritas asinan un convenio para instalar 4 colectores de roupa

O Concello de Nigrán e Servizos Comerciais de Inserción Laboral EIL de Cáritas, veñen de asinar un convenio de colaboración ao abeiro do que o Concello concede catro espazos no municipio para a colocación doutros tantos contedores de roupa por un período de dous anos, prorrogable por outros dous.

A Casa dos mestres de Balinfra acolle ao alumnado da especialidade de atención Socio-sanitaria do Obradoiro de Emprego “Crea e Coida Miñor”

O Obradoiro de emprego “Crea e Coida Miñor” formado polas especialidades de “Atención Socio sanitaria a persoas en domicilios e a persoas dependentes en institucións sociais” e “Deseño de produtos gráficos”, pretende cubrir un aspecto clave da actividade do Val Miñor, por un lado atender a un colectivo, cada vez máis numeroso, de persoas dependentes tanto en institucións como en domicilios e por outro aspectos transversais que afectan como a especialidade de creación e el deseño gráfico.

Nigrán e Vigo acollen esta semana a campaña de concienciación da Xunta para promover un turismo seguro

No marco do programa Galicia destino seguro, a Xunta de Galicia escolleu esta semana a comarca de Vigo para dar continuidade á campaña itinerante de concienciación que durante todo o verán está promovendo un turismo seguro en distintos puntos de Galicia. O espazo informativo móbil estará mañá mércores e o xoves na cidade de Vigo na rúa Concepción Arenal na zona anexa á delegación da Xunta de Galicia. O venres estará en Nigrán, concretamente en Praia América, na desembocadura do río Muíños.

Nigrán creará un grupo de voluntariado para coordinar as entradas e saídas seguras do alumnado

O Concello de Nigrán, a suxerencia das direccións e anpas de todos os centros educativos públicos do municipio, creará un grupo de voluntariado para coordinar as entradas e saídas seguras do alumnado nos colexios. Esta foi unha das propostas que xurdiron na reunión convocada pola Concellería de Educación o venres pasado no Salón de Plenos para analizar conxuntamente a aplicación do protocolo Covid-19 da Xunta nos colexios de Nigrán.

Nigrán continúa hoxe, no Val Miñor Fest, co programa ‘A igualdade non é un conto’

O Concello de Nigrán, a través do Centro de Información ás Mulleres (CIM), continúa este venres ás 20:30 na Alameda de A Ramallosa e dentro do Valmiñor Fest (festival da cervexa artesanal) o programa 'A igualdade non é un conto', dirixido á infancia e que inclúe varios contacontos, un espectáculo de maxia e outro de monicreques.

O urbanismo de Nigrán avanza 30 anos tras a entrada en vigor hoxe da ansiada modificación das normas subsidiaria

O urbanismo de Nigrán avanza 30 anos tras a publicación hoxe no Boletín Oficial da Provincia de Pontevedra (BOPPO) da modificación puntual número 25 das normas subsidiarias de planeamento urbanístico, o que significa que esta entra xa definitivamente en vigor. Con anterioridade, o 1 de xuño, o DOGA informaba desta aprobación demandada por todos os sectores sociais de Nigrán ante o obsoleto, complexo e ineficaz que resultaba o antigo regulamento de 1991, xa que incluso entraba en contradición coa actual normativa estatal ou autonómica. Ao mesmo tempo, desde o goberno de Nigrán inciden en que continúan coa tramitación do Plan Xeral de Ordenación Urbanística de cara a obter a súa aprobación definitiva.

Nigrán instala iluminación específica en 9 pasos de peóns como mellora da seguridade viaria

O goberno de Nigrán extrema as medidas para eliminar os atropelos en pasos de peóns do municipio investindo 18.000 € en nove sistemas de iluminación específica. O obxectivo é mellorar a seguridade do camiñante e do conductor en viais onde os pasos non están regulados semafóricamente e resultan especialmente perigosos, cuestión que tamén demandaran as diferentes entidades veciñais. Así, estos reforzos foron instalados por operarios municipais na Ramallosa en Torrente Ballester (2), Avda Portugal (1), Manuel Lemos (2); en Panxón en Arquitecto Palacios e Cidade de Vigo; en Nigrán fronte á Praza do Concello e PO-552.

Nigrán, en colaboración con Ovalmi, celebra este domingo a feira de oportunidades ‘Portobelo’

O Concello de Nigrán colabora un ano máis coa asociación de empresarios 'Ovalmi' na organización da feira de oportunidades 'Portobelo' este domingo 9 de agosto na Alameda de A Ramallosa. Un total de 28 comerciantes da comarca ofrecerán durante todo o día (de 11:00 a 21:00 horas) os seus mellores descontos en produtos como calzado, pezas de vestir, menaxe, cosméticos...

Nigrán ofrece á mocidade obradoiros de rap e música urbana para rachar coas desigualdades de xénero

O Concello de Nigrán empregará o rap e estilos afíns (trap, R`n`b, EDM, reggaton...) para sensibilizar entre a mocidade sobre as desigualdades de xénero e a violencia aparellada. Deste xeito, a través do Centro de Información ás Mulleres (CIM) ofrece gratuítamente desde o 17 deste mes “Obradoiros de Rap e música urbana” a cargo da escola de música de Nigrán 'Gain Over', composta por artistas locais de bandas tan recoñecidas como Blue Monk.

Nigrán amplía o saneamento en Vilariño de Abaixo logo de acadar, despois de anos, o acordo de todos os propietarios de terreos

O Concello de Nigrán, a través da empresa concesionaria Aqualia, ven de rematar as obras de conexión á rede municipal de saneamento na rúa Vilariño de Abaixo tras acadar finalmente o acordo de todos os propietarios despois de anos. Deste xeito, os interesados xa poden tramitar esta conexión que beneficia a 10 vivendas e 5 parcelas pendentes de urbanizar.

Nigrán abre o prazo de inscrición para o roteiro do xoves polo litoral e do sábado en Parada

O Concello de Nigrán, dentro da súa programación de verán 'Equilibrio Natural', ten aberto o prazo de inscrición no mail turismo@nigran.org para participar no roteiro guiado deste xoves 6 polo litoral con saída ás 10:00 horas desde a Alameda de San Campio en A Ramallosa e o sábado en Parada (roteiro de 'Os Mouros´) con saída ás 10:00 desde a rúa Areíña. As prazas están limitadas por indicacións sanitarias e se cubrirán por rigorosa orde de solicitude. O Concello facilitará intérprete de lingua de signos en caso de que algunha das persoas que se inscriba indique esta necesidade no correo electrónico. O seguinte roteiro será o martes 11 por Monteferro coincidindo co solpor.

Nigrán traslada o ‘Festival Solpor’ de Monteferro ás Dunas de Gaifar para poder cumpir con todas as garantías sanitarias

O Concello de Nigrán celebra este venres e sábado o seu exitoso festival 'Solpor' no espazo público Dunas de Gaifar con Toni Lomba e Llorente&Tribu o venres e Deteriorados e La Franga o sábado. O evento musical organizado desde o Concello, como xa anunciara, abandona este ano o miradoiro de Monteferro para poder manter a gratuidade do mesmo cumprindo ao mesmo tempo con todas as garantías sanitarias, polo que o aforo será reducido e o público deberá permanecer en cadeiras.

Nigrán continúa o mércores co programa ‘A igualdade non é un conto’ coa aventura de Daniela Pirata

O Concello de Nigrán, a través do Centro de Información ás Mulleres, continúa este mércores 5 de agosto ás 20:30 na Praza do Concello o programa “A igualdade non é un conto”, dirixido á infancia e que inclúe varios contacontos, un espectáculo de maxia e outro de monicreques que se desenvolverán ata o día 5 de setembro en diferentes ubicacións.

Nigrán conta xa coa sua propia cervexa promocional, ‘Nigrán, equilibrio natural’

Non adoita o Concello de Nigrán de facer presentacións sobre todo nestes temas nos que a pandemia segue marcando a rutina diaria. Pero, como sinalou o alcalde de Nigrán, Juan González, "hoxe era de xustiza facela" para presentar a saída ao mercado da cervexa promocional Nigrán, equilibro natural saída da firma miñorana Trisk-ale fundada polos irmáns Andrés e Roberto Toledano e, a modo de acompañamento desta presentación, dar a coñecer un amplo programa de actividades para o mes de agosto "que se farán cumprindo polo miúdo todas as garantías sanitarias", sinalou o rexedor local.

Os Concellos de Nigrán e Baiona colaboran con Arela no programa ‘Convive.COMigo’

As respectivas concelleiras de Asuntos Sociais de Nigrán e Baiona, Bibiana Peixoto e Concepción Vara, reuníronse esta mañá con técnicos da Asociación Arela, Eva Piñeiro e Julio Barreiro, de cara a promover entre a súa veciñanza o programa 'CONVIVE.COMigo', unha iniciativa na que esta entidade e Xunta de Galicia buscan conseguir persoas ou familias que queiran convivir cun/cunha adolescente que teña a obriga de cumprir unha medida xudicial (convivencia con outra persoa, familia ou grupo educativo).

Nigrán festexa San Fiz, patrón do municipio, con programación infantil e o concerto de ‘A banda loba’ o sábado

O Concello de Nigrán abre mañá ás 20:00 horas na Praza do Concello os festexos de San Fiz, patrón do municipio, co Paiaso Popín e a gran estrea de 'O Estrano caso do dentista da rúa Brasov', de Troula. As actividades infantís continuarán o venres 31 de xullo no mesmo horario e localización con Rey Midas e Valeria Varitas, que ofrecerán parte da maxia que regalaron por videoconferencia aos nenos de aniversarios durante o confinamento.

Nigrán empregará drons con intelixencia artificial para mellorar o control de aforo en Praia América e Patos

O Concello de Nigrán mellorará o control do aforo dos seus principais areais (Praia América e Patos) mediante o emprego de drons equipados co sistema experto DGH Intelligent Watchful Vision desenvolvido pola enxeñería ubicada en Porto do Molle DGH, que cede o software altruístamente.

Nigrán reactiva o Consello Escolar Municipal actualizando o seu regulamento no Pleno

O goberno de Nigrán aprobou hoxe no pleno ordinario de xullo e co beneplácito de toda a coporación a modificación do regulamento do Consello Escolar Municipal co obxectivo de reactivalo e facelo de verdade operativo durante o vindeiro curso. Tras máis de 6 anos sen seren convocado (xaneiro de 2014) o goberno local quere poñer en marcha este órgano consultivo para consensuar, coordinar, planificar e abordar entre todos calquera aspecto que poidar ter incidencia no correcto funcionamento dos centros de Nigrán.

Nigrán arranca este mércoles o programa “A igualdade non é un conto”

O Concello de Nigrán, a través do Centro de Información ás Mulleres, arranca este mércores ás 20:30 en Dunas de Gaifar o programa “A igualdade non é un conto”, dirixido á infancia e que inclúe varios contacontos, un espectáculo de maxia e outro de monicreques que se desenvolverán dende o día 29 de xullo ata o día 5 de setembro en diferentes ubicacións.

Nigrán ofrece un concerto íntimo de Carlos Nuñez a través de ‘Cultura no Camiño’

O Concello de Nigrán ofrece na súa programación especial de agosto 'Nigrán, equilibrio natural' o concerto estelar de Carlos Núñez o sábado 15 no miradoiro de Monteferro dentro da súa xira 'Lugares Máxicos' e como parte do circuíto Cultura no Camiño.

Nigrán regula o aparcamento de caravanas nas zonas de praia

O Concello de Nigrán editou hoxe un bando de carácter extraordinario que regula o aparcamento de caravanas nas zonas de praia do municipio ata o 15 de outubro deste ano garantindo ao mesmo tempo os dereitos dos caravanistas a aparcar (non acampar) e dos demais usuarios que acuden en turismos.

Nigrán colabora coa plataforma educativa solidaria, na que os profesores voluntarios axudan con clases de reforzo

O Concello de Nigrán colabora coa plataforma educativa solidaria creada no municipio da man de profesores xubilados e voluntarios co obxectivo de ofrecer reforzo a 29 alumnos de primaria e secundaria que non puideron seguir as clases online durante o confinamento (ben por falta de medios técnicos ou axuda na casa).

O XIV Nigranjazz extende a súa duración apostando por lendas nacionais e artistas europeos

O Concello de Nigrán aposta neste XIV Nigranjazz por duplicar a duración do festival de dous a catro días e extender a súa localización orixinal do esteiro da Foz a Patos e Panxón co obxectivo de disgregar ao público ante as restricións sanitarias vixentes.

Intalarase en Panxón o segundo “Peixe traga-plástico”

O Concello de Nigrán instalará esta semana o seu segundo 'Peixe traga-plástico' en Panxón, obra do artista René de la Jara, responsable do mercado multicultural que cada ano se ubica en Praia América e quen realizou tamén o colocado a inicios de mes alí.

Nigrán únese á celebración do Día do Libro, este xoves na Ramallosa, con diferentes presentacións e sinaturas

O Concello de Nigrán únese ao sector libreiro de toda España para festexar este xoves 23 de xullo o Día do Libro, tres meses despois do que lle correspondería despois de que este ano coincidise co confinamento.

O Concello de Nigrán contrata á artista Lula Goce para pintar o maior mural da comarca

O Concello de Nigrán ven de contratar á artista de Baiona Lula Goce, internacionalmente recoñecida polos seus impactantes murais, para pintar en Panxón a que será a súa maior obra na comarca. Goce está a traballar xa nun muro de 200 metros cadrados de superficie ubicado na subida da rúa Gondomar (ao carón do cemiterio) e que estará rematado ao longo do verán.

O Concello de Nigrán abre o prazo para inscribirse no roteiro litoral do xoves e no camiño portugués pola costa do sábado

O Concello de Nigrán ten aberto o prazo de inscrición no mail turismo@nigran.org para participar no seus roteiros guiados desta semana dentro da súa programación #NigránEquilibrioNatural.

Hoxe proxectarase ‘La quimera del oro’, con banda sonora en directo, na Praza do Concello de Nigrán

O Concello de Nigrán e o cineclub Val Miñor-Alice Guy continúan este luns co seu primeiro ciclo de cinema ao aire libre ás 22:30 na Praza do Concello proxectando 'La quimera del oro' coa gran particularidade de que a banda sonora estará musicada en directo polo guitarrista nigranés Felipe Villar, director do Nigranjazz e quen lle dará a súa propia versión.

O Concello de Nigrán reabre en Panxón o centro de atención ás persoas con alzhéimer adaptado ás actuais circunstancias sanitarias

O Concello de Nigrán reabríu esta semana o seu centro de Panxón para ofrecer presencialmente o seu servizo municipal de atención a persoas con alzhéimer ou outras demencias adaptándoo a todas as circunstancias sanitarias e reforzandoo para tratar de recuperar as patoloxías asociadas ao confinamento.

O Concello de Nigrán subvenciona un campamento dirixido a unha ducia de persoas que sufran algún tipo de discapacidade intelectual

O Concello de Nigrán e o centro Juan María veñen de asinar un convenio para financiar o proxecto 'Lecer para todos 2020' (campamento urbano) por importe de 2.500 €, aumentando así nun 250% a habitual aportación económica, que nesta ocasión foi incluída no Orzamento 2020 como partida específica a tal fin. Así, durante as tres primeiras semanas do mes de agosto, unha ducia de persoas con discapacidade intelectual beneficiaranse deste programa de actividades de lecer e tempo libre en horario de 10:00 h a 14:00 horas de luns a venres.

O Concello de Nigrán abre hoxe xoves e mañá venres o prazo de inscrición para participar o domingo 26 na festa dos avós en Camos

O Concello de Nigrán abre o prazo de inscrición os días 16 e 17 de xullo de 10:00 a 13:00 horas no teléfono de contacto 986365000 para participar na primeira festa con motivo do Día do Avós o domingo 26 de xullo en Camos.

O Concello de Nigrán abre o prazo de inscrición para o roteiro circular do xoves polo río Muínos e do sábado por os Matos – río Táboas

O Concello de Nigrán ten aberto o prazo de inscrición no mail turismo@nigran.org para participar no seus roteiros guiados desta semana dentro da súa programación #NigránEquilibrioNatural.

O Concello de Nigrán ofrece este domingo o concerto da Banda de Música do Val Miñor

O Concello de Nigrán ofrece dentro da súa programación especial de verán o concerto este domingo ás 12:00 horas na Alameda de A Ramallosa da Banda de Música do Val Miñor. O concerto encádrase nas actuacións habituais de verán neste espazo, repetíndose outro durante o mes de agosto. Paralelamente, o Concello ofrece o programa ‘Música nas parroquias’ mediante o cal unha banda actúa en sesión vermú no respectivo día do patrón/a de cada lugar.

Gustavo Almeida actuará hoxe no espazo Dunas de Gaifar, Nigrán

O Concello de Nigrán, dentro da súa programación especial de verán, ofrece este sábado 11 de xullo ás 22:30 no espazo deportivo Dunas de Gaifar (Panxón) o concerto do artista e ex-futbolista Gustavo Almeida presentando o seu último disco ‘Vértice’. A entrada será de balde pero con aforo limitado atendendo ás medidas de seguridade sanitarias actuais.

Nigrán recollerá ‘porta a porta’ o lixo dos negocios do porto de Panxón ante a orde “inmediata” da Xunta de retirar os contedores do espazo portuario

O Concello de Nigrán recollerá porta por porta o lixo dos negocios situados no porto pesqueiro de Panxón ante a impredecible orde da Xunta de Galicia do día 2 de que se retirasen inmediatamente os contedores municipais existentes baixo pena de multa ao ser ese terreo de Portos de Galicia.

O Goberno de Nigrán aproba investir 1 millón de euros do remanente para 13 proxectos entre os que está a cociña municipal escolar

O Concello de Nigrán celebrou esta mañá o seu primeiro pleno presencial tras o estado de alarma declarado polo Covid-19 cumplindo con todas as medidas de seguridade, o que obrigou a sentar a parte dos concelleiros entre as cadeiras do público para gardar distancias, ter ventilado...

O espazo Dunas de Gaifar de Nigrán, escenario do concerto de Gustavo Almeida o sábado 11 de xullo

O Concello de Nigrán, dentro da súa programación especial de verán, ofrece este sábado 11 de xullo ás 22:30 no espazo deportivo Dunas de Gaifar (Panxón) o concerto do artista e ex-futbolista Gustavo Almeida presentando o seu último disco ‘Vértice’. A entrada será de balde pero con aforo limitado atendendo ás medidas de seguridade sanitarias actuais.

O ‘peixe tragaplástico’, unha chamada para que as e os bañistas de Praia América arroxen dentro o refugallo que atopen deste material

O Concello de Nigrán instalou hoxe o seu primeiro 'Peixe traga-plástico' en Praia América, obra do artista René de la Jara, responsable do mercado multicultural que cada ano se ubica neste areal. A escultura a base de guías metálicas presenta unha abertura onde os bañistas deben depositar calquera refugallo de plástico que atopen na area

O PSOE afirma que unha nova Xunta de Galicia “atenderá as necesidades de Nigrán” como a urbanización de Otero Pedrayo

A candidatura do PSdeG-PSOE pola provincia de Pontevedra visitou o Concello de Nigrán, onde mantivo unha xuntanza de traballo co alcalde, Juan González, e membros do grupo municipal para coñecer de primeira man as necesidades dun dos municipios que é referencia do turismo galego e da marca Rías Baixas. O secretario xeral provincial, David Regades, amosouse sorprendido polo nivel de ausencia do Goberno galego nun concello tan relevante.

Nigrán estrea o ciclo ‘Sona Gaifar’ o venres 10 de xullo coas actuacións de Belém Tajes, Akazie, Fon Kid e Yugen Kala

O Concello de Nigrán presenta a súa primeira edición de Sona Gaifar coma un novo evento sonoro apoiado pola Deputación de Pontevedra a través do Plan Concellos 2020 que ven a complementar a oferta musical e cultural do verán na localidade. Con dúas datas, venres 10 de xullo e venres 14 de agosto, propón sesións de escoita para as tardes e solpores de Panxón (no Espazo deportivo Dunas de Gaifar, lugar que acollerá máis eventos este verán e que se estrea con este).

Colaboradores